Есепке алу-бақылау маркасы (ЕБМ) - бұл алкоголь өнiмiн (шарап материалы мен сыраны қоспағанда) есепке алу және оның айналымын бақылауды жүзеге асыру мақсатында сәйкестендiруге арналған қажеттi қорғау дәрежелерi бар арнайы бiр жолғы жапсырма.

Қазақстан Республикасы Премьер-Министрінің орынбасары - Қаржы министрінің 2022 жылғы 14 сәуірдегі № 410 бұйрығымен «Есепке алу-бақылау маркаларын алу, есепке алу, сақтау, беру және өндірушілердің және (немесе) импорттаушылардың Қазақстан Республикасына алкоголь өнiмiн импорттау және (немесе) өндіру кезiнде есепке алу-бақылау маркаларын нысаналы пайдалану туралы мiндеттемесiн, есебiн ұсыну қағидаларын бекіту туралы» Қазақстан Республикасы Қаржы министрінің 2018 жылғы 8 ақпандағы № 144 бұйрығына өзгерістер енгізілді.

Қағидалардың «Алкоголь өніміне (шарап материалын, сыра және сыра сусындарын қоспағанда) есепке алу-бақылау таңбаларын беру» мемлекеттік қызмет көрсету тәртібі 2-тарауына сәйкес

7. ЕБМ көрсетілетін қызметті алушылар «Қазақстан Республикасы Ұлттық Банкінің Банкнот фабрикасы» республикалық мемлекеттік кәсіпорнының есепке алу-бақылау маркаларын және басқа да баспа өнімдерін бақылау, есепке алу және беру» ақпараттық жүйесі (бұдан әрі - ақпараттық жүйе) арқылы көрсетілетін қызметті берушіге және мемлекеттік кірістер органына Қазақстан Республикасының аумағына өндірілетін немесе импортталатын алкоголь өніміне ЕБМ дайындауға өтінімдерді (бұдан әрі - ЕБМ өтінімдері) осы Қағидаларға 3 және 4-қосымшаларға сәйкес нысандар бойынша жаңа күнтізбелік жыл басталғанға дейін күнтізбелік 30 (отыз) күннен кешіктірмей ұсынады.

8. Алкоголь өнімін өндіру және (немесе) импорттау бойынша жаңадан құрылған немесе қызметін бастаған ЕБМ көрсетілетін қызметті алушылар ақпараттық жүйе арқылы көрсетілетін қызметті берушіге және мемлекеттік кірістер органына ЕБМ алу жүзеге асырылатын айдың 1-күніне дейін күнтізбелік 5 (бес) күннен кешіктірмейтін мерзімде осы Қағидаларға 3 және 4-қосымшаларға сәйкес ЕБМ өтінімдерін ұсынады.

9. ЕБМ көрсетілетін қызметті алушылары ЕБМ саны өзгерген кезде ЕБМ-ға қосымша өтінім жасау жолымен ЕБМ-ға бұрын ұсынылған өтінімдерге осы Қағидаларға 3 және 4-қосымшаларға сәйкес ЕБМ алу жүзеге асырылатын айдың 1-күніне дейін күнтізбелік 5 (бес) күннен кешіктірмей өзгерістер мен толықтырулар енгізеді.

ЕБМ саны өзгерген кезде қосымша өтінімде мәнін ұлғайту немесе азайту қажеттігіне байланысты оң немесе теріс мәні бар өзгерістер көрсетіледі.

10. Алкоголь өнімін импорттайтын ЕБМ көрсетілетін қызметті алушылардан импорттық өтінімді қабылдау, оның негізінде акцизделетін тауарларды әкелу жүзеге асырылатын сыртқы сауда шартының (келісімшарттың) көшірмелері ұсынылған кезде жүргізіледі.

11. Көрсетілетін қызметті алушылар ұсынған ЕБМ-ға өтінімдер келесі күнтізбелік жылға көшірілмейді.

12. Мемлекеттік кірістер органы ЕБМ-ға ұсынылған өтінімдерді ақпараттық жүйе арқылы келіседі немесе ЕБМ-ға өтінімдер келіп түскен күннен бастап 2 (екі) жұмыс күні ішінде оларды келісуден бас тартады.

Осы Қағидалардың 7, 8, 9 және 10-тармақтарында көрсетілген талаптар сақталмаған кезде мемлекеттік кірістер органы ЕБМ-ға ұсынылған өтінімдерді келісуден бас тартады.

13. Мыналарға:

·        бір көрсетілетін қызметті алушы алған ЕБМ-ны басқа көрсетілетін қызметті алушыға беруге;

·        алкоголь өнімдерін таңбалау үшін көрсетілетін қызметті алушының бір сыртқы сауда шартын (келісімшартты) орындауы кезінде алынған ЕБМ, көрсетілетін қызметті алушының басқа сыртқы сауда шартын (келісімшартты) орындауы үшін пайдалануға жол берілмейді.

24. Көрсетілетін қызметті алушыларға алкоголь өніміне ЕБМ беру кезінде көрсетілетін қызметті беруші ақпараттық жүйе арқылы электрондық түрде жүкқұжат ресімдейді.

Жүкқұжатта мынадай деректер көрсетіледі:

·        жүкқұжаттың нөмірі мен ресімделген күні;

·        ЕБМ берілген күні;

·        ЕБМ алуға өтініштің нөмірі мен берілген күні;

·        көрсетілетін қызметті алушының тегі, аты, әкесінің аты (ол болған кезде) немесе атауы, жеке сәйкестендіру нөмірі немесе бизнес-сәйкестендіру нөмірі (бұдан әрі – ЖСН немесе БСН);

·        алкоголь өнімінің атауы, түрі және сыйымдылығы;

·        ЕБМ сериялары, нөмірлер диапазондары және саны.

25. Көрсетілетін қызметті алушыларға ЕБМ беру ЕБМ алуға арналған өтініште көрсетілген санға сәйкес жүргізіледі.

Қағидалардың 33-тармағына сәйкес - көрсетілетін қызметті алушының ЕБМ есепке алуы «Бухгалтерлік есеп және қаржылық есептілік туралы» Қазақстан Республикасы Заңының 7-бабына сәйкес жүзеге асырылады.

34. Алкоголь өнімін өндіру және/немесе импорттау барысында пайдаланылмаған және (немесе) бүлінген (зақымданған) ЕБМ көрсетілетін қызметті алушылар мемлекеттік кірістер органына тоқсан сайын есепті тоқсаннан кейінгі айдың 10-ы күнінен кешіктірмей қайтарады. Бұл ретте ЕБМ үшін төленген ақша қаражаты қайтарылмайды.

 38. ЕБМ қайтару кезінде осы Қағидаларға 11-қосымшаға сәйкес нысан бойынша ЕБМ қабылдап алу-беру актісі (бұдан әрі – қабылдап алу-беру актісі) екі данада жасалады және жыл сайын 10 қаңтардан кешіктірмей кемінде үш қызметкерден тұратын мемлекеттік кірістер органы басшысының бұйрығымен құрылған комиссия (бұдан әрі – комиссия) қол қояды. Қабылдап алу-беру актісінің бір данасы көрсетілетін қызметті алушыға беріледі.

39. ЕБМ жоюды комиссия, көрсетілетін қызметті алушының қатысуымен, тоқсан сайын есепті тоқсаннан кейінгі айдың 20-сы күнінен кешіктірмей жүргізеді.

40. ЕБМ іс жүзінде жою туралы екі данада осы Қағидаларға 12-қосымшаға сәйкес нысан бойынша ЕБМ есептен шығару және жою туралы актісі (бұдан әрі – жою актісі) жасалады. Жою актісінің бір данасы көрсетілетін қызметті алушыға беріледі.

Жою актісінің әрбір данасына комиссия мүшелері және көрсетілетін қызметті алушы қол қояды және мемлекеттік кірістер органының мөрімен куәландырылады.

ЕБМ жою фактісі ақпараттық жүйелерде тіркеледі.

41. Көрсетілетін қызметті алушы ақпараттық жүйе арқылы ай сайын есепті кезеңнен кейінгі айдың 10-ы күнінен кешіктірмей мемлекеттік кірістер органына осы Қағидаларға 13-қосымшаға сәйкес нысан бойынша алынған ЕБМ пайдалану туралы есепті табыс етеді.