СЕН 700.00 – Көлік құралдары салығы, жер салығы және мүлік салығы бойынша декларация

2026 жылғы 1 қаңтардан бастап 700.00-нысан

2026 жылғы 1 қаңтарға дейінгі 700.00-нысан

2026 жылғы 1 қаңтардан бастап 700.00-нысан

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

СЕН 700.00 – Көлік құралдары салығы, жер салығы және мүлік салығы бойынша декларация

Көлік құралдары салығы, жер салығы және мүлік салығы бойынша декларация (700.00-нысан) көлік құралдары салығын, жер салығын және мүлік салығын есептеуге арналған «Көлік құралдары салығы, жер салығы және мүлік салығы бойынша декларация» салық есептілігі нысанын (бұдан әрі - декларация) жасау тәртібін айқындайды.

Декларацияны Салық кодексінің 563, 571 және 588-баптарында көрсетілген салық төлеушілер, сондай-ақ жеке практикамен айналысатын адамдар, Салық кодексінің 601-бабында көрсетілген объектілер бойынша дара кәсіпкерлер болып табылмайтын жеке тұлғалар жасайды.

Декларацияға қосымшалар

Салықтық кезең

Декларацияны тапсыру мерзімі

Салық тіркелімдерінің нысандары

Декларацияға қосымшалар

Декларация декларацияның өзінен (700.00-нысан) және көлік құралдарына салық салуға, жер салығына және мүлік салығына байланысты объектілер туралы ақпаратты егжей-тегжейлі көрсетуге арналған оған қосымшалардан (700.01-ден 700.03-ке дейінгі нысандар) тұрады.

• 700.01-нысандағы қосымша – Көлік құралдарына салынатын салық

700.01-нысандағы қосымша Салық кодексінің 10-бөліміне сәйкес салық төлеушілердің көлік құралдары салығын есептеуіне арналған. 700.01-нысанды салық төлеуші салық кезеңі ішінде меншік, шаруашылық жүргізу, жедел басқару құқығындағы, сондай-ақ қаржы лизингі шарты бойынша берілген (алынған) барлық көлік құралдары бойынша жасайды.

Қосымша:

1) арнаулы салық режимі қолданылатын қызметте пайдаланылатын көлік құралдары бойынша;

2) арнаулы салық режимі қолданылатын қызметте пайдаланылмайтын көлік құралдары бойынша жеке жасалады.

Заңды тұлғаның, оның құрылымдық бөлімшесінің орналасқан жері болып табылатын аудандық маңызы бар қалалар, ауылдар, кенттер, ауылдық округтер бойынша 700.01-нысанды жасау кезінде салық төлеуші әрбір аудандық маңызы бар қала, ауыл, кент, ауылдық округ бойынша декларацияға жеке қосымша жасайды.

• 700.02-нысандағы қосымша – Жер салығы

700.02-нысандағы қосымша Салық кодексінің 11-бөліміне сәйкес салық төлеушілердің жер салығын есептеуіне арналған. 700.02-нысан салықтық кезең ішінде меншік, тұрақты жер пайдалану, бастапқы өтеусіз уақытша жер пайдалану құқығындағы жер учаскелері бойынша жасалады.

Аудандық маңызы бар қалаларда, ауылдарда, кенттерде, ауылдық округтерде орналасқан елді мекендердің жерлері бойынша жер салығын есептеу үшін 700.02-нысанды жасау кезінде салық төлеуші әрбір аудандық маңызы бар қала, ауыл, кент, ауылдық округ бойынша декларацияға жеке қосымша жасайды.

• 700.03-нысандағы қосымша – Мүлік салығы

700.03-нысанды толтыруды Салық кодексінің 601-бабында көрсетілген объектілер бойынша жеке практикамен айналысатын тұлғалар, дара кәсіпкерлер болып табылмайтын жеке тұлғалар жүзеге асырады.

Салықтық кезең

1 қаңтардан бастап 31 желтоқсанды қоса алғандағы күнтізбелік жыл көлік құралдары салығын есептеу үшін салықтық кезең болып табылады. (ҚР СК 568-бабы)

1 қаңтардан бастап 31 желтоқсанға дейінгі күнтізбелік жыл жер салығын есептеу үшін салықтық кезең болып табылады. (ҚР СК 586-бабы)

1 қаңтардан 31 желтоқсанға дейінгі күнтізбелік жыл мүлік салығын есептеу үшін салық кезеңі болып табылады. (ҚР СК 595-бабы)

Декларацияны тапсыру мерзімі

ҚР СК 569-бабына, ҚР СК 587-бабына, ҚР СК 596-бабына сәйкес төлеушілер - заңды тұлғалар салық салу объектілерінің тіркелген (орналасқан) жері бойынша салық органдарына СЕН 700.00 декларациясын 31 наурыздан кешіктірмей тапсырады.

Салық тіркелімдерінің нысандары

Көлік құралдары салығы, жер салығы және мүлік салығы бойынша салық тіркелімдерінің нысандары бекітілмеген, сондықтан салық төлеуші салық тіркелімдерін дербес әзірлейді.

2026 жылғы 1 қаңтарға дейінгі 700.00-нысан

СЕН 700.00 - Көлік құралдары салығы, жер салығы және мүлік салығы бойынша декларация (700.00-нысан).

Көлік құралдары салығы, жер салығы және мүлік салығы бойынша декларацияны толтыру ҚР Қаржы министрінің 2020 жылғы 20 қаңтардағы № 39 бұйрығымен бекітілген Салық есептілігін жасау қағидаларына сәйкес жүргізіледі.

Көлік құралдары салығын, жер салығын және мүлік салығын есептеуге арналған.

700.00-нысандағы Декларацияға қосымшалар

700.00-нысандағы Декларацияның салықтық кезеңі

700.00-нысандағы Декларацияны тапсыру мерзімі

Көлік құралдары салығын, жер салығын, мүлік салығын төлеу мерзімі

Төлеуге арналған БСК

Салық тіркелімдерінің нысандары

700.00-нысандағы Декларацияға қосымшалар

Көлік құралдары салығы, жер салығы және мүлік салығы бойынша декларация (700.00-нысан) декларацияның өзінен (700.00-нысан) және көлік құралдары салығы, жер салығы және мүлік салығы бойынша объектілер туралы ақпаратты егжей-тегжейлі көрсетуге арналған оған қосымшалардан (700.01-ден 700.03-ке дейінгі нысандар) тұрады.

700.01.001-нысан - көлік құралдары салығы (көлік құралдарына қатысты қолданылатын салық салу режимінің түрі - жалпыға бірдей белгіленген тәртіп);

700.01.002-нысан - көлік құралдары салығы (ҚР СК 698-701-баптарына сәйкес көлік құралдарына қатысты қолданылатын салық салу режимінің түрі);

700.02-нысан - Жер салығы;

700.03-нысан - Мүлік салығы.

Көлік құралдары салығы, жер салығы және мүлік салығы бойынша декларацияны (700.00-нысан) ҚР СК 490-бабында (көлік салығын төлеушілер), ҚР СК 498-бабында (жер салығын төлеушілер) және ҚР СК 517-бабында (мүлік салығын төлеушілер) көрсетілген салық төлеушілер, сондай-ақ ҚР СК 530-бабында көрсетілген (кәсіпкерлік қызметте пайдаланылатын) объектілер бойынша жеке практикамен айналысатын тұлғалар, жеке кәсіпкер болып табылмайтын жеке тұлғалар жасайды.

700.00-нысандағы Декларацияның салықтық кезеңі:

ҚР СК 495-бабына сәйкес көлік құралдары салығын есептеу үшін 1 қаңтардан 31 желтоқсанға дейінгі күнтізбелік жыл салық кезеңі болып табылады.

ҚР СК 515-бабы негізінде 1 қаңтардан 31 желтоқсанға дейінгі күнтізбелік жыл жер салығын есептеу үшін салық кезеңі болып табылады.

ҚР СК 524-бабының 1-тармағына сәйкес мүлік салығын есептеу үшін 1 қаңтардан 31 желтоқсанға дейінгі күнтізбелік жыл салық кезеңі болып табылады.

700.00-нысандағы Декларацияны ұсыну мерзімі:

ҚР СК 496-бабының 1-тармағына, ҚР СК 516-бабының 3-тармағына, ҚР СК 525-бабының 3-тармағына сәйкес СЕН 700.00 салық салу объектілерінің тіркелген (орналасқан) жері бойынша салық органдарына 31 наурыздан кешіктірмей ұсынады.

Көлік құралдары салығын, жер салығын, мүлік салығын төлеу мерзімі:

ҚР СК 494-бабының 2-тармағы негiзiнде көлiк құралына меншiк құқығын, шаруашылық жүргiзу құқығын немесе жедел басқару құқығын салықтық кезеңнің 1 шiлдесінен кейiн алған жағдайда, заңды тұлғалар көрсетiлген көлiк құралы бойынша салық төлеудi салықтық кезең үшiн декларацияны ұсыну мерзiмi басталғаннан кейiнгi күнтізбелік 10 күннен кешiктiрмей, 10 сәуірден кешіктірмей жүргiзедi.

ҚР СК 512-бабының 8-тармағына сәйкес салық төлеуші салық кезеңі үшін декларацияны ұсыну мерзімі басталғаннан кейін күнтізбелік 10 күннен кешіктірмей, 10 сәуірден кешіктірмей түпкілікті есеп айырысуды жүргізеді және жер салығын төлейді.

ҚР СК 522-бабының 11-тармағына сәйкес, шағын бизнес субъектілері үшін АСР қолданатын ДК қоспағанда, салық төлеушілер мүлік салығын есептеу бойынша түпкілікті есеп айырысуды жүргізеді және салық кезеңі үшін декларацияны ұсыну мерзімі басталғаннан кейін күнтізбелік 10 күннен кешіктірмей, 10 сәуірден кешіктірмей төлейді.

ҚР СК 522-бабының 12-тармағы негізінде шағын бизнес субъектілері үшін АСР қолданатын ДК салық кезеңі үшін декларацияны ұсыну мерзімі басталғаннан кейін күнтізбелік 10 күннен кешіктірмей, 10 сәуірден кешіктірмей мүлік салығын төлейді.

Төлеуге арналған БСК

104 401 - Заңды тұлғалардан көлік құралдары салығы;

104 302 - Жер салығы;

104 101 - Заңды тұлғалардың және ДК мүлік салығы.

Салық тіркелімдерінің нысандары

Көлік құралдары салығы, жер салығы және мүлік салығы бойынша салық тіркелімдерінің нысандары бекітілмеген, сондықтан салық төлеуші ҚР СК 215-бабының ережелеріне сәйкес салық тіркелімдерін дербес әзірлейді.

«Көлік құралдары салығы, жер салығы және мүлік салығы бойынша декларация (700.00-нысан)» салық есептілігін жасау қағидалары