Ең төменгі бөлшек баға - бұл нарықта бөлшек сатушыға одан төмен сатуға болмайтын баға, яғни ең төменгі бөлшек баға дәл осы бөлшек саудаға қатысты.

Ең төменгі бөлшек сауда бағасын Қазақстан Республикасының заңнамасына сәйкес мемлекет тағайындайды және бақылайды, сондай-ақ осы тауарды дайындаушы немесе импорттаушы тағайындауы мүмкін, яғни өз өніміне өндіруші өзі бекітетін баға.

Белгіленген ең төменгі бөлшек сауда бағасын сақтау міндетті болып табылады.

ҚР Кәсіпкерлік кодексінің 116-бабы негізінде - Осы Кодексте көзделген жағдайларды қоспағанда, тауарларға, жұмыстарға, көрсетілетін қызметтерге бағалар мен тарифтерді кәсіпкерлік субъектілері дербес айқындайды.

Мемлекет кәсіпкерлік субъектілерінің мынадай тауарларына, жұмыстарына, көрсетілетін қызметтеріне:

7) арақтарға және айрықша арақтарға, тауар шығарылған жердің атауы қорғалған арақтарға, күштілігі жоғары ликер-арақ бұйымдарына, коньяк пен брендиге ең төмен бағаларды белгілеуге;

8) фильтрлі, фильтрсіз сигареттерге, папиростарға, сигариллаларға және қыздырылатын темекісі бар бұйымдарға ең төмен бөлшек сауда бағаларын белгілеуге байланысты бағалар мен тарифтерді реттейді;

ҚР Кәсіпкерлік кодексі 119-бабы негізінде - Уақытша шара ретінде Қазақстан Республикасының аумағында белгілі бір мерзімге жекелеген тауар нарықтарында және (немесе) жекелеген нарық субъектілерінің тауарларына (жұмыстарына, көрсетілетін қызметтеріне) монополияға қарсы орган айқындайтын тәртіппен мемлекеттік баға реттеу енгізілуі мүмкін.

Мемлекет акцизделетін тауарларға мынадай акцизделетін тауарларға ең төменгі бөлшек сауда бағаларын белгілейді:

• алкоголь (арақтар және айрықша арақтар, тауар шығарылған жердің атауы қорғалған арақтар, күштілігі жоғары ликер-арақ бұйымдары, коньяк пен бренд); (ҚР Кәсіпкерлік кодексінің 123-бабы)
• темекі бұйымдары (фильтрлі, фильтрсіз сигареттер, папиростар, сигариллалар және қыздырылатын темекісі бар бұйымдар); (ҚР Кәсіпкерлік кодексінің 124-бабы)

Осылайша, ең төменгі бөлшек сауда бағасы - бұл ең төменгі мәнге ие, мемлекет реттейтін және бақылайтын және міндетті сипатқа ие баға.

Егер оның бөлшек сауда объектісі болса, бөлшек саудада сатушы да, көтерме саудада сатушы да ең төменгі бөлшек сауда бағаларын сақтауы тиіс.