Уақытша әкету - уақытша әкету кедендік рәсімі Еуразиялық экономикалық одақтың тауарларына қатысты қолданылатын, оған сәйкес мұндай тауарлар олардың уақытша болуы және тауарларды осы кедендік рәсіммен орналастыру және оларды мұндай кедендік рәсімге сәйкес пайдалану шарттары сақталған кезде кедендік әкету баждары төленбестен оларды шегінен тыс жерде пайдалану үшін Еуразиялық экономикалық одақтың кедендік аумағынан әкетілетін кедендік рәсім болып табылады. 

Уақытша әкету рәсімі

Оларға қатысты уақытша әкету қолданылмайтын тауарлар

Тауарларды уақытша әкету рәсіміне орналастыру шарттары

Уақытша әкету тауарларын пайдалану шарттары

Уақытша әкету кедендік рәсімінің қолданылу мерзімі 

Уақытша әкету рәсімі

Уақытша әкету кедендік рәсімімен орналастырылған және Еуразиялық экономикалық одақтың кедендік аумағынан іс жүзінде әкетілген тауарлар (бұдан әрі осы тарауда - уақытша әкетілген тауарлар) Еуразиялық экономикалық одақ тауарларының мәртебесін жоғалтады.

Еуразиялық экономикалық одақтың кедендік аумағынан әкетілген:

1) «Қазақстан Республикасындағы кедендік реттеу туралы» Кодекстің 312-бабының 2-тармағына сәйкес уақытша әкету кедендік рәсімінің қолданысын аяқтау үшін уақытша әкету кедендік рәсімімен орналастырылған тауарларға;

2) осы Кодекстің 386-бабы 5-тармағының 2) тармақшасында көрсетілген Еуразиялық экономикалық одақтың тауарларына қатысты уақытша әкету кедендік рәсімін қолдануға жол беріледі.

Оларға қатысты уақытша әкету қолданылмайтын тауарлар

Уақытша әкету кедендік рәсімі мынадай тауарларға қатысты:

1) алкогольді, темекі және темекі бұйымдарын, шикізатты және жартылай фабрикаттарды, жұмсалатын материалдар мен үлгілерді қоса алғанда, оларды жарнама және (немесе) көрсету мақсатында немесе көрме жәдігерлері не өнеркәсіптік үлгілер ретінде санаулы данада Еуразиялық экономикалық одақтың кедендік аумағынан әкеткен жағдайларды қоспағанда, тамақ өнімдеріне, сусындарға;

2) қалдықтарға, оның ішінде өнеркәсіптік қалдықтарға қолданылмайды.

Комиссия оларға қатысты оларды шетелдік тауарлармен ауыстыруға жол берілетін уақытша әкетілетін тауарлардың санаттарын, сондай-ақ осындай ауыстыру жағдайларын айқындауға құқылы.

Тауарларды уақытша әкету рәсіміне орналастыру шарттары

Тауарларды уақытша әкету кедендік рәсімімен орналастыру шарттары:

1) уақытша әкету кедендік рәсімімен орналастырылатын тауарларды осы кедендік рәсімнің қолданысын аяқтау мақсатында оларды кейіннен кедендік рәсіммен орналастыру кезінде сәйкестендіру мүмкіндігі.

Тауарларды сәйкестендіру Қазақстан Республикасының халықаралық шарттарына сәйкес жағдайларда немесе «Қазақстан Республикасындағы кедендік реттеу туралы» Кодекстің 308-бабының 5-тармағына сәйкес айқындалған жағдайларда уақытша әкетілген тауарларды ауыстыруға жол берілетін жағдайларда талап етілмейді;

2) осы Кодекстің 8-бабына сәйкес тыйым салулар мен шектеулерді сақтау болып табылады.

Уақытша әкету тауарларын пайдалану шарттары

Тауарларды уақытша әкету кедендік рәсіміне сәйкес пайдалану шарттары:

1) кеден органы белгілеген уақытша әкету кедендік рәсімінің қолданылу мерзімін сақтау;

2) «Қазақстан Республикасындағы кедендік реттеу туралы» Кодекстің 311-бабында белгіленген уақытша әкетілген тауарларды пайдалану және иелік ету бойынша шектеулерді сақтау болып табылады.

 Уақытша әкету кедендік рәсімінің қолданылу мерзімі

1. Осы баптың 2-тармағында көзделген жағдайларды қоспағанда, уақытша әкету кедендік рәсімінің қолданылу мерзімі шектелмеген.

Бұл ретте, тауарлар уақытша әкету кедендік рәсімімен орналастырылған кезде кеден органы тауарларды Еуразиялық экономикалық одақтың кедендік аумағынан әкету мақсаттары мен мән-жайларына сүйене отырып, декларанттың өтініші негізінде осы кедендік рәсімнің қолданылу мерзімін белгілейді.

2. Қазақстан Республикасының заңнамасына сәйкес оларға қатысты Қазақстан Республикасының аумағына қайтару міндеттілігі және осындай тауарларды қайтару мерзімі белгіленген тауарлар үшін уақытша әкету кедендік рәсімінің қолданылу мерзімін мұндай тауарларды Қазақстан Республикасының аумағына қайтару үшін көзделген мерзімдер шегінде кеден органы белгілейді.

Қазақстан Республикасының дипломатиялық өкілдіктерінің, сондай-ақ олармен бірге тұратын отбасы мүшелерін қоса алғанда, олардың қызметкерлерінің ресми және жеке пайдалануы үшін әкетілетін тауарларды осындай өкілдіктер мен көрсетілген адамдардың шет мемлекетте аккредиттелуінің бүкіл мерзімінің Қазақстан Республикасынан уақытша әкетуге жол беріледі.

Осы тармақтың бірінші және екінші абзацтарында белгіленген жағдайларда тауарларды уақытша әкету кедендік рәсімімен орналастырған кезде кеден органы декларанттың өтініші негізінде, Қазақстан Республикасының заңнамасына сәйкес мұндай тауарларды Қазақстан Республикасының аумағына қайтару үшін көзделген шекті мерзімнен немесе Қазақстан Республикасының дипломатиялық өкілдіктерінің, сондай-ақ олармен бірге тұратын отбасы мүшелерін қоса алғанда, олардың қызметкерлерінің шет мемлекетте аккредиттелу мерзімінен аспайтын, осы кедендік рәсімнің қолданылу мерзімін белгілейді.

Возврат к списку