СЕН 220.00 - Жеке табыс салығы бойынша декларация

220.00-нысан ЖТС есептеуге арналған.

ЖТС – Кіріс алған, оның ішінде ДК ретінде тіркелген жеке тұлғалар төлейтін салық.

2026 жылғы 1 қаңтардан бастап 220.00-нысан

2026 жылғы 1 қаңтарға дейінгі 20.00-нысан

2026 жылғы 1 қаңтардан бастап 220.00-нысан

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

СЕН 220.00 - Жеке табыс салығы бойынша декларация

2026 жылғы қаңтардан бастап 200.00 Декларация нысаны «Есептелген ЖТС-ның жиынтық сомасы» атты 220.00.001-жолымен бір жолды болды.

Қосымшалар саны көбейді: алты қосымшаның орнына - он.

«Жеке табыс салығын есептеу бойынша салық салу объектілері және (немесе) салық салуға байланысты объектілер туралы» атты 1-қосымша салық салу объектісінің және (немесе) салық салуға байланысты объектінің әрбір түрі бойынша жеке жасалады.

ЖТС бойынша декларацияны кім тапсырады

ЖТС бойынша декларацияға (220.00-нысан) қосымшалар

Есептілік

Төлеу мерзімі

ЖТС бойынша декларацияны кім тапсырады

Декларацияны Салық кодексінің 392 және 393-баптарына салықтарды есептеу мен төлеуді жалпыға бірдей белгіленген тәртіппен жүзеге асыратын жеке тұлғалар - дара кәсіпкерлер және Салық кодексінің 363-бабында белгіленген ерекшеліктерді ескере отырып, СК-нің 392 және 393-баптарына сәйкес ауыл шаруашылығы өнімдерін, аквашаруашылық (балық өсіру шаруашылығы) өнімдерін өндірушілер және ауыл шаруашылығы кооперативтері үшін АСР қолданатын шаруа немесе фермер қожалықтары, сондай-ақ Салық кодексінің 15-бөліміне сәйкес бейрезидент жеке тұлғалар жасайды.

Мемлекеттік кірістер органында тіркеу есебіне қою кезінде қызметін аудандық маңызы бар қала, ауыл, кент, ауылдық округ аумағында жүзеге асыру орны мәлімделген дара кәсіпкердің кірістері бойынша жеке табыс салығы тиісті жергілікті өзін-өзі басқару бюджетіне төленуге жатады.

ЖТС бойынша декларацияға (220.00-нысан) қосымшалар

Декларация декларацияның өзінен (220.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (220.01-ден 220.10-ға дейінгі нысандар) тұрады.

     220.01-нысандағы «ЖТС есептеу бойынша салық салу объектілері және (немесе) салық салуға байланысты объектілер туралы» қосымшасы ЖТС есептеу бойынша салық салу объектілері және (немесе) салық салуға байланысты объектілер туралы ақпаратты ЖТС төлеушінің көрсетуіне арналған.

Осы нысанды толтыру:

1) қызмет түрлерінің әрбір белгісі бойынша;

2) оған сәйкес сенімгерлікпен басқарушыға ЖТС бойынша салық есептілігін есептеу, төлеу және ұсыну бойынша міндеттемелер жүктелген сенімгерлікпен басқару шарты бойынша қызметті жүзеге асырған жағдайда – мүлікті сенімгерлікпен басқарудың әрбір шарты бойынша жеке сенімгерлікпен басқару жөніндегі қызмет немесе мүлікті сенімгерлікпен басқару туындаған өзге де жағдай және өзге де қызмет бойынша;

3) Салық кодексінің 363-бабында белгіленген ЖТС-тің бірнеше мөлшерлемелері қолданылған жағдайда - ЖТС-тың әрбір мөлшерлемесі бойынша жеке жеке жүзеге асырылады.

    220.02-нысандағы «Тіркелген активтер бойынша шегерімдер» қосымшасы Салық кодексінің 274-282-баптарына сәйкес тіркелген активтер бойынша шегерімдерді айқындауға, сондай-ақ Салық кодексінің 300-бабы 1-тармағына сәйкес кейінгі салық кезеңдеріне көшірілетін І топтың тіркелген активтерінің шығуынан залалды айқындауға арналған.

    220.03-нысандағы «Халықаралық шарттарға сәйкес салық салудан босатылуы тиіс кіріс» қосымшасы Қазақстан Республикасы жасасқан халықаралық шарттарға сәйкес салық салудан босатылуы тиіс табысты айқындауға арналған. Салық кодексінің 22-бабының 5-тармағына сәйкес, егер Қазақстан Республикасы ратификациялаған халықаралық шартта Салық кодексіндегіден өзгеше ережелер белгіленсе, Қазақстан Республикасы ратификациялаған халықаралық шарттың ережелері қолданылады.

    220.04-нысандағы «Төленген шетел салығы мен есепке жатқызу сомасынан шетел көздерінен алынатын кірістер» қосымшасы шетел көздерінен кірістерді, оның ішінде салық салуда жеңілдігі бар елдердегі көздерден кірістерді, сондай-ақ Салық кодексінің 237, 239, 250, 242, 241, 243, 244, 246, 247, 297, 298, 319 және 320-баптарына сәйкес төленген шетел салығының сомасын және оларды есепке жатқызуды айқындауға арналған.

    220.05-нысандағы «Залалдарды есепке алу» қосымшасы залалдарды есепке алу бойынша ақпаратты көрсетуге арналған.

 220.06-нысандағы «Бақыланатын шетел компаниясының қаржылық пайдасына салық салу» қосымшасы БШК қаржылық пайдасының немесе БШК ТМ қаржылық пайдасының сомалары туралы ақпаратты, БШК қаржылық пайдасынан немесе БШК ТМ қаржылық пайдасынан есеаке алуға жататын пайдаға салынатын салықты және БШК кірісінен төлем көзінен ұсталған ЖТС, немесе Қазақстан Республикасындағы көздерден алынған БШК салық салынатын табысынан төленген ЖТС көрсетуге арналған.

 Осы қосымшада резидент салық төлеушіде Салық кодексінің 334-бабының 2-тармағында айқындалған растау құжаттары болған жағдайда, Салық кодексінің 334-бабына сәйкес Қазақстан Республикасында салық салудан босатылуға жататын БШК қаржылық пайдасы немесе БШК ТМ қаржылық пайдасы көрсетуге жатпайды.

     220.07-нысандағы «Өтеусіз алынған (берілген) мүлік (қайырымдылық көмек, демеушілік көмек, ақша және басқа мүлік)» қосымшасы коммерциялық емес ұйымның кірістерінің сомасын айқындауға арналған.

    220.08-нысандағы «АХҚО-да алынған кірістер» қосымшасы Конституциялық заңның 6-бабының 3, 4 және 7-тармақтарына сәйкес ЖТС салудан босатылатын кірістерді көрсетуге арналған.

     220.09-нысандағы «Сатылған тауарлар, жұмыстар, қызмет көрсетулер бойынша қосылған құн салығын төлеушілер болып табылмайтын салық төлеушілердің шығыстары» қосымшасын қосылған құн салығын төлеушілер болып табылмайтын тұлғалар толтырады. Нысанда шегерімге жатқызылмайтындарды қоса алғанда, сатып алынған тауарлар (жұмыстар, қызметтер) бойынша мәліметтер көрсетіледі. Осы нысандағы мәліметтер декларацияға және оған қосымшаларға көшірілмейді.

     220.10-нысандағы «Цифрлық активтер бойынша мәліметтер» қосымшасы салықтық кезең үшін цифрлық активтер бойынша мәліметтерді көрсетуге арналған.

Есептілік

Салықтық кезең - жыл. ЖТС бойынша декларацияны (СЕН 220.00) орналасқан (тұрғылықты) жері бойынша салық органына есепті кезеңнен кейінгі жылдың 31 наурызынан кешіктірмей тапсыру қажет.

Төлеу мерзімі

ДК үшін ЖТС - декларация тапсырылғаннан кейін күнтізбелік 10 күннен кешіктірмей;

Қызметкерлер үшін ЖТС, ӘС, МЗЖ, МӘМСЖ, ЖМЗЖ, МКЗЖ, ӘА және МӘМСА - ай сайын кірістерді төлеу (салықтар мен төлемдерді есептеу) айынан кейінгі айдың 25-інен кешіктірмей

2026 жылғы 1 қаңтарға дейінгі 220.00-нысан

СЕН 220.00 - Жеке табыс салығы бойынша декларация (220.00-нысан) - ЖТС есептеуге арналған.

ЖТС - Кіріс алған, оның ішінде ДК ретінде тіркелген жеке тұлғалар төлейтін салық.

Жеке табыс салығы бойынша декларацияны (220.00-нысан) кім тапсырады

ЖТС бойынша декларацияға (220.00-нысан) қосымшалар

Есептілік

Төлеу мерзімі

Жауапкершілік

Жеке табыс салығы бойынша декларацияны (220.00-нысан) кім тапсырады

Декларацияны Салық кодексінің 337-бабы 1-тармағына, 358 және 366-баптарына сәйкес жалпы белгіленген тәртіппен салықтарды есептеуді және төлеуді жүзеге асыратын жеке тұлғалар - дара кәсіпкерлер және Салық кодексінің 337-бабының 1-тармағына сәйкес, Салық кодексінің 700-бабында белгіленген ерекшеліктерді ескере отырып, Салық кодексінің 358 және 366-баптарына сәйкес ауыл шаруашылығы өнімін, аквашаруашылық (балық өсіру шаруашылығы) өнімін өндірушілер және ауыл шаруашылығы кооперативтері үшін арнаулы салық режимін қолданатын шаруа немесе фермер қожалықтары, сондай-ақ Салық кодексінің 30-тарауына сәйкес бейрезидент жеке тұлғалар жасайды.

220.00-нысанды көшірілетін залалдар сомасына азайтылған түзетулерді ескере отырып, салық салынатын кіріске 10% мөлшерлемені қолдану жолымен есептелетін жалпыға бірдей белгіленген салық салу режимін қолданатын ДК тапсырады.

ССК = ЖЖК +/- Түзету – Шегерімдер – Көшірілген залалдар

ЖТС бойынша декларацияға (220.00-нысан) қосымшалар

Декларация декларацияның өзінен (220.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (220.01-ден 220.06-ға дейінгі нысандар) тұрады:

• Декларацияға 1-қосымша (СЕН 220.01) - Сатылған тауарлар, орындалған жұмыстар, көрсетілген қызметтер бойынша қосылған құн салығын төлеушілер болып табылмайтын салық төлеушілердің шығыстары;
• Декларацияға 2-қосымша (СЕН 220.02) - Тіркелген активтер бойынша шегерімдер;
• Декларацияға 3-қосымша (СЕН 220.03) - халықаралық шарттарға сәйкес салық салудан босатылуы тиіс кіріс;
• Декларацияға 4-қосымша (СЕН 220.04) - Төленген шетел салығы мен есепке жатқызу сомасынан шетел көздерінен табыстар;
• Декларацияға 5-қосымша (СЕН 220.05) - Бөлек есеп жүргізу көзделген қызмет түрлері бойынша ЖТС есептеу бойынша салық салу объектілері және (немесе) салық салуға байланысты объектілер туралы;
• Декларацияға 6-қосымша (СЕН 220.06) - Бақыланатын шетел компаниясының қаржылық пайдасына салық салу.

Есептілік

Салықтық кезең - жыл. ЖТС бойынша декларацияны (СЕН 220.00) орналасқан (тұрғылықты) жері бойынша салық органына есепті кезеңнен кейінгі жылдың 31 наурызынан кешіктірмей тапсыру қажет.

Төлеу мерзімі

Жалпыға бірдей белгіленген салық салу режимін қолданатын ДК есепті кезеңнен кейін 10 сәуірден кешіктірмей ЖТС төлейді.

Жауапкершілік

Салық есептілігін тапсырмағаны үшін қайталап бұзған жағдайда 15-70 АЕК (кәсіпкерлік субъектісіне байланысты) айыппұл салынады, ал бірінші рет ескерту жасалады. ӘҚБтК 272-бабы.
Декларацияда, өтініште немесе есеп-қисапта салық және бюджетке төленетін басқа да төлемдер сомасын төмендеткені үшін салықтың немесе төлемнің есептелген сомасынан 20% - 80% айыппұл салынады. ӘҚБтК 278-бабы.

«Жеке табыс салығы бойынша декларация»  (220.00-нысаны)» салық есептілігін жасау қағидалары