Мәмілелер мониторингі уәкілетті органдардың мәмілелерге қатысушылар қолданатын бағаларды байқау жолымен жүзеге асырылады.

Тізбесін уәкілетті орган бекітетін тауарлар (жұмыстар, көрсетілетін қызметтер) бойынша халықаралық іскерлік операциялар мәмілелер мониторингіне жатады.

Мәмілелер мониторингінің нәтижелері бойынша мәміле бағасының нарықтық бағадан ауытқуы анықталған жағдайда уәкілетті органдар трансферттік баға белгілеу мәселелері бойынша тексеру жүргізеді.

Мәмілелер мониторингін жүзеге асыру қағидаларын уәкілетті орган бекітеді және мәмілеге қатысушының мәмілелер мониторингі бойынша есептіліктің бекітілген нысандарын толтыру және оларды уәкілетті органдарға ұсыну тәртібін, сондай-ақ мәмілелер мониторингі бойынша құжаттаманы жүргізу тәртібін қамтиды.

Мәмілелер мониторингі бойынша есептілік – уәкілетті орган бекітетін тәртіпке және нысанға сәйкес мәмілеге қатысушы мемлекеттік кірістер органдарына жыл сайын ұсынатын, есепті кезең ішінде жасалған трансферттік бағаларды қолдана отырып жасалған мәмілелерді қоса алғанда, мәмілелер бойынша деректер;

Мәмілелер мониторингін жүзеге асыру қағидаларын бекіту туралы

Қазақстан Республикасы Қаржы министрінің 2015 жылғы 16 наурыздағы № 176 бұйрығы.

Мәмілелер мониторингі бойынша толтырылған есептілік нысандары ақпаратты компьютерлік өңдеуге жол беретін электрондық түрде – мемлекеттік кірістер органдарының салық есептілігін қабылдау және өңдеу жүйесі арқылы ұсынылады.

Мәмілелер мониторингі бойынша есептілік нысандары электрондық цифрлық қолтаңбамен куәландырылады.

Мемлекеттік кірістер органдарының салық есептілігін қабылдау және өңдеу жүйесінің орталық торабының хабарламада көрсетілген күні Мемлекеттік кірістер комитетіне мәмілелер мониторингі бойынша есептілік нысандарын электрондық түрде ұсыну күні болып табылады.

Мәмілелер мониторингі бойынша есептілік нысандарын тапсыру үшін осы Қағидаларда белгіленген мерзімнің соңғы күнінің жиырма төрт сағатына дейін мемлекеттік кірістер органдарының салық есептілігін қабылдау және өңдеу жүйесі арқылы Мемлекеттік кірістер комитетіне табыс етілген мәмілелер мониторингі бойынша есептілік нысандары мерзімінде табыс етілген болып есептеледі.

Мәмілелер мониторингі бойынша есептілік нысандарын электрондық түрде ұсынған кезде Мемлекеттік кірістер комитеті мемлекеттік кірістер органдарының салық есептілігін қабылдау және өңдеу жүйесі қабылдаған күннен бастап екі жұмыс күнінен кешіктірмей мәмілеге қатысушыға көрсетілген жүйенің мәмілелер мониторингі бойынша есептілік нысандарын қабылдағаны немесе қабылдамағаны туралы электрондық хабарлама жібереді.

Мәмілелер мониторингі бойынша есептілік нысандары, егер:

1) осы Қағидаларда белгіленген нысандарға сәйкес келмесе;

2) мемлекеттік кірістер органының коды көрсетілмесе немесе дұрыс көрсетілмесе;
3) сәйкестендіру нөмірі көрсетілмесе немесе дұрыс көрсетілмесе;
4) салық кезеңі көрсетілмесе;
5) электрондық цифрлық қолтаңбасы болмаса немесе дұрыс емес болса;
6) осы Қағидалардың 10 және 11-тармақтарының елу бірінші бөлігінің талаптары бұзылса;
7) мәмілелер мониторингі бойынша есептілік нысандарының электрондық формат құрылымы бұзылса, Мемлекеттік кірістер комитетіне ұсынылмаған болып есептеледі.

Мәмілелер мониторингі бойынша есептілік нысандарын электрондық түрде уақтылы ұсынуға әсер ететін мемлекеттік кірістер органдарының бағдарламалық қамтамасыз етуінде техникалық қателер анықталған жағдайда, Мемлекеттік кірістер комитеті мәмілелер мониторингі бойынша есептілік нысандарын ұсыну мерзімін есептіліктің осындай нысандарын ұсыну үшін белгіленген мерзімнен бастап алты айдан аспайтын кезеңге ұзартады.