Шығу көзi - зерттелетiн объектiнiң дайындалған, жиынтықталған, сақталған, пайдаланылған немесе орналасқан жерi (жер учаскесi, кәсiпорын, цех, қойма үй-жайы, құрал-саймандар жиынтығы және т.б.). Зерттелетін объектідегі іздерде байқалған процестердің, шығу көзі әсерінің белгілері бойынша анықталады.

Салыстырылатын объектілердің бір (бірыңғай) көзден шығуын анықтау сәйкестендіру зерттеуінің аралық кезеңі болуы мүмкін және топтық тиесілігін анықтау жағдайларына жатады.

Қазақстан Республикасы Премьер-Министрінің бірінші орынбасары - Қазақстан Республикасы Қаржы министрінің 2019 жылғы 22 сәуірдегі № 370 бұйрығымен бекітілген Электрондық шот-фактуралардың ақпараттық жүйесінде шот-фактураны электрондық нысанда жазып беру қағидаларының (бұдан әрі - Қағидалар) 56-тармағына сәйкес «Тауардың, жұмыстардың, көрсетілетін қызметтердің шығу белгісі» деген 2-бағанда тауардың, жұмыстардың, көрсетілетін қызметтердің шығу тегінің мынадай белгілері көрсетіледі: (бұдан әрі - Белгі):

«1» – тізбеге енгізілген тауар, сондай-ақ ЕАЭО СЭҚ ТН коды және атауы Қазақстан Республикасының аумағына ЕАЭО-ға мүше мемлекеттердің аумағынан әкелінген тізбеге енгізілген тауар өткізілген жағдайда;

«2» – тізбеге енгізілмеген тауар, сондай-ақ ЕАЭО СЭҚ ТН коды және атауы Қазақстан Республикасының аумағына ЕАЭО-ға мүше мемлекеттерден әкелінген тізбеге енгізілмеген тауар өткізілген жағдайда;

«3» – ЕАЭО СЭҚ ТН коды және атауы Қазақстан Республикасының аумағында өндірілген тізбеге енгізілген тауар өткізілген жағдайда;

«4» - ЕАЭО СЭҚ ТН коды және атауы Қазақстан Республикасының аумағында өндірілген тізбеге енгізілмеген тауар өткізілген жағдайда;

«5» - «1», «2», «3», «4» белгілеріне жатпайтын тауарды өткізген жағдайда, сондай-ақ ғимаратты, құрылысты немесе жер учаскесін өткізген кезде;

«6» - жұмыстар орындалған, қызметтер көрсетілген жағдайда.

Тауарлардың шығу көздері бойынша мәліметтер болмаған жағдайда, «5» шығу белгісін көрсету мүмкіндігі бар.

Егер тауар «1», «2», «3», «4» Белгілерінің ешқайсысына жатпайтын болса, «5» белгісі ЭШФ-да көрсетіледі.

Шығу тегі «5» белгісі бар тауарлар бойынша ЭШФ жазып беру қағидаларының негізінде шығу тегі көздері көрсетілмейді.