КТС (корпоративтік табыс салығы) - бұл компаниялар (ЖШС, ҚЖС, АҚ және т.б.) алған кірісінен төлейтін салық. КТС ҚР-да тұрақты мекеме арқылы жұмыс істейтін немесе ҚР-дағы көздерден кіріс алатын резидент компаниялар мен бейрезидент заңды тұлғалар төлейді.

2026 жылғы 1 қаңтардан бастап бейрезидент үшін КТС

2026 жылғы 1 қаңтарға дейін бейрезидент үшін КТС

2026 жылғы 1 қаңтардан бастап бейрезидент үшін КТС

Қазақстан Республикасында қолданылып жүрген салықтардың бiрi корпорациялық табыс салығы болып табылады (ҚР СК 201-бабы 1-тармағының 1-тармақшасы), оны компаниялар (ЖШС, ҚЖС, АҚ және т.б.) алған кірісінен төлейді. КТС-ты ҚР-да тұрақты мекеме арқылы жұмыс істейтін немесе ҚР-дағы көздерден кіріс алатын резидент компаниялар мен бейрезидент заңды тұлғалар да төлейді.

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

Салық реформасы шеңберінде 2026 жылғы 1 қаңтардан бастап күшіне енетін өзгерістер КТС-қа қатысты болды.

Бейрезидент үшін КТС төлеу

КТС есептеу және ұстау

Төлем көзінен табыс салығының мөлшерлемелері

Салықтық есептілікті ұсыну

Төлем көзінен КТС аудару тәртібі мен мерзімдері

Бейрезидент үшін КТС төлеу

ҚР-да қызметін тұрақты мекеме арқылы жүзеге асыратын бейрезидент заңды тұлға төлем көзінен ұсталған КТС сомасын тұрақты мекеменің орналасқан жері бойынша бюджетке аударуды жүргізеді.

ҚР СК 683-бабының негізінде қызметі Қазақстан Республикасында тұрақты мекеме құруға алып келмейтін бейрезидент-заңды тұлғаның Қазақстан Республикасындағы көздерден түсетін кірістеріне шегерімдер жүзеге асырылмай, төлем көзінен КТС салынады.

Бұл ретте төлем көзінен ұсталатын КТС сомасын салық агенті ҚР СК 681-бабында көрсетілген кірістерді қоспағанда, ҚР СК 679-бабында көрсетілген кірістер сомасына ҚР СК 682-бабында белгіленген мөлшерлемелерді қолдану арқылы есептейді.

ҚР СК 679-бабына сәйкес Бейрезиденттің Қазақстан Республикасындағы көздерден кірістері деп кірістердің мынадай түрлері танылады:

1) Қазақстан Республикасының аумағында тауарларды өткізуден түсетін кіріс, сондай-ақ сыртқы сауда қызметін жүзеге асыру шеңберінде Қазақстан Республикасындағы, оның шегінен тысқары жердегі тауарларды өткізуден түсетін кіріс;

2) Қазақстан Республикасының аумағында жұмыстарды орындаудан, қызметтерді көрсетуден түсетін кіріс;

3) Қазақстан Республикасының шегінен тысқары жерде ақпаратты өңдеу жөніндегі қызметтерді, басқарушылық, қаржылық, консультациялық, инжинирингтік, маркетингтік, аудиторлық, дизайнерлік қызметтерді, жарнама, заң қызметтерін көрсетуден түсетін кіріс.

4) жеңілдікті салық салынатын мемлекетте тiркелген тұлғаның жұмыстардың, қызметтердің іс жүзінде орындалған, көрсетiлген жерiне қарамастан, жұмыстарды орындаудан, қызметтерді көрсетуден түсетiн кірістері, сондай-ақ осы бапта белгiленген өзге де кірістер.

5) шет мемлекетте тіркелген тұлғаның шарттардың бірі орындалған кезде алынған аванс (алдын ала төлем) бойынша міндеттемелері түріндегі кірістері:

6) осындай тауарлар берілген, қызметтер көрсетілген және жұмыстар орындалған күннен бастап он екі ай ішінде бейрезидент қанағаттанбаған, тауарларды бергені, қызметтерді көрсеткені және жұмыстарды орындағаны үшін резидентке ақы төлеу жөніндегі міндеттемелер түріндегі кірістер;

7) мыналарды:

• Қазақстан Республикасының заңдарына сәйкес құқықтары немесе мәмілелері мемлекеттік тіркеуге жататын, Қазақстан Республикасының аумағындағы мүлікті;
• Қазақстан Республикасының заңдарына сәйкес мемлекеттік тіркеуге жататын, Қазақстан Республикасының аумағындағы мүлікті;
• резидент шығарған бағалы қағаздарды, сондай-ақ Қазақстан Республикасында орналасқан резидент-заңды тұлғаның, консорциумның жарғылық капиталына қатысу үлестерін;
• егер бейрезидент-заңды тұлғаның осындай акциялары, қатысу үлестері немесе активтері құнының 50 және одан көп пайызын Қазақстан Республикасындағы мүлік құрайтын болса, бейрезидент шығарған акцияларды, сондай-ақ бейрезидент-заңды тұлғаның, консорциумның жарғылық капиталына қатысу үлестерін өткізу кезіндегі құн өсімінен түсетін кіріс;

8) талап ету құқығын басқаға берген бейрезидент үшін – борышты талап ету құқығын Қазақстан Республикасында қызметін тұрақты мекеме арқылы жүзеге асыратын резидентке немесе бейрезидент-заңды тұлғаға беруден түсетін кіріс және т.б....

КТС есептеу және ұстау

Төлем көзінен салық салынатын кірістер бойынша корпоративтік табыс салығын есептеу мен ұстап қалуды салық агенті:

• есепке жазылған және төленген кірістер бойынша – бейрезидентке кірістерді төлеу күнінен кешіктірмей;
• шегерімге жатқызылған, есепке жазылған және төленбеген кірістер бойынша – табыс салығы бойынша декларацияны ұсыну үшін ҚР СК 359-бабының 1-тармағында белгіленген мерзімнен кешіктірмей жүргізеді.

Салық агентi төлем көзiнен ұсталатын КТС-ын бейрезидентке кіріс төлеудi жүзеге асырудың нысаны мен орнына қарамастан ұстайды.

Бейрезиденттің кірістеріне төлем көзінен салық салу осы бейрезиденттің өз кірістеріне үшінші тұлғалардың және (немесе) басқа мемлекеттердегі өзінің құрылымдық бөлімшелерінің пайдасына билік етуіне қарамастан жүргізіледі.

Төлем көзінен табыс салығының мөлшерлемелері

ҚР Салық кодексінің 357-бабының негізінде бейрезиденттердің Қазақстан Республикасындағы көздерден алатын кірістерін қоспағанда, төлем көзінен салық салынатын кірістерге 15 процент мөлшерлеме бойынша төлем көзінен салық салынуға жатады;

бейрезиденттердің Қазақстан Республикасындағы көздерден алатын кірістері ҚР СК 682-бабында белгіленген мөлшерлемелер бойынша төлем көзінен салық салынуға жатады, атап айтқанда:

1) осы тармақтың 2) - 9) тармақшаларында көрсетілген кірістерді қоспағанда, осы Кодекстің 679-бабында айқындалған кірістер – 20 пайыз;

2) тәуекелдерді сақтандыру шарттары бойынша сақтандыру сыйлықақылары – 15 пайыз;

3) тәуекелдерді қайта сақтандыру шарттары бойынша сақтандыру сыйлықақылары – 5 пайыз;

4) халықаралық тасымалдау бойынша қызметтер көрсетуден түсетін кірістер – 5 пайыз;

5) осы тармақтың 6) - 7) тармақшаларында көрсетілген кірістерді қоспағанда, құн өсімінен түсетін кірістер, дивидендтер, сыйақылар, роялти – 15 пайыз;

6) дивидендтер төлейтін резидент заңды тұлға капиталының кемінде жиырма бес пайызын тікелей немесе жанама иеленетін тұлғаға төленетін дивидендтер:

7) кредиттер (қарыздар), борыштық бағалы қағаздар бойынша сыйақылар – 10 пайыз;

8) ҚР СК 693-бабының 3-тармағында көрсетілген кірістер:

9) құмар ойындағы және (немесе) бәс тігудегі ұтыстар түріндегі кірістер – 10 пайыз.

Салық төлеуші осы Кодексте белгіленген тәртіппен халықаралық шартта белгіленген мөлшерлемелерді қолдануға құқылы.

2. Жеңілдікті салық салынатын мемлекетте тiркелген тұлғаның кірістері 20 пайыз мөлшерлеме бойынша төлем көзінен салық салынуға жатады.

3. ҚР СК 17-бабында аталған заңды тұлғалар шығарған акцияларды, ҚР СК 17-бабында аталған заңды тұлғаларға қатысу үлестерін өткізу кезінде құн өсімінен түсетін кірістер, сондай-ақ ҚР СК 17-бабында аталған заңды тұлғалардан алынған дивидендтер 5 пайыз мөлшерлемесі бойынша төлем көзінен салық салынуға жатады.

ҚР СК 682-бабының ережесі Қазақстан Республикасында қызметін тұрақты мекеме арқылы жүзеге асыратын бейрезидентке қолданылмайды.

Төлем көзінен ұсталатын КТС сомасын салық агенті ҚР СК 357-бабы 1-тармағының 2) тармақшасында белгіленген мөлшерлемені төлем көзінен салық салынатын төленетін кіріс сомасына қолдану жолымен айқындайды.

Салық агенті ҚР СК 351-бабының 3-тармағында  көзделген кірістерді қоспағанда, ҚР СК 351-бабының 1 және 2-тармақтарында көрсетілген кірістерді төлеу кезінде, кіріс төлеу нысаны мен орнына қарамастан, төлем көзінен ұсталатын салықты ұстап қалуға міндетті.

Салықтық есептілікті ұсыну

ҚР СК 685-бабында белгіленгендей салық агентi өзінің тұрған жеріндегі салық органына бейрезиденттiң кірісінен төлем көзiнен ұсталатын корпоративтiк табыс салығы және Қазақстан Республикасындағы көздерден кез келген төлем бойынша есеп-қисапты СЕН 101.04 мынадай мерзiмдерде:

1) бірінші, екінші және үшінші тоқсандар үшін – бейрезидентке кірісті төлеу жүргізілген тоқсаннан кейінгі екiншi айдың 15-інен кешiктiрмей;

2) төртінші тоқсан үшін – бейрезидентке кірісті төлеу жүргізілген және (немесе) бейрезиденттің есепке жазылған, бірақ төленбеген кірісі шегерімге жатқызылған, ҚР СК 358-бабының 1-тармағында белгіленген есепті салықтық кезеңнен кейінгі жылдың 31 наурызынан кешіктірмей ұсынуға мiндеттi.

ҚР-да қызметін халықаралық шартқа немесе ҚР СК 226-бабының 2-тармағына сәйкес тұрақты мекеме құруға алып келмейтін құрылымдық бөлімше арқылы жүзеге асыратын бейрезидент корпоративтік табыс салығы бойынша декларацияны ҚР СК 359-бабының 1-тармағында белгіленген мерзімде тұрған жерiндегі салық органына осы ұсынады.

Төлем көзінен КТС аудару тәртібі мен мерзімдері

ҚР СК 684-бабына сәйкес бейрезиденттің кірістерінен ұсталатын, төлем көзінен корпоративтік табыс салығы салық агентінің бюджетке:

1) осы тармақтың 3) тармақшасында көрсетілген жағдайдан басқа, кірістің есепке жазылған және төленген сомалары бойынша – кірісті төлеу жүргізілген ай аяқталғаннан кейін күнтізбелік жиырма бес күннен кешіктірмей, кірісті төлеу күніне белгіленген валютаның ресми бағамы бойынша;

2) кірістің есепке жазылған, бірақ шегерімге жатқызу кезінде төленбеген сомалары бойынша – корпоративтік табыс салығы бойынша декларацияны тапсыру үшін белгіленген мерзімнен кейін күнтізбелік он күннен кешіктірмей, бейрезиденттің кірістері шегерімге жатқызылған корпоративтік табыс салығы бойынша декларацияда, ҚР СК 358-бабының 1-тармағында белгіленген салықтық кезеңнің соңғы күніне белгіленген валютаның ресми бағамы бойынша аударуына жатады.

Осы тармақшаның ережесі өтеу мерзімдері корпоративтік табыс салығы бойынша декларацияны тапсыру үшін белгіленген мерзімнен кейін күнтізбелік он күн өткен соң басталатын борыштық бағалы қағаздар мен депозиттер бойынша сыйақыларға қолданылмайды. Мұндай жағдайда осы баптың 1-тармағы 1) тармақшасының ережелері қолданылады;

3) алдын ала төлем (аванс) төленген жағдайда – төленген алдын ала төлем сомасы шегінде бейрезиденттің кірісі есепке жазылған ай аяқталғаннан кейін күнтізбелік жиырма бес күннен кешіктірмей, кірісті есепке жазу күніне белгіленген валютаның ресми бағамы бойынша.

4) резидент тауарларды берген, қызметтерді көрсеткен және жұмыстарды орындаған жағдайда – бейрезиденттің кірісі есепке жазылған ай аяқталғаннан кейін күнтізбелік жиырма бес күннен кешіктірмей, кірісті есепке жазу күніне белгіленген валютаның ресми бағамы бойынша жүзеге асырылған тауарларды беру, көрсетілген қызмет және орындалған жұмыс бойынша міндеттемелер сомасы шегінде аударуына жатады.

Бейрезиденттің кірісінен төлем көзінен табыс салығының сомасын бюджетке аударуды салық агенті тұрған жерінде жүзеге асырады.

2026 жылғы 1 қаңтарға дейін бейрезидент үшін КТС

Қазақстандық Компания ҚР резиденті емеске кіріс төлеу кезінде бейрезидент үшін КТС төлеуге міндетті. Бұл міндет ҚР Салық кодексінің 645-бабында регламенттелген. Қазақстандық компания бұл жағдайда салық агенті болып табылады.

Бейрезидент үшін КТС төлеу

КТС есептеу және ұстау

Төлем көзінен табыс салығының мөлшерлемелері

Салықтық есептілікті ұсыну

Төлем көзінен КТС аудару тәртібі мен мерзімдері

Бейрезидент үшін КТС төлеу

ҚР СК 645-бабына сәйкес - Қызметі Қазақстан Республикасында тұрақты мекеме құруға алып келмейтін бейрезидент-заңды тұлғаның (бұдан әрі осы тараудың мақсатында – бейрезидент) ҚР-ғы көздерден кірістеріне шегерімдер жүзеге асырылмай, төлем көзінен КТС салынады.

Бұл мынадай жағдайларда, егер:

• бейрезидент қызметін ҚР аумағында жүргізбесе;
  
  
• бейрезиденттің ҚР аумағында тұрақты мекемесі (өкілдігі, филиалы) жоқ болса, жүзеге асырылады.

Бұл ретте төлем көзінен ұсталатын корпоративтік табыс салығының сомасын салық агенті осы баптың 9-тармағында көрсетілген кірістерді қоспағанда, осы Кодекстің 644-бабында көрсетілген кірістер сомасына осы Кодекстің 646-бабында белгіленген мөлшерлемелерді қолдану жолымен есептейді.

ҚР СК 644-бабының 1-тармағы негізінде бейрезиденттің ҚР-ғы көздерден кірістері деп кірістердің мынадай түрлері танылады:

• Қазақстан Республикасының аумағында тауарларды өткізуден түсетін кіріс;
• Қазақстан Республикасының аумағында жұмыстарды орындаудан, қызметтер көрсетуден түсетін кіріс;
• ҚР шегінен тыс жерде басқарушылық, қаржылық, консультациялық, инжинирингтік, маркетингтік, аудиторлық, заң қызметтерін көрсетуден түсетін кіріс;
• ҚР резидент заңды тұлғасынан алынған дивидендтер түріндегі кіріс;
• сыйақылар түріндегі кіріс;
• роялти түріндегі кіріс;
• ҚР аумағындағы мүлікті жалға беруден түскен кіріс;
• халықаралық тасымалдау бойынша қызметтер көрсетуден түсетін кіріс; және т.б.

КТС есептеу және ұстау

Төлем көзінен салық салынатын кірістер бойынша корпоративтік табыс салығын есептеу мен ұстауды салық агенті:

1) есепке жазылған және төленген кірістер бойынша – бейрезидентке кірістерді төлеу күнінен кешіктірмей;

2) шегерімге жатқызылған, есепке жазылған және төленбеген кірістер бойынша – корпоративтік табыс салығы бойынша декларацияны тапсыру үшін осы Кодекстің 315-бабының 1-тармағында белгіленген мерзімнен кешіктірмей (есепті жылдан кейінгі жылдың 31 наурызына дейін) жүргізеді.

Салық агентi төлем көзiнен КТС бейрезидентке кіріс төлеудi жүзеге асырудың нысаны мен орнына қарамастан ұстайды.

Төлем көзінен табыс салығының мөлшерлемелері

1. Егер осы баптың 2 және 5-тармақтарында өзгеше белгіленбесе, бейрезиденттің Қазақстан Республикасындағы көздерден кірістері мынадай мөлшерлемелер бойынша төлем көзінен салық салуға жатады:

1) осы тармақтың 2) – 5) тармақшаларында көрсетілген кірістерді қоспағанда, осы Кодекстің 644-бабында айқындалған кірістер – 20 пайыз;

2) тәуекелдерді сақтандыру шарттары бойынша сақтандыру сыйлықақылары – 15 пайыз;

3) тәуекелдерді қайта сақтандыру шарттары бойынша сақтандыру сыйлықақылары – 5 пайыз;

4) халықаралық тасымал бойынша қызметтер көрсетуден түсетін кірістер – 5 пайыз;

5) құн өсімінен түсетін кірістер, дивидендтер, сыйақылар, роялти – 15 пайыз.

2. Осы Кодекстің 644-бабында айқындалған, уәкілетті орган бекіткен тізбеге енгізілген жеңілдікті салық салынатын мемлекетте тiркелген тұлғаның кірістері 20 пайыз мөлшерлеме бойынша төлем көзінен салық салуға жатады.

Салықтық есептілікті ұсыну

Салық агентi өзiнің тұрған жеріндегі салық органына КТС бойынша есеп-қисапты СЕН 101.04 «Бейрезиденттiң кірісінен төлем көзiнен ұсталатын корпоративтiк табыс салығы бойынша есеп-қисапты» мынадай мерзiмдерде:

1) бірінші, екінші және үшінші тоқсандар үшін – бейрезидентке кірісті төлеу жүргізілген тоқсаннан кейінгі екiншi айдың 15-күнінен кешiктiрмей;

2) төртінші тоқсан үшін – бейрезидентке кірісті төлеу жүргізілген және (немесе) бейрезиденттің есепке жазылған, бірақ төленбеген кірісі шегерімге жатқызылған, осы Кодекстің 314-бабында белгіленген есепті салықтық кезеңнен кейінгі жылдың 31 наурызынан кешіктірмей ұсынуға мiндеттi.

Төлем көзінен КТС аудару тәртібі мен мерзімдері

1. Бейрезиденттің кірістерінен ұсталатын төлем көзінен КТС салық агентінің бюджетке:

1) осы тармақтың 3) тармақшасында көрсетілген жағдайдан басқа кезде, кірістің есепке жазылған және төленген сомалары бойынша – кірісті төлеу жүргізілген ай аяқталғаннан кейін күнтізбелік 25 күннен кешіктірмей, кіріс төленген күннің алдындағы соңғы жұмыс күні айқындалған валюта айырбастаудың нарықтық бағамы бойынша;

2) кірістің есепке жазылған, бірақ шегерімге жатқызу кезінде төленбеген сомалары бойынша – корпоративтік табыс салығы бойынша декларацияны тапсыру үшін белгіленген мерзімнен кейін күнтізбелік 10 күннен кешіктірмей, бейрезиденттің кірістері шегерімге жатқызылған корпоративтік табыс салығы бойынша декларацияда, осы Кодекстің 314-бабында белгіленген салықтық кезеңнің соңғы күнінің алдындағы соңғы жұмыс күні айқындалған валюта айырбастаудың нарықтық бағамы бойынша аударуына жатады.

3) алдын ала төлем төленген жағдайда – төленген алдын ала төлем сомасы шегінде бейрезиденттің кірісі есепке жазылған ай аяқталғаннан кейін күнтізбелік 25 күннен кешіктірмей, кіріс есепке жазылған күннің алдындағы соңғы жұмыс күні айқындалған валюта айырбастаудың нарықтық бағамы бойынша аударуына жатады.

3. Төлем көзінен бейрезиденттің кірісінен табыс салығының сомасын бюджетке аударуды тұрған жері бойынша салық агенті жүзеге асырады.