Түзетілген шот-фактура бұрын жазып берілген шот-фактураға өзгерістер және (немесе) толықтырулар енгізу, тауарларды, жұмыстарды, көрсетілетін қызметтерді берушіні және (немесе) алушыны ауыстыруға әкеп соқпайтын қателерді түзету қажет болған жағдайда жазып беріледі.

ЭШФ – электрондық шот-фактура – бұл сатушы тауарларды сату, жұмыстарды орындау немесе қызметтерді көрсету кезінде ұсынатын, ал сатып алушы өз кезегінде оны белгіленген мерзімде растайтын электрондық салық құжаты. Бұл құжат тауарлар тиелгенін немесе қызметтер көрсетілгенін растайды және ҚҚС сомасын қоса алғанда, олардың құнын белгілейді. Құжат мемлекеттік ақпараттық жүйе (ЭШФ АЖ) арқылы ресімделеді және электрондық цифрлық қолтаңбамен қол қойылады.

ЭШФ қағаз шот-фактурасын ауыстырады және осындай заңды күшке ие.

ЭШФ сонымен қатар ҚҚС бойынша салық міндеттемелерін орындауды және жеткізу тізбегі бойынша тауарлар қозғалысын қадағалаудың электрондық жүйесінің элементі болып табылады.

Қазақстанда 2014 жылғы 1 шілдеден бастап Салық кодексінің электрондық шот-фактураларды жазып беру туралы ережелері қолданысқа енгізілді, ал 2015 жылғы 22 ақпанда электрондық нысанда жазып берілетін шот-фактуралардың құжат айналымы қағидалары («Қағидалар») бекітілді және «ЭШФ ақпараттық жүйесі» бағдарламалық қамтамасыз етуі енгізілді.

2026 жылғы 1 қаңтардан бастап түзетілген ЭШФ

2026 жылғы 1 қаңтарға дейінгі түзетілген ЭШФ

2026 жылғы 1 қаңтардан бастап түзетілген ЭШФ

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

Салық реформасы шеңберінде 2026 жылғы 1 қаңтардан бастап күшіне енетін өзгерістер электрондық шот-фактураларға қатысты болды.

Түзетілген және қосымша ЭШФ алушылар үшін, сондай-ақ оларды қайтарып алған жағдайда жаңа міндеттер мен растау мерзімдері енгізілді.

Қандай жағдайларда түзетілген ЭШФ жазып беріледі

Түзетілген ЭШФ нені қамтуы тиіс

Қандай жағдайларда түзетілген ЭШФ жазып беріледі

Түзетілген шот-фактура бұрын жазып берілген шот-фактураға өзгерістер және (немесе) толықтырулар енгізу, тауарларды, жұмыстарды, көрсетілетін қызметтерді берушіні және (немесе) алушыны ауыстыруға алып келмейтін қателерді түзету қажет болған жағдайда жазып беріледі.

Түзетілген шот-фактура жазып берілген кезде бұрын жазып берілген шот-фактураның күші жойылады, қосымша шот-фактуралар болған кезде олардың да күші жойылады.

Күші жойылған қосымша шот-фактураларды қалпына келтіру үшін түзетілген шот-фактураға қосымша шот-фактуралар жазып беріледі. (ҚР СК 499-бабы)

Түзетілген ЭШФ нені қамтуы тиіс

 Түзетілген шот-фактура:

1) шот-фактураларды жазып беруге қойылатын талаптарға сәйкес келуге;

2) мынадай ақпаратты:

• шот-фактура түзетілген болып табылатыны туралы белгіні;
• түзетілген шот-фактураның реттік нөмірі мен жазып берілген күнін;
• күші жойылатын шот-фактураның реттік нөмірі мен жазып берілген күнін қамтуға тиіс.

Түзетілген ЭШФ алушылар үшін растау мерзімдері

ҚР СК 499-бабына сәйкес қағаз жеткізгіште жазып берілген түзетілген шот-фактура бойынша осындай шот-фактураны тауарларды, жұмыстарды, көрсетілетін қызметтерді алушының алғаны туралы растаулардың бірінің:

1) ҚР СК 492-бабының 6-тармағына сәйкес тауарларды, жұмыстарды, көрсетілетін қызметтерді алушының осындай шот-фактураны қолтаңбаларымен және мөрімен растауы;

2) тауарларды, жұмыстарды, көрсетілетін қызметтерді берушінің осындай шот-фактураны тауарларды, жұмыстарды, көрсетілетін қызметтерді алушының мекенжайына тапсырысты хатпен жіберуі және оның алынғаны туралы хабарламаның болуы;

3) тауарларды, жұмыстарды, көрсетілетін қызметтерді алушының қол қойылған және:

• заңды тұлғалар үшін – егер осы тұлғада Қазақстан Республикасының заңнамасына сәйкес мөр болуға тиіс болса, оның атауы қамтылған және ұйымдық-құқықтық нысаны көрсетілген;
• дара кәсіпкерлер үшін – мөрі болған кезде, тегі, аты және әкесінің аты және (немесе) атауы қамтылған мөр басылған осындай шот-фактураны алғандығы туралы хаты болуы міндетті.

Электрондық нысанда жазып берілген түзетілген шот-фактура бойынша тауарларды, жұмыстарды, көрсетілетін қызметтерді алушы:

1) егер осындай түзетілген шот-фактураны алушы қосылған құн салығын төлеуші болып табылса – осындай шот-фактураның жазып берілгенін растауға немесе келіспеген кезде қабылдамауға міндетті. Бұл ретте осындай шот-фактураны алушыдан растау болған кезде шот-фактура жазып берілген болып есептеледі;

2) егер түзетілген шот-фактураны алушы қосылған құн салығын төлеуші болып табылмаса – түзетілген шот-фактураны алған күннен бастап күнтізбелік он күн ішінде сондай шот-фактураны жазып беруді қабылдамауға құқылы. Егер осындай қабылдамау осы тармақшада көрсетілген мерзім ішінде жүргізілмесе, онда шот-фактура тауарларды, жұмыстарды, көрсетілетін қызметтерді алушы растаған болып есептеледі..

Бұл ретте алушы тауарларды, жұмыстарды, көрсетілетін қызметтерді берушіге осындай түзетілген шот-фактураны кері қайтарып алуды талап ете отырып жүгінуге құқылы. Осы баптың ережелері ҚР СК 500-бабында көзделген жағдайларда қолданылмайды. 

Қайта құру жолымен қайта ұйымдастыру жағдайларын қоспағанда, қайта ұйымдастырылған заңды тұлғаның құқық мирасқоры түзетілген шот-фактураны жазып беруді жүргізбейді.

2026 жылғы 1 қаңтарға дейінгі түзетілген ЭШФ 

Түзетілген шот-фактура бұрын жазып берілген шот-фактураға өзгерістер және (немесе) толықтырулар енгізу, тауарларды, жұмыстарды, көрсетілетін қызметтерді берушіні және (немесе) алушыны ауыстыруға әкеп соқпайтын қателерді түзету қажет болған жағдайда жазып беріледі. 

Қандай жағдайларда түзетілген шот-фактура жазылады

Түзетілген шот-фактурада не болуы тиіс

Түзетілген шот-фактураны алғаны туралы растау

Түзетілген шот-фактураны жазып беру мерзімі

ЭШФ жазып беру ережесіне өзгерістер мен толықтырулар 

Қандай жағдайларда түзетілген шот-фактура жазылады

Түзетілген шот-фактура бұрын жазып берілген шот-фактураға өзгерістер мен толықтырулар енгізу қажет болған кезде жазып беріледі.

Түзетілген шот-фактураны жазып беру кезінде бұрын жазып берілген шот-фактураның күші жойылады, сондай-ақ олар болған кезде қосымша шот-фактуралардың күші жойылады.

Жойылған қосымша шот-фактураларды қалпына келтіру үшін түзетілген шот-фактураға қосымша шот-фактуралар жазылады.

Түзетілген шот-фактурада не болуы тиіс

Түзетілген шот-фактура:
1) шот-фактураларды жазып беруге қойылатын, осы тарауда белгіленген талаптарға сәйкес келуге;
2) мынадай ақпаратты:

• шот-фактура түзетілген болып табылатыны туралы белгіні;
• түзетілген шот-фактураның реттік нөмірі мен жазып берілген күнін;
• күші жойылатын шот-фактураның реттік нөмірі мен жазып берілген күнін қамтуға тиіс.

Түзетілген шот-фактураны алғаны туралы растау

Қағаз жеткізгіште жазып берілген түзетілген шот-фактура бойынша осындай шот-фактураны тауарларды, жұмыстарды, көрсетілетін қызметтерді алушының алғаны туралы төменде санамаланған растаулардың бірінің:

1) осы Кодекстің 412-бабының 12-тармағына сәйкес тауарларды, жұмыстарды, көрсетілетін қызметтерді алушының осындай шот-фактураны қолтаңбаларымен және мөрімен растауы;

2) тауарларды, жұмыстарды, көрсетілетін қызметтерді берушінің осындай шот-фактураны тауарларды, жұмыстарды, көрсетілетін қызметтерді алушының мекенжайына тапсырысты хатпен жіберуі және оның алынғаны туралы хабарламаның болуы;

3) тауарларды, жұмыстарды, көрсетілетін қызметтерді алушының қол қойылған және:

• заңды тұлғалар үшiн – егер осы тұлғада Қазақстан Республикасының заңнамасына сәйкес мөр болуға тиіс болса, оның атауы қамтылған және ұйымдық-құқықтық нысаны көрсетiлген;
• дара кәсiпкерлер үшiн – мөрі болған кезде, тегi, аты, әкесiнiң аты (егер ол жеке басты куаландыратын құжатта көрсетілсе) және (немесе) атауы қамтылған мөр басылған осындай шот-фактураны алғандығы туралы хаты болуы міндетті.

Электрондық нысанда жазып берілген түзетілген шот-фактура бойынша тауарларды, жұмыстарды, көрсетілетін қызметтерді алушы осындай түзетілген шот-фактураны алған күннен бастап күнтізбелік он күн ішінде электрондық нысанда жазып берілетін шот-фактуралардың құжат айналымы тәртібіне сәйкес осындай шот-фактураның жазып берілуіне келіспейтінін көрсетуге құқылы.

Осы баптың ережелері Салық кодексінің 420-бабында көзделген жағдайларда қолданылмайды.

Түзетілген шот-фактураны жазып беру мерзімі

Түзетілген немесе қосымша ЭШФ қосымша немесе түзетілген ЭШФ жазып берілетін ЭШФ жазып берілген күннен бастап салық заңнамасында белгіленген талап мерзімі шегінде жазып беріледі.

Салық кодексінің 48-бабына сәйкес талап қоюдың ескіру мерзімі үш жылды құрайды.

ЭШФ жазып беру ережесіне өзгерістер мен толықтырулар

2023 жылғы 1 сәуірден бастап ЭШФ жазып беру ережесі өзгертілді. ЭШФ жазып беру ережесі 2023 жылғы 15 наурыздағы № 278 бұйрықпен қабылданды.

ЭШФ жазып беру ережесінде өзгерістер:

• бағаны түзетуге;
• ЭШФ-дағы тауардың құнына;
• ТІЖ қабылданбауына байланысты ЭШФ-ның күшін жою мерзімдеріне қатысты болды.

Өзгерістер бойынша салыстырмалы кесте