Зейнеткерлік жас - зейнеткерлікке шығу жасы және азаматтар мемлекеттен зейнетақы түрінде ай сайын ақшалай төлем ала бастайды.

2023 жылғы 1 шілдеден кейінгі зейнеткерлік жасы

2023 жылғы 1 шілдеге дейінгі зейнеткерлік жасы

2023 жылғы 1 шілдеден кейінгі зейнеткерлік жасы

ҚР Әлеуметтік кодексі 207-бабы негізінде - Жасына байланысты зейнетақы төлемдерін тағайындау:

• 2001 жылғы 1 шілдеден бастап - ерлерге 63 жасқа толғанда, әйелдерге 58 жасқа толғанда жүргізіледі.

Бұл ретте әйелдерге жасына байланысты зейнетақы төлемдерін тағайындау:

• 2018 жылғы 1 қаңтардан бастап - 58,5 жасқа толғанда;
• 2019 жылғы 1 қаңтардан бастап - 59 жасқа толғанда;
• 2020 жылғы 1 қаңтардан бастап - 59,5 жасқа толғанда;
• 2021 жылғы 1 қаңтардан бастап - 60 жасқа толғанда;
• 2022 жылғы 1 қаңтардан бастап - 60,5 жасқа толғанда;
• 2023 жылғы 1 қаңтардан бастап - 61 жасқа толғанда;
• 2028 жылғы 1 қаңтардан бастап - 61,5 жасқа толғанда;
• 2029 жылғы 1 қаңтардан бастап - 62 жасқа толғанда;
• 2030 жылғы 1 қаңтардан бастап - 62,5 жасқа толғанда;
• 2031 жылғы 1 қаңтардан бастап - 63 жасқа толғанда жүргізіледі.

Төтенше және ең жоғары радиациялық қатері бар аймақтарда 1949 жылғы 29 тамыз – 1963 жылғы 5 шілде аралығындағы кезеңде кемінде 5 жыл тұрған азаматтардың "Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы" Қазақстан Республикасының Заңына Заңына сәйкес:

1) ерлер - 50 жасқа толғанда;

2) әйелдер - 45 жасқа толғанда жасына байланысты зейнетақы төлемдері тағайындалуына құқығы бар.

5 және одан да көп бала туған (асырап алған) және оларды сегіз жасқа дейін тәрбиелеген әйелдердің 53 жасқа толғанда жасына байланысты зейнетақы төлемдерін алуға құқығы бар.

Қазақстан Республикасының Конституциясында белгіленген лауазымда болу мерзімінің өтуіне байланысты өкілеттіктері тоқтатылған, өмір бойғы ай сайынғы қамтылымды алатын Қазақстан Республикасы Конституциялық Сотының судьяларына, өмір бойғы ай сайынғы қамтылымды алатын отставкадағы судьяларға жасына байланысты зейнетақы төлемдері немесе еңбек сіңірген жылдары үшін зейнетақы төлемдері тағайындалмайды.

Осылайша, зейнеткерлікке шығу жасы ерлер үшін - 63 жас, әйелдер үшін - 61 жас.

2023 жылдан бастап 2028 жылға дейінгі кезеңде әйелдердің зейнеткерлік жасы өзгермейді және 61 жасты құрайды.

2031 жылдан бастап әйелдер үшін зейнет жасының ең жоғары деңгейі - 63 жас әрекет ете бастайды.

2023 жылғы 1 шілдеге дейінгі зейнеткерлік жасы

«ҚР зейнетақымен қамсыздандыру туралы» ҚРЗ 11-бабына сәйкес

Жасына байланысты зейнетақы төлемдерін тағайындау:

• 2001 жылғы 1 шілдеден бастап - ерлерге 63 жасқа толғанда, әйелдерге 58 жасқа толғанда жүргізіледі.

Бұл ретте әйелдерге жасына байланысты зейнетақы төлемдерін тағайындау:

• 2018 жылғы 1 қаңтардан бастап - 58,5 жасқа толғанда;
• 2019 жылғы 1 қаңтардан бастап - 59 жасқа толғанда;
• 2020 жылғы 1 қаңтардан бастап - 59,5 жасқа толғанда;
• 2021 жылғы 1 қаңтардан бастап - 60 жасқа толғанда;
• 2022 жылғы 1 қаңтардан бастап - 60,5 жасқа толғанда;
• 2023 жылғы 1 қаңтардан бастап - 61 жасқа толғанда;
• 2024 жылғы 1 қаңтардан бастап - 61,5 жасқа толғанда;
• 2025 жылғы 1 қаңтардан бастап - 62 жасқа толғанда;
• 2026 жылғы 1 қаңтардан бастап - 62,5 жасқа толғанда;
• 2027 жылғы 1 қаңтардан бастап - 63 жасқа толғанда жүргізіледі.

2. Төтенше және радиация қаупі ең жоғары аймақтарда 1949 жылғы 29 тамыз – 1963 жылғы 5 шілде аралығындағы кезеңде кемінде 5 жыл тұрған азаматтардың "Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы" Қазақстан Республикасының Заңына сәйкес:

1) ерлер - 50 жасқа толғанда;

2) әйелдер - 45 жасқа толғанда жасына байланысты зейнетақы төлемдері тағайындалуына құқығы бар.

3. 5 және одан да көп бала туған (асырап алған) және оларды сегіз жасқа дейін тәрбиелеген әйелдердің 53 жасқа толғанда жасына байланысты зейнетақы төлемдерін алуға құқығы бар.

4. Жасына байланысты зейнетақы төлемдері толық көлемде осы баптың 1-3-тармақтарында белгіленген жасқа толғанда азаматтардың мынадай санаттарына:

1) ерлерге - 1998 жылғы 1 қаңтарға кемінде жиырма бес жыл еңбек өтілі болған кезде;

2) әйелдерге - 1998 жылғы 1 қаңтарға кемінде жиырма жыл еңбек өтілі болған кезде тағайындалады.

5. Жасына байланысты зейнетақы төлемдері толық емес көлемде осы баптың 1-3-тармақтарында аталған азаматтардың санаттарына олардың жасына байланысты зейнетақы төлемін толық көлемде алу құқығы болмаған кезде, 1998 жылғы 1 қаңтардағы жағдай бойынша кемінде алты ай еңбек өтілінің болуына қарай тағайындалады.

6. Жасына байланысты толық емес көлемдегi зейнетақы төлемдерi жасына байланысты толық көлемдегі зейнетақы төлемінен 1998 жылғы 1 қаңтарға дейінгі еңбек өтіліне пропорционалды түрде есептеледi.

7. Өмір бойғы ай сайынғы қамтылымды алатын отставкадағы судьяларға жасына байланысты зейнетақы төлемдері немесе еңбек сіңірген жылдары үшін зейнетақы төлемдері тағайындалмайды.

Мемлекеттiк базалық зейнетақы төлемi және жасына байланысты зейнетақы төлемдерi өмiр бойына тағайындалады және қайтыс болған немесе Қазақстан Республикасының шегiнен тыс жерлерге тұрақты тұруға кеткен айын қоса алғанда жүзеге асырылады.