Гуманитарлық көмек – халықтың өмірі мен тұрмыс жағдайларын жақсарту, сондай-ақ соғыс, экологиялық, табиғи және техногендік сипаттағы төтенше жағдайлардың алдын алу және оларды жою үшін шет елдерден және халықаралық ұйымдардан жіберілген азық-түлік, халық тұтынатын тауарлар, техника, құрал-жарақтар, жабдықтар, дәрілік заттар мен медициналық бұйымдар, өзге де мүлік түрінде Қазақстан Республикасына өтеусіз берілетін, Қазақстан Республикасының Үкіметі уәкілетті ұйымдар арқылы бөлетін мүлік. (ҚР Салық кодексі 1-бабы 14-тармағының 1-тармақшасы)

Гуманитарлық көмек көрсету

Гуманитарлық көмек көрсету туралы сұрау салуды жіберу тәртібі

Гуманитарлық көмекті әкелу кезінде қандай құжаттар ұсынылады

Гуманитарлық көмекті қабылдау және бөлу тәртібі

Гуманитарлық көмекке салық салу

Гуманитарлық көмек көрсету

Гуманитарлық көмек көрсету қағидаларына сәйкес - Гуманитарлық көмек ақшалай немесе тауарлық нысанда көрсетіледі.

Тауар нысанындағы гуманитарлық көмекке ауыр дене жарақатын келтіруі немесе өлімге әкелуі мүмкін қару-жарақ пен әскери техника кірмейді.

Қазақстан Республикасына көрсетілген гуманитарлық көмекті өткізуге (сатуға, сыйға тартуға, айырбастауға) жол берілмейді.

Гуманитарлық көмек қауіпсіздік талаптарына, оның ішінде Қазақстан Республикасының заңнамасында белгіленген карантиндік фитосанитариялық талаптарға сәйкес келуге тиіс.

Гуманитарлық көмек көрсету туралы сұрау салуды жіберу тәртібі

Қазақстан Республикасына гуманитарлық көмек шет елдерден және халықаралық ұйымдардан бастама тәртібімен көрсетілуі мүмкін.

Өтініште гуманитарлық көмектің сипаты, сипаттамасы, оған қойылатын талаптар, Қазақстан Республикасына көрсетілетін гуманитарлық көмек берілетін немесе она тұрған алушының жері көрсетіледі.

Гуманитарлық көмекті әкелу кезінде қандай құжаттар ұсынылады

Тауарларды Қазақстан Республикасына шет елдерден және халықаралық ұйымдардан жіберілген гуманитарлық көмек түрінде әкелу кезінде мынадай құжаттар:

1) инвойс;

2) тауардың әрбір позициясына нетто және брутто салмағы көрсетілген қаптама қағазы;

3) тауарды медициналық немесе өзге де қолдану жөніндегі нұсқаулық;

4) сынақтар, сәйкестікті растау, сараптама нысандарындағы және (немесе) тауардың сапасы мен қауіпсіздігін растайтын өзге де нысандағы сәйкестікті бағалау туралы құжат ұсынылады.

Қазақстан Республикасына гуманитарлық көмек түрінде жіберілетін тауарлар Қазақстан Республикасындағы алушыға іс жүзінде берілген кезге дейін шет елдердің және халықаралық ұйымдардың меншігі болып табылады.

Шет елдерден және халықаралық ұйымдардан дәрілік заттар мен медициналық бұйымдар түріндегі гуманитарлық көмекті алу үшін денсаулық сақтау саласындағы уәкілетті органның ұсынылатын гуманитарлық көмектің қажеттілігіне, атаулары мен саны бөлігінде келісуін алу қажет.

Халықтың өміріне және (немесе) денсаулығына қауіп төндіретін инфекциялық аурулардың пайда болу және таралу қатерін болғызбау мақсатында дәрілік заттар мен медициналық бұйымдар түріндегі гуманитарлық көмекті қабылдауды, сақтауды, жеткізуді және бөлуді денсаулық сақтау саласындағы уәкілетті орган айқындайтын уәкілетті ұйым жүзеге асырады.

Гуманитарлық көмекті қабылдау және бөлу тәртібі

Шет елдерден және халықаралық ұйымдардан Қазақстан Республикасына гуманитарлық көмек көрсетуді немесе Қазақстан Республикасына гуманитарлық көмек көрсету туралы бастамашылық өтінішті қараған және оған әзір болған жағдайда сыртқы саяси қызмет саласындағы уәкілетті орган үш жұмыс күнінен аспайтын мерзімде тиісті саланың орталық мемлекеттік органына Қазақстан Республикасына көрсетілетін гуманитарлық көмекті қабылдау және бөлу жөнінде ұсыныстар әзірлеу үшін ақпарат жібереді.

Осы Қағидалардың 30-тармағында көрсетілген жағдайларды қоспағанда, тиісті орталық мемлекеттік орган Комиссия ұсынымдарының негізінде заңнамада белгіленген тәртіппен Қазақстан Республикасы Үкіметінің уәкілетті ұйымның Қазақстан Республикасына гуманитарлық көмекті қабылдауы және бөлуі туралы шешімінің жобасын әзірлейді және Қазақстан Республикасының Үкіметіне енгізеді.

Гуманитарлық көмекті бөлу қатаң түрде нысаналы мақсаты бойынша жүзеге асырылады.

Гуманитарлық көмекке салық салу

ҚР Салық кодексінің 288-бабы 2-тармағының 6-тармақшасына сәйкес салық төлеушінің салық салынатын табысты төмендегідей азайтуға құқығы бар:

• табиғи және техногендік сипаттағы төтенше жағдайлар туындаған жағдайда гуманитарлық көмек түрінде алынған және мақсаты бойынша пайдаланылған мүліктің құны;

Сондай-ақ ҚР Салық кодексінің 341-бабы 1-тармағының 45-тармақшасында көрсетілгендей салық салынуға жататын жеке тұлғаның табыстарынан табыстың мынадай түрлері (бұдан әрі - табысты түзету) алып тасталады:

• гуманитарлық көмек түрінде алынған мүліктің құны;

399-баптың 1-тармағының негізінде:

• Қазақстан Республикасының Үкіметі айқындаған тәртіппен гуманитарлық көмек ретінде әкелінетін акцизделетін тауарларды қоспағанда, тауарлар импорт қосылған құн салығынан босатылады.

ДК кірісі ретінде сондай-ақ ол:

• гуманитарлық көмек түрінде алынған мүліктің құны түрінде алған кірістер қаралмайды; (Салық кодексі 690-бабы 4-тармағының 5-тармақшасы)

Заңды тұлғаның салық салынатын табысты табыстың мынадай түрлеріне азайтуға құқығы бар:

• табиғи және техногендік сипаттағы төтенше жағдайлар туындаған жағдайда гуманитарлық көмек түрінде алынған және мақсаты бойынша пайдаланылған мүліктің құны; (Салық кодексінің 694-бабының 2-тармағы).