СЕН 920.00 - Шаруа немесе фермер қожалықтары үшін арнаулы салық режимін қолданатын салық төлеушілерге арналған декларация

2026 жылғы 1 қаңтардан бастап 920.00-нысан

2026 жылғы 1 қаңтарға дейінгі 920.00-нысан

2026 жылғы 1 қаңтардан бастап 920.00-нысан

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

СЕН 920.00 - Шаруа немесе фермер қожалықтары үшін арнаулы салық режимін қолданатын салық төлеушілерге арналған декларация

920.00-нысан

920.00-нысандағы Декларацияға қосымшалар

Есептілік

Төлеу мерзімі

920.00-нысан

Шаруа немесе фермер қожалықтарына арналған арнаулы салық режимін қолданатын салық төлеушілерге арналған декларация (920.00-нысан) салық есептілігінің нысаны шаруа немесе фермер қожалықтары қызметінен алынатын кірістерден жеке табыс салығын (бұдан әрі – ЖТС), жерүсті су объектілерінің су ресурстарын пайдаланғаны үшін төлемақыны, сондай-ақ және шаруа немесе фермер қожалығының мүшелері үшін әлеуметтік төлемдерді есептеуге арналған.

920.00-нысандағы Декларацияға қосымшалар

Декларация Декларацияның өзінен (СЕН 920.00) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (920.01-ден 920.04-ке дейінгі нысандар) тұрады.

«Жер телімдері бойынша мәліметтер» қосымшасы (920.01-нысан) әрбір жер учаскесі:

• жеке меншік, бастапқы жер пайдалану құқығындағы, оның ішінде жалға берілген жер учаскелері бойынша;
• қайталама жер пайдалану құқығындағы жер учаскелері бойынша ақпаратты көрсетуге арналған.

Салық төлеушіде әртүрлі көрсеткіштері бар (иелену кезеңдері, жер учаскелеріне сәйкестендіру құжаттары және тағы басқа) жер учаскелері болған кезде, әрбір жер учаскесі бойынша 920.01-нысанының жеке жолы толтырылады.

«Шаруа немесе фермер қожалығының басшысы мен мүшелері үшін әлеуметтік төлемдерді есептеу» қосымшасы (920.02-нысан) шаруа немесе фермер қожалығының басшысы мен мүшелері үшін әлеуметтік төлемдерді есептеуге арналған.

«Жеңілдіктер бойынша мәліметтер» қосымшасы (920.03-нысан) салықтық кезең (жыл) үшін көлік құралдары салығы, мүлік салығы, жер салығы және (немесе) жер учаскелерін пайдаланғаны үшін төлемақы бойынша жеңілдіктер бойынша мәліметтерді көрсетуге арналған.

«Жерүсті су объектілерінің су ресурстарын пайдаланғаны үшін төлемақы» қосымшасы (920.04-нысан) салықтық кезең (жыл) үшін арнайы су пайдаланудың әрбір түрі бойынша жерүсті су объектілерінің су ресурстарын пайдаланғаны үшін төлемақы сомасының есептелуі туралы ақпаратты көрсетуге арналған.

Есептілік

Күнтізбелік жыл арнаулы салық режимін қолдану үшін салықтық және есепті кезең болып табылады.

СЕН 920.00 Шаруа немесе фермер қожалықтары үшін арнаулы салық режимін қолданатын салық төлеушілерге арналған декларация есептелген жеке табыс салығының (төлем көзінен ұсталатындардан басқа) және жерүсті су объектілерінің су ресурстарын пайдаланғаны үшін төлемақының сомасын көрсетуге арналған.

Шаруа немесе фермер қожалықтары үшін арнаулы салық режимін қолданатын салық төлеушілерге арналған декларация жер учаскесінің орналасқан жері бойынша тиісті салық органдарына есепті салық кезеңінен кейінгі салық кезеңінің 31 наурызынан кешіктірілмей ұсынылады. (ҚР СК 733-бабы)

Төлеу мерзімі

Төлем көзiнен ұсталатын салықтарды қоспағанда, ЖТС, жерүсті су объектілерінің су ресурстарын пайдаланғаны үшін төлемақыны төлеу мынадай тәртіппен жүргiзiледi:

1) салықтық кезеңнің 1 қаңтарынан бастап 1 қазанына дейін есептелген сомалар – ағымдағы салықтық кезеңнің 10 қарашасынан кешiктiрілмейтін мерзімде;

2) салықтық кезеңнің 1 қазанынан бастап 31 желтоқсаны аралығында есептелген сомалар – есепті салықтық кезеңнен кейінгі салықтық кезеңнің 10 сәуірінен кешiктiрілмейтін мерзімде.

ЖТС төлеу жер учаскесінің орналасқан жері бойынша бюджетке жүргізіледі.

2026 жылғы 1 қаңтарға дейінгі 920.00-нысан

СЕН 920.00- «Бірыңғай жер салығын төлеушілерге арналған декларация (920.00-нысан)».

Төлем көзінен ұсталатын бірыңғай жер салығын (бұдан әрі – БЖС) және жеке табыс салығын (бұдан әрі – ЖТС), жерүсті көздерінің су ресурстарын пайдаланғаны үшін төлемақыны, сондай-ақ әлеуметтік төлемдерді есептеуге арналған.

Декларацияны СК 707-бабына сәйкес шаруа немесе фермер қожалықтары үшін арнаулы салық режимін қолданатын салық төлеушілер жасайды.

920.00-нысандағы Декларацияға қосымшалар

Есептілік

Төлеу мерзімі

920.00-нысандағы Декларацияға қосымшалар

Декларация декларацияның өзінен (920.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (920.01-ден 920.05-ке дейінгі нысандар) тұрады.

920.01-нысандағы қосымша – Бірыңғай жер салығы.
920.01-нысандағы қосымша әрбір жер учаскесі:

• жеке меншік, бастапқы жер пайдалану құқығындағы, оның ішінде жалға берілген жер учаскелері бойынша;
• қайталама жер пайдалану құқығындағы жер учаскелері бойынша ақпаратты көрсетуге арналған.

Салық төлеушіде әртүрлі көрсеткіштері бар жер учаскелері болған кезде (иелену кезеңдері; жер учаскелеріне сәйкестендіру құжаттары және тағы сол сияқты), әрбір жер учаскесі бойынша 920.01-нысандағы қосымшаның жеке жолы толтырылады.

920.02-нысандағы қосымша – Жеке тұлғалардың кірістері бойынша салықтар мен әлеуметтік төлемдерді есептеу.
Бұл нысан шетелдіктер мен азаматтығы жоқ адамдарды қоспағанда, төлем көзінен салық салынатын жеке тұлғалардың кірістерінен салық және әлеуметтік төлемдерді есептеуге арналған.

920.03-нысандағы қосымша - Шетелдіктер мен азаматтығы жоқ тұлғалардың кірістерінен жеке табыс салығын есептеу. Бұл нысан салық агенті шетелдіктер мен азаматтығы жоқ тұлғаларға есептеген кірістердің сомаларын, шетелдіктер мен азаматтығы жоқ тұлғалардың кірістерінен ЖТС сомаларын салық агенті есептеген сомаларды көрсетуге арналған.
Нысан жыл қорытындысы бойынша жасалады және декларациямен бірге, сондай-ақ декларацияның «Тарату» түрінің 4-торкөзінде белгісі бар декларацияны ұсыну кезінде тапсырылады.

920.04-нысандағы қосымша - Жеңілдіктер бойынша мәліметтер. «Көлік құралдарына салық салуға жатпайтын көлік құралдары туралы мәліметтер» бөлімінде ҚР СК 705-бабының 1-тармағына сәйкес шаруа немесе фермер қожалықтары үшін арнаулы салық режимін қолданатын шаруа немесе фермер қожалығының басшысы және (немесе) мүшелері көлік құралдары салығын төлеушілер болып табылмайтын көлік құралдары бойынша мәліметтер көрсетіледі.

920.05-нысандағы қосымша - Жерүсті көздерінің су ресурстарын пайдаланғаны үшін төлемақы. 920.05-нысан салықтық кезең (жыл) үшін арнайы су пайдаланудың әрбір түрі бойынша жерүсті көздерінің су ресурстарын пайдаланғаны үшін төлемақы сомасын есептеу туралы ақпаратты көрсетуге арналған.

920.00-нысандағы декларацияны шаруа немесе фермер қожалықтары үшін арнаулы салық режимін қолданатын салық төлеушілер жасайды.

Есептілік

920.00 нысандағы Бірыңғай жер салығын төлеушілерге арналған декларация жер учаскесінің орналасқан жері бойынша салық органдарына есепті салық кезеңінен кейінгі салық кезеңінің 31 наурызынан кешіктірілмей ұсынылады.

Төлеу мерзімі

Жерүсті көздеріндегі су ресурстарын пайдаланғаны үшін бірыңғай жер салығын, төлемақыны төлеу мынадай тәртіппен жүргізіледі:

1) салық кезеңінің 1 қаңтарынан бастап 1 қазанына дейін есептелген сомалар - ағымдағы салық кезеңінің 10 қарашасынан кешіктірілмейтін мерзімде;

2) салық кезеңінің 1 қазанынан бастап 31 желтоқсанына дейін есептелген сомалар - есепті салық кезеңінен кейінгі салық кезеңінің 10 сәуірінен кешіктірілмейтін мерзімде.

Бiрыңғай жер салығын бюджетке төлеу жер учаскесiнiң орналасқан жерi бойынша жүргiзiледi. ҚР СК 706-бабы

«Бірыңғай жер салығын төлеушілерге арналған декларация (920.00-нысан)» салық есептілігін жасау қағидалары