КТС (корпоративтік табыс салығы) - бұл компаниялар (ЖШС, ҚЖС, АҚ және т.б.) алған кірісінен төлейтін салық. КТС ҚР-да тұрақты мекеме арқылы жұмыс істейтін немесе ҚР-дағы көздерден кіріс алатын резидент компаниялар мен бейрезидент заңды тұлғалар төлейді.

2026 жылғы 1 қаңтардан бастап төлем көзіндегі КТС

2026 жылғы 1 қаңтарға дейін төлем көзіндегі КТС

2026 жылғы 1 қаңтардан бастап төлем көзіндегі КТС

Қазақстан Республикасында қолданылып жүрген салықтардың бiрi корпорациялық табыс салығы болып табылады (ҚР СК 201-бабы 1-тармағының 1-тармақшасы), оны компаниялар (ЖШС, ҚЖС, АҚ және т.б.) алған кірісінен төлейді. КТС-ты ҚР-да тұрақты мекеме арқылы жұмыс істейтін немесе ҚР-дағы көздерден кіріс алатын резидент компаниялар мен бейрезидент заңды тұлғалар да төлейді.

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

Салық реформасы шеңберінде 2026 жылғы 1 қаңтардан бастап күшіне енетін өзгерістер КТС-қа қатысты болды.

Салық мөлшерлемесі

Төлем көзінен салық салынатын және салық салынбайтын кірістерге не жатады

Төлем көзінен ұсталған КТС аудару тәртібі мен мерзімі

Төлем көзінен ұсталған КТС бойынша есеп айырысу

Салық мөлшерлемесі

ҚР Салық кодексінің 357-бабы негізінде бейрезиденттердің Қазақстан Республикасындағы көздерден алатын кірістерін қоспағанда, төлем көзінен салық салынатын кірістерге 15 пайыз мөлшерлеме бойынша төлем көзінен салық салынуға жатады;

бейрезиденттердің Қазақстан Республикасындағы көздерден алатын кірістері ҚР СК 682-бабында белгіленген мөлшерлемелер бойынша төлем көзінен салық салынуға жатады, атап айтқанда:

1) осы тармақтың 2) - 9)тармақшаларында көрсетілген ірістерді қоспағанда, осы Кодекстің 679-бабында айқындалған кірістер – 20 пайыз;

2) тәуекелдерді сақтандыру шарттары бойынша сақтандыру сыйлықақылары – 15 пайыз;

3) тәуекелдерді қайта сақтандыру шарттары бойынша сақтандыру сыйлықақылары – 5 пайыз;

4) халықаралық тасымалдау бойынша қызметтер көрсетуден түсетін кірістер – 5 пайыз;

5) осы тармақтың 6) - 7) тармақшаларында көрсетілген кірістерді қоспағанда, құн өсімінен түсетін кірістер, дивидендтер, сыйақылар, роялти – 15 пайыз;

6) дивидендтер төлейтін резидент заңды тұлға капиталының кемінде жиырма бес пайызын тікелей немесе жанама иеленетін тұлғаға төленетін дивидендтер:

7) кредиттер (қарыздар), борыштық бағалы қағаздар бойынша сыйақылар – 10 пайыз;

8) ҚР СК 693-бабының 3-тармағында көрсетілген кірістер:

 9) құмар ойындағы және (немесе) бәс тігудегі ұтыстар түріндегі кірістер – 10 пайыз.

Салық төлеуші осы Кодексте белгіленген тәртіппен халықаралық шартта белгіленген мөлшерлемелерді қолдануға құқылы.

2. Жеңілдікті салық салынатын мемлекетте тiркелген тұлғаның кірістері 20 пайыз мөлшерлеме бойынша төлем көзінен салық салынуға жатады.

3. ҚР СК 17-бабында аталған заңды тұлғалар шығарған акцияларды, ҚР СК 17-бабында аталған заңды тұлғаларға қатысу үлестерін өткізу кезінде құн өсімінен түсетін кірістер, сондай-ақ ҚР СК 17-бабындааталған заңды тұлғалардан алынған дивидендтер 5 пайыз мөлшерлемесі бойынша төлем көзінен салық салынуға жатады.

ҚР СК 682-бабының ережесі Қазақстан Республикасында қызметін тұрақты мекеме арқылы жүзеге асыратын бейрезидентке қолданылмайды.

Төлем көзінен ұсталатын КТС сомасын салық агенті ҚР СК 357-бабы 1-тармағының 2) тармақшасында белгіленген мөлшерлемені төлем көзінен салық салынатын төленетін кіріс сомасына қолдану жолымен айқындайды.

Салық агенті ҚР СК 351-бабының 3-тармағында  көзделген кірістерді қоспағанда, ҚР СК 351-бабының 1 және 2-тармақтарында көрсетілген кірістерді төлеу кезінде, кіріс төлеу нысаны мен орнына қарамастан, төлем көзінен ұсталатын салықты ұстап қалуға міндетті.

ТК-де салық салынатын және салық салынбайтын кірістерге не жатады

Қазақстан Республикасының резидент-заңды тұлғасы, қызметін Қазақстан Республикасында тұрақты мекеме арқылы жүзеге асыратын бейрезидент-заңды тұлға кірістерді төлеген кезде Қазақстан Республикасының резидент-заңды тұлғасының мынадай кіріс түрлеріне төлем көзінен КТС салынуға жатады:

1) ұтыстар;

2) сыйақы.

2. Қазақстан Республикасының бейрезидент-заңды тұлғасының мынадай кіріс түрлеріне төлем көзінен КТС салынуға жатады:

1) қызметін ҚР резидент-заңды тұлғасы, ҚР-да тұрақты мекеме арқылы жүзеге асыратын бейрезидент-заңды тұлға, ҚР-да қызметін тұрақты мекеме арқылы жүзеге асыратын бейрезидент-заңды тұлғаға төлеген кездегі ұтыстар мен сыйақылар;

2) осы тармақтың 3) тармақшасында көрсетілгендерді қоспағанда, ҚР СК 679-бабына сәйкес айқындалатын, осындай бейрезиденттердің тұрақты мекемесімен байланысты емес, ҚР резидент-заңды тұлғасы, ҚР-да қызметін тұрақты мекеме арқылы жүзеге асыратын бейрезидент-заңды тұлға кірістерді төлеген кезде бейрезиденттердің ҚР-ғы көздерден түсетін кірістері;

3) резидент-заңды тұлға, сондай-ақ пайлық инвестициялық қорлар, бейрезидент-заңды тұлғаның құрылымдық бөлімшесіне немесе бейрезиденттің тұрақты мекемесіне төлеген кездегі дивидендтер.

Мыналар төлем көзінен салық салуға жатпайды:

1) мемлекеттік эмиссиялық бағалы қағаздар және агенттік облигациялар бойынша сыйақы;

2) орналастырылған зейнетақы активтері бойынша бірыңғай жинақтаушы зейнетақы қорына төленетін сыйақы;

3) орналастырылған зейнетақы активтері бойынша ерікті жинақтаушы зейнетақы қорына төленетін сыйақы;

4) өмірді сақтандыру саласындағы қызметті жүзеге асыратын сақтандыру ұйымдарына төленетін сыйақы;

5) пайлық және акционерлік инвестициялық қорларға төленетін сыйақы;

6) Мемлекеттік әлеуметтік сақтандыру қорына төленетін сыйақы;

7) әлеуметтік медициналық сақтандыру қорына төленетін сыйақы;

8) жеке тұлғалардың депозиттеріне міндетті кепілдік беруді жүзеге асыратын ұйымға төленетін сыйақы;

9) Қазақстан Республикасының аумағында жұмыс істейтін қор биржасының ресми тізімінде осындай сыйақыны есепке жазу күніндегі борыштық бағалы қағаздар бойынша сыйақы;

10) банк операцияларының жекелеген түрлерін жүзеге асыратын ұйымдарға төленетін кредиттер (қарыздар) бойынша сыйақы;

11) резидент-банкке төленетін кредит (қарыз), депозит бойынша сыйақы;

12) резидент-лизинг берушіге төленетін лизинг шарты бойынша сыйақы;

13) репо операциялары бойынша сыйақы;

14) микроқаржылық қызметті жүзеге асыратын ұйымдарға (ломбардтарды қоспағанда) төленетін микрокредиттер бойынша сыйақы;

15) мыналарға:

• бағалы қағаздар нарығында кәсіптік қызметті жүзеге асыратын ұйымдарға;
• бағалы қағаздар нарығында кәсіптік қызметті жүзеге асыратын ұйымдар арқылы заңды тұлғаларға төленетін борыштық бағалы қағаздар бойынша сыйақы;

16) мыналарға:

• көппәтерлі тұрғын үй мүлкі меншік иелерінің бірлестіктерінен, пәтер (тұрғын емес үйжайлар) меншік иелерінің кооперативтерінен басқа, акционерлік қоғамдар, мекемелер және тұтыну кооперативтері нысанында тіркелгендерді қоспағанда, коммерциялық емес ұйымдарға;
• "Астана Хаб" қатысушыларына төленетін депозиттер бойынша сыйақы;

17) талап ету құқығы заңды тұлғаға берілген кредит (қарыз, микрокредит) бойынша төленетін сыйақы;

18) Қазақстан Республикасының Үкіметі жалғыз акционері болып табылатын екінші деңгейдегі банктердің кредиттік портфельдерінің сапасын жақсартуға маманданатын ұйымға төленетін сыйақы;

19) екінші деңгейдегі банктердің кредиттік портфельдерінің сапасын жақсартуға маманданатын, Қазақстан Республикасының Үкіметі жалғыз акционері болып табылатын ұйым берген ипотекалық тұрғын үй қарыздарын (ипотекалық қарыздарды) қайта қаржыландыру бағдарламасы шеңберінде, дауыс беретін акцияларының 100 пайызы Ұлттық Банкке тиесілі орнықтылық ұйымына банктік салым шарты бойынша төленетін сыйақы.

Төлем көзінен ұсталған КТС аудару тәртібі мен мерзімі

Егер осы Кодексте өзгеше көзделмесе, салық агентi төлем көзінен ұсталған корпоративтік табыс салығының сомасын төлем көзiнен салық салынатын кірісті төлеу жүзеге асырылған ай аяқталғаннан кейiн күнтізбелік жиырма бес күннен кешiктiрмей аударуға мiндеттi. (ҚР СК 355-бабы)

Төлем көзiнен ұсталған корпоративтік табыс салығының сомасын аудару салық агентiнің тұрған жері бойынша жүзеге асырылады.

ҚР-да қызметiн тұрақты мекеме арқылы жүзеге асыратын бейрезидент-заңды тұлға төлем көзiнен ұсталған КТС сомасын бюджетке аударуды тұрақты мекеменің тұрған жері бойынша жүргiзедi.

ҚР СК 683-бабының негізінде қызметі Қазақстан Республикасында тұрақты мекеме құруға алып келмейтін бейрезидент-заңды тұлғаның Қазақстан Республикасындағы көздерден түсетін кірістеріне шегерімдер жүзеге асырылмай, төлем көзінен КТС салынады.

Бұл ретте төлем көзінен ұсталатын КТС сомасын салық агенті ҚР СК 681-бабында көрсетілген кірістерді қоспағанда, ҚР СК 679-бабында көрсетілген кірістер сомасына ҚР СК 682-бабында белгіленген мөлшерлемелерді қолдану арқылы есептейді.

Төлем көзінен салық салынатын кірістер бойынша корпоративтік табыс салығын есептеу мен ұстап қалуды салық агенті:

• есепке жазылған және төленген кірістер бойынша – бейрезидентке кірістерді төлеу күнінен кешіктірмей;
• шегерімге жатқызылған, есепке жазылған және төленбеген кірістер бойынша – табыс салығы бойынша декларацияны ұсыну үшін ҚР СК 359-бабының 1-тармағында белгіленген мерзімнен кешіктірмей жүргізеді.

Салық агентi төлем көзiнен ұсталатын КТС бейрезидентке кіріс төлеудi жүзеге асырудың нысаны мен орнына қарамастан ұстайды.

Бейрезиденттің кірістеріне төлем көзінен салық салу осы бейрезиденттің өз кірістеріне үшінші тұлғалардың және (немесе) басқа мемлекеттердегі өзінің құрылымдық бөлімшелерінің пайдасына билік етуіне қарамастан жүргізіледі.

Төлем көзінен ұсталған КТС бойынша есеп айырысу

Салық агенттері төлем көзінен ұсталған КТС сомалары бойынша есеп-қисапты төлем көзінен салық салынатын кірісті төлеу жүргізілген тоқсаннан кейінгі екінші айдың 15-інен кешіктірмей тапсыруға міндетті.

2026 жылғы 1 қаңтарға дейін төлем көзіндегі КТС

Төлем көзінен ұсталатын корпоративтік табыс салығының сомасын салық агенті төлем көзінен салық салынатын, төленетін табыс сомасына Салық кодексінің 313-бабының 3-тармағында белгіленген мөлшерлемені қолдану жолымен айқындайды. 

Салық мөлшерлемесі

Төлем көзінен салық салынатын кірістерге не жатады

Төлем көзінен ұсталған КТС аудару тәртібі мен мерзімі

Төлем көзінен ұсталған КТС бойынша есеп айырысу

Салық мөлшерлемесі

Қазіргі уақытта ҚР Салық кодексінде төлем көзінен ұсталатын бірнеше КТС мөлшерлемелері көзделген.

Қазақстан Республикасы Салық кодексінің 313-бабының 1-тармағы негізінде бейрезиденттердің Қазақстан Республикасындағы көздерден алған кірістерін қоспағанда, төлем көзінен салық салынатын кірістерге 15 пайыз мөлшерлеме бойынша төлем көзінен салық салынуға жатады.

Салық агенті осы Кодекстің 307-бабы 1-тармағының 2) тармақшасында көзделген кірістерді қоспағанда, кірісті төлеу нысаны мен орнына қарамастан, осы Кодекстің 307-бабында көрсетілген кірістерді төлеу кезінде төлем көзінен ұсталатын салықты ұстап қалуға міндетті.

Бейрезиденттің Қазақстан Республикасындағы көздерден алатын кірістері ҚР СК 646-бабында белгіленген мөлшерлемелер бойынша төлем көзінен салық салуға жатады:

• ҚР СК 644-бабында көрсетілген кірістер - 20%;
• тәуекелдерді сақтандыру шарттары бойынша сақтандыру сыйлықақылары - 15%;
• тәуекелдерді қайта сақтандыру шарттары бойынша сақтандыру сыйлықақылары - 5%;
• халықаралық тасымалдау бойынша қызметтер көрсетуден түсетін кірістер - 5%;
• құн өсімінен түскен кірістер, дивидендтер, сыйақылар, роялти 15%.

Салық салуда жеңiлдiгi бар мемлекетте тiркелген тұлғаның кірісіне 20% мөлшерлеме бойынша салық салынады.

Төлем көзінен салық салынатын кірістер

Егер Салық кодексінің 307-бабы 2-тармағында өзгеше көзделмесе, төлем көзінен салық салынатын кірістерге мыналар жатады:

1) Қазақстан Республикасының резидент-заңды тұлғасы, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлға Қазақстан Республикасының резидент-заңды тұлғасына, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлғаға төлейтін ұтыстар;

2) осы тармақтың 3) тармақшасында көрсетілгендерді қоспағанда, бейрезиденттердің осы Кодекстің 644-бабына сәйкес айқындалатын, осындай бейрезиденттердің тұрақты мекемесімен байланысты емес Қазақстан Республикасындағы көздерден алған кірістері;

3) осы Кодекстің 644-бабы 1-тармағының 10) тармақшасында көрсетілген, заңды тұлғаның құрылымдық бөлімшесіне немесе бейрезиденттің тұрақты мекемесіне төленетін кірістер;

4) Қазақстан Республикасының резидент-заңды тұлғасы, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлға Қазақстан Республикасының резидент-заңды тұлғасына, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлғаға төлейтін сыйақы;

5) осы Кодекстің 241-бабы 2-тармағының 2) тармақшасында көрсетілген дивидендтер.

Мыналар төлем көзінен салық салуға жатпайды:

1) мемлекеттік эмиссиялық бағалы қағаздар және агенттік облигациялар бойынша сыйақы;

2) орналастырылған зейнетақы активтері бойынша бірыңғай жинақтаушы зейнетақы қорына төленетін сыйақы, дивидендтер, сондай-ақ орналастырылған зейнетақы активтері бойынша ерікті жинақтаушы зейнетақы қорына, өмірді сақтандыру саласындағы қызметті жүзеге асыратын сақтандыру ұйымдарына, пайлық және акционерлік инвестициялық қорларға, Мемлекеттік әлеуметтік сақтандыру қорына және әлеуметтік медициналық сақтандыру қорына төленетін сыйақы;

3) жеке тұлғалардың депозиттеріне мiндеттi кепiлдiк берудi жүзеге асыратын ұйымға төленетін сыйақы;

4) осындай сыйақы есепке жазылған күнге Қазақстан Республикасының аумағында жұмыс істейтін қор биржасының ресми тізімінде болатын борыштық бағалы қағаздар бойынша сыйақы;

5) банк операцияларының жекелеген түрлерін жүзеге асыратын ұйымдарға төленетін кредиттер (қарыздар) бойынша сыйақы;

7) резидент-банкке төленетін кредит (қарыз), депозит бойынша сыйақы;

9) резидент-лизинг берушіге төленетін лизинг шарты бойынша сыйақы;

10) репо операциялары бойынша сыйақы;

11) микроқаржылық қызметті жүзеге асыратын ұйымдарға (ломбардтарды қоспағанда) төленетін микрокредиттер бойынша сыйақы;

12) мыналарға:

бағалы қағаздар нарығында кәсіби қызметті жүзеге асыратын ұйымдарға;

бағалы қағаздар нарығында кәсіби қызметті жүзеге асыратын ұйымдар арқылы заңды тұлғаларға төленетін борыштық бағалы қағаздар бойынша сыйақы...

Төлем көзінен ұсталған КТС аудару тәртібі мен мерзімі

Егер осы Кодексте өзгеше көзделмесе, салық агенті төлем көзінен ұсталған корпоративтік табыс салығының сомасын төлем көзінен салық салынатын табысты төлеу жүзеге асырылған ай аяқталғаннан кейін күнтізбелік жиырма бес күннен кешіктірмей аударуға міндетті.

Төлем көзінен ұсталған корпоративтік табыс салығының сомасын аудару салық агентінің орналасқан жері бойынша жүзеге асырылады.

Қазақстан Республикасында қызметін тұрақты мекеме арқылы жүзеге асыратын бейрезидент заңды тұлға төлем көзінен ұсталған корпоративтік табыс салығының сомасын тұрақты мекеменің орналасқан жері бойынша бюджетке аударуды жүргізеді.

Төлем көзінен ұсталған КТС бойынша есеп айырысу

Салық агенттері төлем көзінен ұсталған корпоративтік табыс салығының сомалары бойынша есепті төлем көзінен салық салынатын кірісті төлеу жүргізілген тоқсаннан кейінгі екінші айдың 15-інен кешіктірмей тапсыруға міндетті.

Қазақстан Республикасы Салық кодексінің 645-бабына сәйкес - Қызметі Қазақстан Республикасында тұрақты мекеме құруға алып келмейтін бейрезидент-заңды тұлғаның (бұдан әрі осы тараудың мақсатында – бейрезидент) Қазақстан Респбликасындағы көздерден кірістеріне шегерімдер жүзеге асырылмай, төлем көзінен корпоративтік табыс салығы салынады.

Төлем көзінен салық салынатын кірістер бойынша корпоративтік табыс салығын есептеу мен ұстауды салық агенті:

1) есептелген және төленген кірістер бойынша - бейрезидентке кірістерді төлеу күнінен кешіктірмей;

2) шегерімге жатқызылған, есепке жазылған және төленбеген кірістер бойынша – корпоративтік табыс салығы бойынша декларацияны тапсыру үшін осы Кодекстің 315-бабының 1-тармағында белгіленген мерзімнен кешіктірмей жүргізеді.

Төлем көзінен корпоративтік табыс салығын есептеу, ұстау және бюджетке аудару жөніндегі міндет пен жауапкершілік бейрезидентке кіріс төлейтін және салық агенттері таныған мынадай тұлғаларға жүктеледі:

1) дара кәсіпкер;

2) Қазақстан Республикасында қызметін құрылымдық бөлімше арқылы жүзеге асыратын бейрезидент-заңды тұлға.

Бұл ретте бейрезидент-заңды тұлға оның құрылымдық бөлімшесі Қазақстан Республикасының салық органдарында тіркеу есебіне қойылған күннен бастап салық агенті деп танылады;

3) Қазақстан Республикасында қызметін құрылымдық бөлімше ашпаған тұрақты мекеме арқылы жүзеге асыратын бейрезидент-заңды тұлға.

Бұл ретте бейрезидент-заңды тұлға оның құрылымдық бөлімше ашпаған тұрақты мекемесі Қазақстан Республикасының салық органдарында тіркеу есебіне қойылған күннен бастап салық агенті деп танылады;

4) бейрезидент-заңды тұлға, оның ішінде депозитарлық қолхаттардың базалық активінің эмитенті;

5) Кодекстің 645-бабы 9-тармағының 8) тармақшасында белгіленген шарттар орындалмаған кезде, осы тармақтың 2) және 3) тармақшаларында көрсетілгендерді қоспағанда, осы Кодекстің 644-бабы 1-тармағының 6) тармақшасында көрсетілген мүлікті сатып алатын бейрезидент-заңды тұлға.