Шетелдік жұмыс күші - маусымдық шетелдік жұмыскерлерді қоса алғанда, жұмыс берушілер еңбек қызметін жүзеге асыру үшін, оның ішінде корпоративішілік ауыстыру шеңберінде тартатын шетелдік жұмыскерлер (Жұмыс берушілерге шетелдік жұмыс күшін тартуға рұқсат беру және ұзарту, сондай-ақ корпоративішілік ауыстыруды жүзеге асыру қағидалары мен шарттарын 2-тармағының 8-тармақшасы)

Рұқсаттар беру үшін жұмыскерлердің санаттары

Рұқсаттарды беру шарттары

Рұқсаттарды беру мерзімдері

Қандай жағдайларда рұқсат берілмейді

Рұқсаттың қолданылуын тоқтату

Рұқсат беру бойынша мемлекеттік қызметті алу

Рұқсаттар беру үшін қызметкерлердің санаттары

Қағидалардың 5-тармағына сәйкес рұқсаттарды беру және (немесе) ұзарту тәртібі мен шарттарын айқындау мақсатында жұмыскерлердің мынадай санаттары белгіленеді:

1) бірінші санат - басшылар мен олардың орынбасарлары;

2) екінші санат - кәсіптік стандарттарда, басшылар, мамандар және басқа да қызметшілер лауазымдарының біліктілік анықтамалығында, ұйымдардың басшылары, мамандары және басқа да қызметшілері лауазымдарының үлгілік біліктілік сипаттамаларында белгіленген біліктілік талаптарына сәйкес келетін құрылымдық бөлімшелердің басшылары;

3) үшінші санат - кәсіптік стандарттарда, басшылар, мамандар және басқа да қызметшілер лауазымдарының біліктілік анықтамалығында, ұйымдар басшылары, мамандары және басқа да қызметшілері лауазымдарының үлгілік біліктілік сипаттамаларында белгіленген біліктілік талаптарына сәйкес келетін мамандар;

4) төртінші санат - кәсіптік стандарттарда, Жұмысшылардың жұмыстары мен кәсіптерінің Бірыңғай тарифтік-біліктілік анықтамалығында, жұмысшылар кәсіптерінің тарифтік-біліктілік сипаттамаларында белгіленген біліктілік талаптарына сәйкес келетін білікті жұмысшылар.

Рұқсат беру не рұқсат беруден бас тарту туралы шешімді жергілікті атқарушы орган жұмыс берушінің құжаттарын қабылдаған күннен бастап жеті жұмыс күні ішінде қабылдайды.

Рұқсаттарды беру шарттары

Шетелдік жұмыс күшін тартуға арналған рұқсат - Қазақстан Республикасына шетелдік жұмыс күшін тарту үшін жұмыс берушіге жергілікті атқарушы орган беретін белгіленген нысандағы құжат.

Жергілікті атқарушы органның Қағидалардың 19-тармағында көрсетілгендей рұқсаттарды беруі және (немесе) ұзартуы мынадай шарттар сақталған кезде жүзеге асырылады:

1) бірінші және екінші санаттарға жататын жұмыскерлердің тізімдік санының кемінде 70%-ы Қазақстан Республикасы азаматтарының саны;

2) үшінші және төртінші санаттарға жататын жұмыскерлердің тізімдік санының кемінде 90% Қазақстан Республикасы азаматтарының саны.

Кадрлардағы жергілікті қамтуды есептеу кезінде шетелдік жұмыскерлер қатарында 2014 жылғы 14 қазандағы Қазақстан Республикасының Заңымен ратификацияланған Еуразиялық экономикалық одақ туралы шартқа қатысушы мемлекеттердің азаматтары есепке алынбайды.

Рұқсаттарды беру мерзімдері

Қағидалардың 25-тармағына сәйкес шетелдік жұмыс күшін тартуға рұқсат:

1) бірінші санат үшін - жұмыс берушінің рұқсаттың мерзімін бір, екі немесе үш жылға ұзарту құқығымен бір, екі немесе үш жылға өтініші негізінде;

2) екінші және үшінші санаттар үшін - он екі айға, он екі ай мерзімге ұзартыла отырып, бірақ үш реттен аспайтын мерзімге;

3) төртінші санат үшін - ұзарту құқығынсыз он екі айға;

4) маусымдық шетелдік жұмыскерлер үшін - ұзарту құқығынсыз күнтізбелік тоқсан, жүз сексен, екі жүз жетпіс, үш жүз алпыс бес күнге дейінгі мерзімге беріледі.

Қандай жағдайларда рұқсат берілмейді

Шетелдік жұмыс күшін тартуға рұқсат мынадай жағдайларда берілмейді:

1) бөлінген квота мөлшері асып кеткен;

2) жұмыс беруші осы Қағидалардың 16-тармағында белгіленген шарттарды сақтамаған;

3) төртінші санат бойынша шетелдік жұмыс күшін алмастыру жөніндегі міндеттемелерді орындамаған;

4) жұмыс берушінің шетелдік жұмыскерлерді рұқсатсыз тарту, сондай-ақ шетелдік жұмыскерді рұқсатта көрсетілген кәсіпке немесе мамандыққа сәйкес келмейтін кәсіп немесе мамандық бойынша тарту фактісі анықталған кезде жүзеге асырылады. Мұндай жағдайларда мұндай факті анықталған күннен бастап он екі ай ішінде жаңа рұқсаттар берілмейді;

5) шетелдік жұмыс күшінің білім деңгейі (кәсіби даярлығы) және практикалық жұмыс тәжірибесі (еңбек өтілі) кәсіптік стандарттарға, Жұмыстар мен жұмысшы кәсіптерінің бірыңғай тарифтік-біліктілік анықтамалығына және басшылар, мамандар және басқа да қызметшілер лауазымдарының біліктілік анықтамалығына, ұйымдар басшылары, мамандары және басқа да қызметшілері лауазымдарының, үлгілік біліктілік сипаттамаларына сәйкес жұмысшы кәсіптеріне және басшылар, мамандар және қызметшілер лауазымдарына қойылатын біліктілік талаптарына сәйкес келмеген жағдайда.

Рұқсаттың қолданылуын тоқтату

Қағидалардың 41-тармағы негізінде шетелдік жұмыс күшін тартуға рұқсат мынадай жағдайларда өзінің қолданылуын тоқтатады:

1) ол берілген мерзім өткеннен кейін;

2) рұқсатты қайтарып алу;

3) жеке тұлға-жұмыс берушінің қызметі тоқтатылған, заңды тұлға – жұмыс беруші таратылған;

4) жұмыс берушінің рұқсатты жергілікті атқарушы органға ерікті түрде қайтаруы;

5) рұқсатты бергені және ұзартқаны үшін алым төленгенін растайтын құжаттардың көшірмелері енгізілмеген жағдайда;

6) басқа шетелдік қызметкерге рұқсатты қайта ресімдеу.

Рұқсат беру бойынша мемлекеттік қызметті алу

Жұмыс беруші не ол уәкілеттік берген тұлға «Жұмыс берушілерге шетелдік жұмыс күшін тартуға рұқсат беру немесе ұзарту» мемлекеттік көрсетілетін қызметті алу үшін www.egov.kz, www.elicense «электрондық үкімет» веб-порталы (бұдан әрі - ЭҮП) арқылы шетелдік жұмыс күшін еңбек қызметін жүзеге асыру орны бойынша жергілікті атқарушы органға осы Қағидаларға 1-қосымшаға сәйкес өтінішті осы осы Қағидаларға 2-қосымшаға сәйкес «Жұмыс берушілерге шетелдік жұмыс күшін тартуға рұқсат беру немесе ұзарту» мемлекеттік қызмет көрсетуге қойылатын негізгі талаптар тізбесінде (бұдан әрі - мемлекеттік қызметті көрсету талаптарының тізбесі) көрсетілген құжаттарды қоса бере отырып ұсынады.