Сәйкестендіру құралдары - бұл штрих код түрінде ұсынылған немесе радиожиілік белгісіне жазылған немесе автоматты сәйкестендірудің өзге де құралын (технологиясын) пайдалана отырып ұсынылған машинамен оқылатын нысандағы символдардың бірегей бірізділігі («Сауда қызметі туралы» Қазақстан Республикасы Заңының 1-бабының 31) тармақшасы).

«Қазақстан Республикасының кейбір заңнамалық актілеріне мемлекеттік басқару, екінші деңгейдегі банктердің кепілдік саясатын жетілдіру, бағалау қызметін реттеу және атқарушылық іс жүргізу мәселелері бойынша өзгерістер мен толықтырулар енгізу туралы» Қазақстан Республикасының Заңымен «Темекі өнімдерін өндіруді және олардың айналымын мемлекеттік реттеу туралы» Қазақстан Республикасы Заңының 13-бабының 2-тармағына өзгерістер енгізілді, оларға сәйкес «акциздік таңбалар» термині «сәйкестендіру құралдарына» ауыстырылды.

Бұл норма 2022 жылғы 1 қаңтардан бастап күшіне енді.

Темекі бұйымдарын сәйкестендіру құралдарымен таңбалау темекі бұйымдарын өндірістен/импорттан соңғы тұтынушыға өткізгенге дейін қадағалауды қамтамасыз етеді. Осындай таңбалаудың арқасында тұтынушыларға сатып алынатын тауар туралы толық ақпарат алуға мүмкіндік беріледі.

Қағаз акциздік таңбаларды алып тастауға байланысты 2022 жылғы 1 қаңтардан бастап темекі өнімдері тек сәйкестендіру құралдарымен таңбаланады.

«Темекі өнімдерінің өндірілуі мен айналымын мемлекеттік реттеу туралы» Қазақстан Республикасы Заңының 13-бабының 2-тармағына сәйкес шығарылған жері белгіленбеген, Қазақстан Республикасы заңнамасының талаптарына және техникалық регламенттердің талаптарына және (немесе) санитариялық-эпидемиологиялық және гигиеналық талаптарға сәйкес келмейтін, сондай-ақ сәйкестендіру құралдарынсыз және сәйкестендіру құралдарымен темекі бұйымдарын таңбалау және олардың қадағалану қағидалары бұзыла отырып өткізілетін темекі өнімдері Қазақстан Республикасының заңнамасында белгіленген тәртіппен алып қоюға және жоюға жатады.

Осылайша, қазіргі уақытта акциздік марканың функциясын темекі өніміне толық ауыстырған таңбалау темекі өнімдерін сәйкестендіру құралы болып табылады.

Жауапкершілік

«Әкімшілік құқық бұзушылық туралы» Қазақстан Республикасы Кодексінің 283-бабына сәйкес сәйкестендіру құралдарымен және (немесе) есепке алу-бақылау маркаларымен таңбалануға жататын акцизделетін тауарлардың сәйкестендіру құралдарынсыз және (немесе) есепке алу-бақылау маркаларынсыз, сол сияқты белгіленбеген үлгідегі және (немесе) сәйкестендіруге келмейтін маркалары және сәйкестендіру құралдары бар акцизделетін өнімді сақтау, өткізу және (немесе) тасымалдау түрінде жасалған айналымы, -

мыналарға:

·        құқық бұзушылықтың тікелей нысанасы болып табылған акцизделетін тауарлар тәркілене отырып, сондай-ақ лицензиядан айыра отырып жеке тұлғаларға 50,

·        шағын кәсіпкерлік субъектілеріне - 150,

·        орта кәсіпкерлік субъектілеріне - 200,

·        рі кәсіпкерлік субъектілеріне - 500 АЕК мөлшерінде айыппұл салуға әкеп соғады.