Ойын бизнесі - бұл құмар ойындарды және (немесе) бәс тiгуді ұйымдастыруға және өткiзуге байланысты кәсiпкерлiк қызмет. (Ойын бизнесі туралы заңның 1-бабының 11-тармағы)

Ойын бизнесі салығын төлеушілер

Ойын бизнесіне салық салу объектілері

Ойын бизнесі салығын есептеу

Ойын бизнесіне салынатын салық мөлшерлемесі

Салық кезеңі және салықтық есептілік

Ойын бизнесі салығын төлеушілер

ҚР Салық кодексінің 534-бабына сәйкес:

1) казино;
2) ойын автоматтары залы;
3) тотализатор;
4) букмекерлік кеңсе қызметтерін көрсету жөніндегі қызметті жүзеге асыратын заңды тұлғалар ойын бизнесі салығын төлеушілер болып табылады.

Ойын бизнесіне салық салу объектілері

ҚР Салық кодексінің 535-бабы негізінде ойын бизнесі саласындағы қызметті жүзеге асыру кезінде мыналар ойын бизнесіне салық салу объектілері болып табылады:

1) ойын үстелі;
2) ойын автоматы;
3) тотализатордың кассасы;
4) тотализатордың электрондық кассасы;
5) букмекерлік кеңсенің кассасы;
6) букмекерлік кеңсенің электрондық кассасы.

Ойын бизнесі салығын есептеу

Салық кодексінің 538-бабында белгіленгендей, ойын бизнесі салығын есептеу, егер ҚР СК 538-бабының 2-тармағында өзгеше белгіленбесе, әрбір салық салу объектісіне Салық кодексінің 535-бабында айқындалған тиісті салық мөлшерлемесін қолдану арқылы жүргізіледі.

Салық салу объектілерін пайдалануға беру кезінде

• айдың 15-ін қоса алғанға дейін ойын бизнесі салығы белгіленген мөлшерлеме бойынша есептеледі,
• 15-күннен кейін - белгіленген мөлшерлеменің 1/2 мөлшерінде.

Салық салу объектілері істен шыққан кезде

• айдың 15-ін қоса алғанға дейін ойын бизнесі салығы белгіленген мөлшерлеменің 1/2 мөлшерінде есептеледі,
• 15-күнінен кейін - белгіленген мөлшерлеме бойынша.

Ойын бизнесіне салынатын салық мөлшерлемесі

1. Салық салу объектісінің бір бірлігінен ойын бизнесі салығының мөлшерлемесі мыналарды құрайды (ҚР СК 536-бабы):

1) ойын үстелі – айына айлық есептік көрсеткіштің 1 660 еселенген мөлшері;
2) ойын автоматы – айына айлық есептік көрсеткіштің 60 еселенген мөлшері;
3) тотализатордың кассасы – айына айлық есептік көрсеткіштің 300 еселенген мөлшері;
4) тотализатордың электрондық кассасы – айына айлық есептік көрсеткіштің 4 000 еселенген мөлшері;
5) букмекерлік кеңсенің кассасы – айына айлық есептік көрсеткіштің 300 еселенген мөлшері;
6) букмекерлік кеңсенің электрондық кассасы – айына айлық есептік көрсеткіштің 3 000 еселенген мөлшері.

ҚР СК 536-бабының 1-тармағында белгіленген салық мөлшерлемелері республикалық бюджет туралы заңда белгіленген және салық кезеңінің 1-күніне қолданыста болған айлық есептік көрсеткіш мөлшері негізге алына отырып айқындалады.

Салық кезеңі және салық есептілігі

Ойын бизнесі салығы үшін күнтізбелік тоқсан салық кезеңі болып табылады.

СЕН 710.00 - «Ойын бизнесі салығы және тіркелген салық бойынша декларация».

Декларация ойын бизнесі салығын, сондай-ақ қосылған құн салығы бойынша есептеуге арналған.

Декларация декларацияның өзінен (710.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшадан (710.01-нысан) тұрады.

710.00 нысанының декларациясын ҚР СК 534-бабына сәйкес ойын бизнесі саласындағы қызметті жүзеге асыратын, сондай-ақ олар бойынша Салық кодексінің 82 және 83-баптарына сәйкес қосылған құн салығы бойынша тіркеу есебіне қою жүргізілген заңды тұлғалар жасайды.

Салық кодексінің 541-бабы негізінде ойын бизнесі салығы бойынша декларация СЕН 710.00 есепті тоқсаннан кейінгі екінші айдың 15-інен кешіктірмей жекелеген қызмет түрлерін жүзеге асыратын салық төлеуші ретінде тіркеу есебінің орны бойынша салық органына тапсырылады.

• 1-тоқсан - 15 мамырдан кешіктірмей,
• 2-тоқсан - 15 тамыздан кешіктірмей,
• 3-тоқсан - 15 қарашадан кешіктірмей,
• 4-тоқсан - 15 ақпаннан кешіктірмей.

Ойын бизнесіне салық есепті салық кезеңінен кейінгі екінші айдың 25-інен кешіктірілмей салық салу объектілерінің тіркелген жері бойынша бюджетке төленуге тиіс. (Салық кодексінің 542-бабы)

ҚР ҚМ 2018 жылғы 19 наурыздағы № 388 бұйрығымен бекітілмегендіктен ойын бизнесі салығы бойынша салық тіркелімінің нысаны дербес әзірленеді.

«Ойын бизнесі салығы және тіркелген салық бойынша декларация (710.00-нысан)» салық есептілігін жасау қағидалары