СЕН 101.03 - «Резиденттің кірісінен төлем көзінен ұсталатын корпоративтік табыс салығы бойынша есеп-қисап»

2026 жылғы 1 қаңтардан бастап 101.03-нысан

2026 жылғы 1 қаңтарға дейінгі 101.03-нысан

2026 жылғы 1 қаңтардан бастап 101.03-нысан

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

101.03 - «Резиденттің кірісінен төлем көзінен ұсталатын корпоративтік табыс салығы бойынша есеп-қисап»

Резиденттің кірісінен ТК-де ұсталатын КТС бойынша есеп-қисапты толтыру (101.03-нысан) ҚР Қаржы министрінің 2025 жылғы 12 қарашадағы № 695 бұйрығымен бекітілген Салық есептілігін жасау жөніндегі түсіндірмеге (4-қосымша) сәйкес жүргізіледі.

Резиденттің кірісінен ТК-де ұсталатын КТС бойынша есеп-қисап салық агентінің ТК-де салық салынатын кірістерді көрсетуіне, ҚР СК 351-бабында көрсетілген резиденттерге кірістерді төлеу кезінде ТК-де ұсталатын КТС-ны есептеу мен уақтылы төлеуге арналған.

Есеп-қисапты ҚР СК 352-бабына сәйкес салық агенті жасайды.

ТК-де КТС салынатын кірістер

ТК-де КТС салуға жатпайтын кірістер

Есептілік

Төлеу мерзімі

ТК-де КТС салынатын кірістер

ҚР СК 351-бабының негізінде Қазақстан Республикасының резидент-заңды тұлғасы, қызметін Қазақстан Республикасында тұрақты мекеме арқылы жүзеге асыратын бейрезидент-заңды тұлға кірістерді төлеген кезде Қазақстан Республикасының резидент-заңды тұлғасының мынадай кіріс түрлеріне төлем көзінен КТС салынуға жатады:

1) ұтыстар;

2) сыйақы.

2. Қазақстан Республикасының бейрезидент-заңды тұлғасының мынадай кіріс түрлеріне төлем көзінен КТС салынуға жатады:

1) егер осы баптың 3-тармағында өзгеше көзделмесе, қызметін Қазақстан Республикасының резидент-заңды тұлғасы, Қазақстан Республикасында тұрақты мекеме арқылы жүзеге асыратын бейрезидент-заңды тұлға, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлғаға төлеген кездегі ұтыстар мен сыйақылар;

2) осы тармақтың 3) тармақшасында көрсетілгендерді қоспағанда, ҚР СК 679-бабына сәйкес айқындалатын, осындай бейрезиденттердің тұрақты мекемесімен байланысты емес, Қазақстан Республикасының резидент-заңды тұлғасы, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлға кірістерді төлеген кезде бейрезиденттердің Қазақстан Республикасындағы көздерден түсетін кірістері;

3) резидент-заңды тұлға, сондай-ақ Қазақстан Республикасының заңдарына сәйкес құрылған пайлық инвестициялық қорлар, бейрезидент-заңды тұлғаның құрылымдық бөлімшесіне немесе бейрезиденттің тұрақты мекемесіне төлеген кездегі дивидендтер.

ТК-де КТС салуға жатпайтын кірістер

ТК-де КТС салуға жатпайтын кірістер ҚР СК 351-бабының 3-тармағында көрсетілген:

1) мемлекеттік эмиссиялық БҚ және агенттік облигациялар бойынша сыйақы;

2) орналастырылған зейнетақы активтері бойынша БЗЖҚ-на төленетін сыйақы;

3) орналастырылған зейнетақы активтері бойынша ЕЖЗҚ-на төленетін сыйақы;

4) өмірді сақтандыру саласындағы қызметті жүзеге асыратын сақтандыру ұйымдарына төленетін сыйақы;

5) пайлық және акционерлік инвестициялық қорларға төленетін сыйақы;

6) МӘСҚ-на төленетін сыйақы;

7) ӘМСҚ-на төленетін сыйақы;

8) жеке тұлғалардың депозиттеріне міндетті кепілдік беруді жүзеге асыратын ұйымға төленетін сыйақы;

9) ҚР аумағында жұмыс істейтін қор биржасының ресми тізімінде осындай сыйақыны есепке жазу күніндегі борыштық БҚ бойынша сыйақы;

10) банк операцияларының жекелеген түрлерін жүзеге асыратын ұйымдарға төленетін кредиттер (қарыздар) бойынша сыйақы;

11) резидент-банкке төленетін кредит (қарыз), депозит бойынша сыйақы;

12) резидент-лизинг берушіге төленетін лизинг шарты бойынша сыйақы;

13) репо операциялары бойынша сыйақы;

14) микроқаржылық қызметті жүзеге асыратын ұйымдарға (ломбардтарды қоспағанда) төленетін микрокредиттер бойынша сыйақы;

15) мыналарға:

• БҚ нарығында кәсіптік қызметті жүзеге асыратын ұйымдарға;
• БҚ нарығында кәсіптік қызметті жүзеге асыратын ұйымдар арқылы заңды тұлғаларға төленетін борыштық БҚ бойынша сыйақы;

16) мыналарға:

• көппәтерлі тұрғын үй мүлкі меншік иелерінің бірлестіктерінен, пәтер (тұрғын емес үйжайлар) меншік иелерінің кооперативтерінен басқа, АҚ, мекемелер және ТК нысанында тіркелгендерді қоспағанда, КЕҰ-ға;
• «Астана Хаб» қатысушыларына төленетін депозиттер бойынша сыйақы;

17) талап ету құқығы «Қазақстан Республикасындағы банктер және банк қызметі туралы» және «Микроқаржылық қызмет туралы» ҚР заңдарында көрсетілген заңды тұлғаға берілген кредит (қарыз, микрокредит) бойынша төленетін сыйақы;

18) ҚР Үкіметі жалғыз акционері болып табылатын екінші деңгейдегі банктердің кредиттік портфельдерінің сапасын жақсартуға маманданатын ұйымға төленетін сыйақы;

19) екінші деңгейдегі банктердің кредиттік портфельдерінің сапасын жақсартуға маманданатын, ҚР Үкіметі жалғыз акционері болып табылатын ұйым берген ипотекалық тұрғын үй қарыздарын (ипотекалық қарыздарды) қайта қаржыландыру бағдарламасы шеңберінде, дауыс беретін акцияларының 100 % ҰБ-ға тиесілі орнықтылық ұйымына банктік салым шарты бойынша төленетін сыйақы.

Есептілік

ҚР СК 352-бабының 1-тармағына сәйкес ТК-де ұсталатын КТС сомасын салық агенті ТК-де салық салынатын, төленетін кіріс сомасына ҚР СК 357-бабының 1-тармағының 2) тармақшасында белгіленген мөлшерлемені (15%) қолдану арқылы айқындайды.

ҚР СК 352-бабының 2-тармағы негізінде салық агенті ҚР СК 351-бабының 1 және 2-тармақтарында көрсетілген кірістерді төлеу кезінде, ҚР СК 351-бабының 3-тармағында көзделген кірістерді қоспағанда, кірісті төлеу нысаны мен орнына қарамастан, ТК-де ұсталатын салықты ұстап қалуға міндетті.

ҚР СК 356-бабына сәйкес салық агенттері ТК-де салық салынатын кірісті төлеу жүргізілген тоқсаннан кейінгі екінші айдың 15-інен кешіктірмей ТК-де ұсталған КТС сомалары бойынша есеп-қисапты (СЕН 101.03) ұсынуға міндетті.

Төлеу мерзімі

ҚР СК 355-бабының 1-тармағына сәйкес салық агенті ТК-де ұсталған КТС сомасын ТК-де салық салынатын кірісті төлеу жүзеге асырылған ай аяқталғаннан кейін 25 күнтізбелік күннен кешіктірмей аударуға міндетті.

ҚР СК 355-бабының 2-тармағы негізінде ТК-де ұсталған КТС сомасын аудару салық агентінің орналасқан жері бойынша жүзеге асырылады.

ТК-де КТС төлеу салық агентінің салық төлеуші санатына жататындығына қарай үш БСК-ның біреуіне жүргізіледі:

101105 - «Мұнай секторы ұйымдарының заңды тұлғаларынан КТС»;

101110 - «Мұнай секторы ұйымдарынан түсетін түсімдерді қоспағанда, заңды тұлғалардан - ірі кәсіпкерлік субъектілерінен КТС»;

101111 - «Ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын КТС».

ТК-де КТС бойынша салық тіркелімінің нысаны бекітілмеген, сондықтан салық төлеуші ҚР СК 205-бабының ережелеріне сәйкес салық тіркелімін дербес әзірлейді.

2026 жылғы 1 қаңтарға дейінгі 101.03-нысан

СЕН 101.03 - «Резиденттің кірісінен төлем көзінен ұсталатын корпоративтік табыс салығы бойынша есеп-қисап (101.03-нысан)».

Бұл Есеп-қисап салық агентінің ҚР СК 307-бабында көрсетілген резиденттерге кірістерді төлеу кезінде төлем көзінен салық салынатын кірістерді, төлем көзінен ұсталатын корпоративтік табыс салығын (бұдан әрі - КТС) есептеу мен уақтылы төлеуді көрсетуге арналған. Есеп-қисапты салық агенті ҚР СК 308-бабына сәйкес жасайды.

ТК-де салық салынатын кірістер

ТК-де КТС салуға жатпайтын кірістер

Есептілік

Төлеу мерзімі

ТК-де КТС салынатын кірістер

1. Төлем көзінен салық салынатын кірістерге мыналар жатады:

1) Қазақстан Республикасының резидент-заңды тұлғасы, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлға Қазақстан Республикасының резидент-заңды тұлғасына, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлғаға төлейтін ұтыстар;
2) осы тармақтың 3) тармақшасында көрсетілгендерді қоспағанда, бейрезиденттердің ҚР СК 644-бабына сәйкес айқындалатын, осындай бейрезиденттердің тұрақты мекемесімен байланысты емес Қазақстан Республикасындағы көздерден алған кірістері;
3) ҚР СК 644-бабы 1-тармағының 10) тармақшасында көрсетілген, заңды тұлғаның құрылымдық бөлімшесіне немесе бейрезиденттің тұрақты мекемесіне төленетін кірістер;
4) Қазақстан Республикасының резидент-заңды тұлғасы, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлға Қазақстан Республикасының резидент-заңды тұлғасына, Қазақстан Республикасында қызметін тұрақты мекеме арқылы жүзеге асыратын бейрезидент-заңды тұлғаға төлейтін сыйақы;
5) ҚР СК 241-бабы 2-тармағының 2) тармақшасында көрсетілген дивидендтер.

ТК-де КТС салуға жатпайтын кірістер

Төлем көзіннен мыналарға салық салуға жатпайды:

1) мемлекеттік эмиссиялық бағалы қағаздар және агенттік облигациялар бойынша сыйақы;
2) орналастырылған зейнетақы активтері бойынша бірыңғай жинақтаушы зейнетақы қорына төленетін сыйақы, дивидендтер, сондай-ақ орналастырылған зейнетақы активтері бойынша ерікті жинақтаушы зейнетақы қорына, өмірді сақтандыру саласындағы қызметті жүзеге асыратын сақтандыру ұйымдарына, пайлық және акционерлік инвестициялық қорларға, Мемлекеттік әлеуметтік сақтандыру қорына және әлеуметтік медициналық сақтандыру қорына төленетін сыйақы;
3) жеке тұлғалардың депозиттеріне мiндеттi кепiлдiк берудi жүзеге асыратын ұйымға төленетін сыйақы;
4) осындай сыйақы есепке жазылған күнге Қазақстан Республикасының аумағында жұмыс істейтін қор биржасының ресми тізімінде болатын борыштық бағалы қағаздар бойынша сыйақы;
5) банк операцияларының жекелеген түрлерін жүзеге асыратын ұйымдарға төленетін кредиттер (қарыздар) бойынша сыйақы;
7) резидент-банкке төленетін кредит (қарыз), депозит бойынша сыйақы;
9) резидент-лизинг берушіге төленетін лизинг шарты бойынша сыйақы;
10) репо операциялары бойынша сыйақы;
11) микроқаржылық қызметті жүзеге асыратын ұйымдарға (ломбардтарды қоспағанда) төленетін микрокредиттер бойынша сыйақы;
12) мыналарға:
бағалы қағаздар нарығында кәсіби қызметті жүзеге асыратын ұйымдарға;
бағалы қағаздар нарығында кәсіби қызметті жүзеге асыратын ұйымдар арқылы заңды тұлғаларға төленетін борыштық бағалы қағаздар бойынша сыйақы;
13) мыналарға:
акционерлік қоғамдар, мекемелер мен көппәтерлі тұрғын үй мүлкінің меншік иелері бірлестіктерінен, пәтерлер (тұрғын емес үй-жайлар) иелерi кооперативтерiнен басқа тұтыну кооперативтері нысанында тіркелгендерді қоспағанда, коммерциялық емес ұйымдарға;
осы Кодекстің 291-бабы 1-тармағының 1) және 2) тармақшаларында көрсетілген дербес білім беру ұйымдарына төленетін депозиттер бойынша сыйақы;
14) талап ету құқығы "Қазақстан Республикасындағы банктер және банк қызметі туралы" және "Микроқаржылық қызмет туралы" Қазақстан Республикасының заңдарында көрсетілген заңды тұлғаға берілген кредит (қарыз, микрокредит) бойынша төленетін сыйақы;
15) тармақша ҚР 25.12.2017 жылғы № 121-VI Заңға 01.01.2027 жылға дейін қолданыста болады.
15) екінші деңгейдегі банктердің кредиттік портфельдерінің сапасын жақсартуға маманданатын, Қазақстан Республикасының Үкіметі жалғыз акционері болып табылатын ұйымға төленетін сыйақы;
16) тармақша ҚР 25.12.2017 жылғы № 121-VI Заңға 01.01.2027 жылға дейін қолданыста болады.
16) екінші деңгейдегі банктердің кредиттік портфельдерінің сапасын жақсартуға маманданатын, Қазақстан Республикасының Үкіметі жалғыз акционері болып табылатын ұйым берген Ипотекалық тұрғын үй қарыздарын (ипотекалық қарыздарды) қайта қаржыландыру бағдарламасы шеңберінде, дауыс беретін акцияларының 100 пайызы Қазақстан Республикасының Ұлттық Банкіне тиесілі орнықтылық ұйымына банктік салым шарты бойынша төленетін сыйақы.

Есептілік

Салық агенттері төлем көзінен ұсталған КТС сомалары бойынша 101.03-нысандағы есеп-қисапты төлем көзінен салық салынатын кірісті төлеу жүргізілген тоқсаннан кейінгі екінші айдың 15-інен кешіктірмей ұсынуға міндетті.

ҚР СК 308-бабының 1-тармағына сәйкес ТК-де ұсталатын КТС сомасын салық агенті ТК-де салық салынатын, төленетін кіріс сомасына ҚР СК 313-бабының 3-тармағында белгіленген мөлшерлемені (15%) қолдану жолымен айқындайды.

Төлеу мерзімі

Егер Салық кодексінде өзгеше көзделмесе, салық агенті төлем көзінен ұсталған КТС сомасын төлем көзінен салық салынатын кірісте төлеу жүзеге асырылған ай аяқталғаннан кейін күнтізбелік 25 күннен кешіктірмей аударуға міндетті. ҚР СК 311-бабы.

Төлем көзінен ұсталған КТС сомасын аудару салық агентінің орналасқан жері бойынша жүзеге асырылады (ҚР СК 311-бабының 2-тармағы).

«Резиденттің кірісінен төлем көзінен ұсталатын корпоративтік табыс салығы бойынша есеп-қисап (101.03-нысан)» салық есептілігін жасау қағидалары