Фискалдық режим - бұл ақшалай есеп айырысулар туралы мәліметтерді фискалдық деректер операторы арқылы салық органдарына бір мезгілде бере отырып, ақпараттың фискалдық жадыда не фискалдық деректерді жинақтауышта түзетілмей тіркелуін және энергияға тәуелсіз ұзақ уақыт сақталуын қамтамасыз ететін бақылау-касса машинасының жұмыс істеу режимі. (ҚР Салық кодексінің 19-бабы)

2026 жылғы 1 қаңтардан бастап фискалдық режим

2026 жылғы 1 қаңтарға дейінгі фискалдық режим

2026 жылғы 1 қаңтардан бастап фискалдық режим

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

Қазақстан Республикасының Салық кодексін іске асыру мақсатында және ҚР Салық кодексінің 111-бабының 2 және 5-тармақтарына, 113-бабының 2-тармағына және «Мемлекеттік көрсетілетін қызметтер туралы» Қазақстан Республикасы Заңының 10-бабының 1) тармақшасына сәйкес:

1. Бақылау-касса машиналарын қолдану қағидалары және бақылау-касса машинасының чектерін ұстауға қойылатын талаптардың тізбесі;
2. Фискалдық деректер операторының тізбесіне енгізу және тізбесінен алып тастау қағидалары;
3. Фискалдық деректердің әлеуетті операторына қойылатын біліктілік талаптары;
4. бақылау-касса машинасын салық органында есепке қою туралы салықтық өтініштің нысаны;
5. осы бұйрыққа 5-қосымшаға сәйкес бақылау-касса машинасын есептен шығару туралы салықтық өтініштің нысаны;
6. бақылау-касса машинасын пайдалану кезінде туындаған міндеттемелерді орындау туралы салықтық өтініштің нысаны;
7. бақылау-касса машинасының моделін мемлекеттік тізілімге енгізу туралы салықтық өтініштің нысаны бекітілді.

Заңнамаға сәйкес, бақылау-кассалық машиналармен жұмыс істейтін барлық кәсіпкерлер сатып алушыларға тауарларды сату немесе қызмет көрсету кезінде фискалдық чектерді беруге тиіс.

Кассалық машина жұмысының фискалдық режимі құрылғының жадына ақшалай есеп айырысу бойынша барлық операцияларды жазуды көздейді. Бұл деректер тұрақты сақталады және пайдаланушы өшіре алмайды немесе өзгерте алмайды.

Деректерді тіркеу және (немесе) беру функциясы бар БКМ техникалық ақауы болған, электр энергиясы болмаған немесе телекоммуникация желісіне қосылған жағдайда БКМ автономды жұмыс режимінде жұмыс істейді.

Кассалық аппараттың автономды режимге өткенi туралы кассир хабарлама арқылы хабардар етiледi.

БКМ автономды режимде болған кезде автономды фискалдық белгісі көрсетілген чектерді басып шығаруды жалғастыра алады. Барлық басылған чектерді бақылау-касса машинасы өз жадында сақтайды. БКМ сонымен бірге БКМ жинақтауышында сақталатын деректер негізінде Z-есебін генерациялайды.

Деректерді тіркеу және (немесе) беру функциясы жоқ БКМ автономды режимде 72 сағат жұмыс істей алады.

Бақылау-касса машиналарын қолдану қағидаларына сәйкес аппараттық-бағдарламалық кешендерді қоспағанда, деректерді беру функциясы жоқ бақылау-касса машинасын есепке қою кезінде көрсетілетін қызметті берушінің лауазымды адамы:

4) бақылау-касса машинасы жұмысының фискалдық режимін белгілейді;

....

9) көрсетілетін қызметті алушыға:

• фискалдық жұмыс режимі белгіленген және көрсетілетін қызметті берушінің пломбасы орнатылған фискалдық жады блогы бар бақылау-касса машинасын қайтарады;

Бақылау-касса машинасына қойылатын техникалық талаптар

  БКМ-ге, жұмыс режиміне және фискалдық жадыны толтыру тәртібіне қойылатын техникалық талаптар негізінде:

• БКМ жұмысты фискалдық емес және фискалдық режимдерде қамтамасыз етуі тиіс.

• Фискалдық режим БКМ жұмысын пайдалану құжаттамасына толық сәйкес қамтамасыз етуі тиіс.

• БКМ фискалдық режимде ресімдеген барлық құжаттардың бақылау чегін қалыптастыру аяқталғаннан кейін ғана баспаға шығарылатын ерекше фискалдық белгісі болуы тиіс.

Фискалдық белгi - бұл бақылау-касса машинасының фискалдық режимде жұмыс істейтінін растау ретінде бақылау-касса машинасының чектерінде көрсетілетін айрықша символ.

Фискалдық жады блогында тіркелген ақпарат БКМ фискалдық режимге ауыстырылған сәттен бастап кемінде 5 жыл сақталуы тиіс.

БКМ ресімдеген барлық құжаттардың (фискалдық деректер операторының серверіне деректерді беру режимінде де, сервермен байланыс болмаған кезде де дербес) фискалдық деректер операторының серверінен бақылау чегінің нөмірін алғаннан кейін немесе фискалдық деректер операторының серверімен қосылу болмаған жағдайда БКМ дербес фискалдық белгісін қалыптастырғаннан кейін ғана баспаға шығарылатын фискалдық режимнің айрықша белгісі («Фискалдық чек» сөз тіркесі) болуы тиіс.

2026 жылғы 1 қаңтарға дейінгі фискалдық режим

ҚР Салық кодексінің 167-бабына сәйкес - Аппараттық-бағдарламалық кешендерді қоспағанда, деректерді беру функциясы жоқ бақылау-касса машинасын салық органына есепке қою үшін:

2) фискалдық режимді орнатпастан іске қосу мүмкін болатын, салық төлеуші туралы мәліметтер қамтылатын бақылау-касса машинасы ұсынылады;

Фискалдық режим - ақшалай есеп айырысулар туралы мәліметтерді фискалдық деректер операторы арқылы салық органдарына бір мезгілде бере отырып, ақпараттың фискалдық жадында не фискалдық деректерді жинақтауышта түзетілмей тіркелуін және энергияға тәуелсіз ұзақ уақыт сақталуын қамтамасыз ететін бақылау-касса машинасының жұмыс істеу режимі.