Субсидия – бұл мемлекеттік немесе жергілікті бюджет есебінен берілетін төлемдер, сондай-ақ заңды және жеке тұлғаларға, жергілікті билік органдарына, басқа мемлекеттерге арналған арнайы қорлардан төленетін төлемдер.

ХҚЕС (IAS) 20 «Мемлекеттік субсидияларды есепке алу және мемлекеттік көмек туралы ақпаратты ашу» стандартына сәйкес:

3. Мемлекеттік көмек - мемлекеттің белгілі бір ұйымға қандай да бір экономикалық пайда беруге бағытталған іс-қимылы...,

Мемлекеттік субсидиялар - мемлекет ұйымға бұрын немесе болашақта ұйымның операциялық қызметіне байланысты белгілі бір шарттарды сақтауға айырбасқа ресурстар беру нысанында көрсететін көмек. Мемлекеттік субсидияларға құны орынды бағаланбайтын мемлекеттік көмек нысандары, сондай-ақ ұйымдағы әдеттегі коммерциялық операциялардан айырмашылығы жоқ мемлекетпен жасалған мәмілелер жатпайды.

Активтерге жататын субсидиялар - негізгі шарты оларды алу жөніндегі талаптарды қанағаттандыратын ұйым ұзақ мерзімді активтерді сатып алуға, салуға немесе өзгеше түрде сатып алуға тиіс болып табылатын мемлекеттік субсидиялар. Активтердің түрін немесе олардың орналасқан жерін не оларды сатып алу немесе ұстап қалу қажет кезеңдерін шектейтін қосымша шарттар да болуы мүмкін.

Кіріске жататын субсидиялар - активтерге жататындардан ерекшеленетін мемлекеттік субсидиялар.

12. Мемлекеттік субсидияларды ұйым ... осы субсидиялар өтеуге арналған шығындарды шығыстар ретінде танитын кезеңдер ішінде жүйелі негізде пайда немесе залал құрамында таныған жөн.

1. Субсидиялар шығыстар танылатын кезеңдер ішінде және сол пропорцияларда пайда құрамында танылады.

Мемлекеттен қайтарылмайтын субсидияларды көрсету

Жазбалар:

Шығыстарды тану: Дт 7010 Өзіндік құн, Кт 1310, 3310, 3350, А сомасына;

Шығыстарды төлеу: Дт 1310, 3310, 3350, Кт 1030 Ақша А сомасына;

Шығыстарды (шығыстардың бір бөлігін) өтеу: Дт 1030 Ақша, Кт 3387 Қор, Б сомасына;

Кірісті төленген шығыстар (шығыстар бөлігі) мөлшерінде тану:
Дт 3387, Кт 6230 Субсидиядан түскен кіріс, Б сомасына;

ҚР Салық кодексінің 237-бабы 1-тармағының 2) тармақшасына сәйкес: Бұрын жүргізілген шегерімдер бойынша өтемақы түрінде алынған кірістерге шығындарды (шығыстарды) жабуға мемлекеттік бюджет қаражатынан алынған сома жатады

Салық есебі бойынша субсидиялар кіріске қосылады және СЕН 100.00 КТС бойынша декларацияның 100.00.009-жолында көрсетіледі.