421.00-нысанҚұрылымдық бөлімше немесе салық салуға байланысты объектілер үшін акциз есеп-қисабы

2026 жылғы 1 қаңтардан бастап құрылымдық бөлімше немесе салық салуға байланысты объектілер үшін акциз есеп-қисабы (421.00-нысан)

2026 жылғы 1 қаңтарға дейін құрылымдық бөлімше немесе салық салуға байланысты объектілер үшін акциз есеп-қисабы (421.00-нысан)

2026 жылғы 1 қаңтардан бастап құрылымдық бөлімше немесе салық салуға байланысты объектілер үшін акциз есеп-қисабы (421.00-нысан)

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

2026 жылғы 1 қаңтардан бастап салықтық есептілік 30%-ға қысқарды.

Қазақстан Республикасы Қаржы министрінің 2025 жылғы 12 қарашадағы № 695 бұйрығымен олардың жасалуы бойынша түсіндірмемен салықтық есептілік нысандары және 2026 жылғы 01 қаңтардан бастап оларды ұсыну қағидалары бекітілді. Құрылымдық бөлімше немесе салық салуға байланысты объектілер үшін акциз есеп-қисабы (421.00-нысан) салықтық есептілік нысандарының тізбесінде жоқ.

Осылайша, 2026 жылға құрылымдық бөлімше немесе салық салуға байланысты объектілер үшін акциз есеп-қисабы (421.00-нысан) тапсырылмайды (400.00-нысандағы қосымша).

2026 жылғы 1 қаңтарға дейінгі құрылымдық бөлімше немесе салық салуға байланысты объектілер үшін акциз есеп-қисабы (421.00-нысан)

СЕН 421.00 - «Құрылымдық бөлімше немесе салық салуға байланысты объектілер үшін акциз есеп-қисабы (421.00-нысан)».

Есеп-қисап құрылымдық бөлімшесі немесе салық салуға байланысты объектілері бар акциз төлеушілердің Салық кодексінің 11-бөліміне сәйкес құрылымдық бөлімшелер немесе салық салуға байланысты объектілер жүзеге асырған операциялар бойынша спиртке, алкоголь өнімдеріне, бензинге (авиациялықтан басқа), дизель отынына акциз сомаларын есептеуге арналған «Акциз есебі» салықтық есептілігінің нысанын (421.00-нысан) жасау тәртібін айқындайды.

421.00-нысандағы есеп-қисапқа қосымшалар.

Салықтық кезең

Есеп-қисапты ұсыну

421.00-нысандағы есеп-қисапқа қосымшалар.

Есеп-қисап есеп-қисаптың өзінен (421.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (421.01-ден 421.04-ке дейінгі нысандар) тұрады.

421.01-нысанға қосымша - Спирт және (немесе) шарап материалы бойынша салық салынатын операциялар.
Бұл нысан спирт және (немесе) шарап бойынша салық салынатын операциялар туралы ақпаратты көрсетуге арналған.

421.02-нысанға қосымша Алкоголь өнімі және (немесе) спирттің, алкоголь өнімінің, сондай-ақ Қазақстан Республикасының заңнамасына сәйкес дәрілік зат ретінде тіркелген құрамында спирті бар медициналық мақсаттағы өнімнің конкурстық массасы бойынша салық салынатын операциялар
Бұл нысан алкоголь өнімі бойынша салық салынатын операциялар туралы ақпаратты көрсетуге арналған.

421.03-нысанға қосымша - Алкоголь өнімі бойынша салықтан шегерім.
Бұл нысан есепті салықтық кезеңде алкоголь өнімін өндіру үшін нақты пайдаланылған және Салық кодексінің 474-бабына сәйкес шегерімге жататын шикізат үшін төленген акциз сомасын есептеуге арналған.

421.04-нысанға қосымша - Бензин (авиациялықты қоспағанда) және (немесе) дизель отыны, газохол, бензанол, нефрас, жеңіл көмірсулар қоспалары, экологиялық отын бойынша салық салынатын операциялар.
Осы нысан бензин (авиациялықты қоспағанда) бойынша есепті салық кезеңі ішінде құрылымдық бөлімшелер немесе салық салуға байланысты объектілер жүзеге асырған салық салынатын операциялар туралы ақпаратты көрсетуге арналған

421.00-нысан бойынша есеп-қисап Қазақстан Республикасының аумағында өндірілген спирттің, алкоголь өнімінің және (немесе) сыраның барлық түрлері бойынша, этил спиртінің үлесі 0,5%-дан аспайтын салық салуға байланысты объектілер үшін ұсынылады.

Салықтық кезең

Акцизге қатысты күнтiзбелiк ай салықтық кезең болып табылады.

Әрбiр салықтық кезең аяқталғаннан кейiн акциз төлеушiлер өзiнiң орналасқан жерi бойынша салық органына есептi салықтық кезеңнен кейiнгi екiншi айдың 15-iнен кешiктiрмей 400.00-нысандағы акциз бойынша декларацияны тапсыруға мiндеттi.

Акциз төлеушілер декларациямен бір мезгілде 421.00-нысандағы акциз бойынша есеп айырысуды тапсырады.

Есеп-қисапты ұсыну

СК 477-бабына сәйкес салық кезеңі ішінде заңды тұлғаның құрылымдық бөлімшесі, сондай-ақ салық салуға байланысты объектілер жасаған акциз салынатын операциялар бойынша 421.00-нысан бойынша акциз есеп-қисаптары жеке жасалады. Құрылымдық бөлімшенің орналасқан жері бойынша салық органдарына СК 478-бабында белгіленген мерзімде ұсынылады.

Есеп-қисаптың негізінде заңды тұлғаның құрылымдық бөлімшесі үшін, сондай-ақ салық салуға байланысты объектілер үшін төлеуге жататын акциз сомасы айқындалады.

Бір салық органында тіркелген салық салуға байланысты бірнеше объектісі бар акциз төлеушілер барлық объектілер үшін акциз бойынша бір есеп-қисап ұсынады.

Ағымдағы төлемдердi қоса алғанда, заңды тұлғаның құрылымдық бөлімшелері, салық салуға байланысты объектілер үшiн акциз төлеудi акциз төлеушi заңды тұлға тiкелей өзiнiң банктік шотынан жүргізедi немесе ол заңды тұлғаның құрылымдық бөлімшесіне жүктеледi.

ДК салық салуға байланысты объектілер үшін төленуге жататын акциз бойынша есеп-қисапты салық салуға байланысты объектілердің орналасқан жері бойынша ұсынады.

Қаржы министрінің 2022 жылғы 14 сәуірдегі № 409 бұйрығымен «Салықтық есептілік нысандарын және оларды жасау қағидаларын бекіту туралы» Қазақстан Республикасы Премьер-Министрінің бірінші орынбасары - Қазақстан Республикасы Қаржы министрінің 2020 жылғы 20 қаңтардағы № 39 бұйрығына өзгерістер мен толықтырулар енгізілді

• СЕН 421 - акциз бойынша декларация нысаны (СЕН 400.00) жаңа акцизделетін тауарлар бойынша жолдармен толықтырылды. Салық кодексінің 462-бабының 5-тармағында көзделген акцизделетін тауарлар тізбесіне жаңа тауарлар газохол, бензанол, нефрас, жеңіл көмірсулар қоспасы, экологиялық отын енгізілді, алкоголь өнімінің түрлері ұғымы өзгертілді, атап айтқанда: шарап материалы шарапқа ауыстырылды, сыра және сыра сусыны сыра қайнату өніміне ауыстырылды.

2022 жылы СЕН 421.00 жасау қағидаларына өзгерістердің салыстырмалы кестесі

Құрылымдық бөлімше немесе салық салуға байланысты объектілер үшін акциздің салықтық есептілігін (есеп-қисабын) (421.00-нысан) жасау қағидалары