СЕН 911.00 - «Патент құнының есеп-қисабы» (911.00-нысан).

2026 жылғы 1 қаңтардан бастап 911.00-нысан

2026 жылғы 1 қаңтарға дейінгі 911.00-нысан

2026 жылғы 1 қаңтардан бастап 911.00-нысан

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

Салық реформасы шеңберінде арнаулы салық режимдерін айтарлықтай оңтайландыру жүргізілді.

2026 жылғы 1 қаңтардан бастап жаңа Салық кодексінде үш арнаулы салық режимін қолдану көзделген:

• Өзін-өзі жұмыспен қамтығандар үшін арнаулы салық режимі;

• Оңайлатылған декларация негізіндегі арнаулы салық режимі;

• Шаруа немесе фермер қожалықтары үшін арнаулы салық режимі.

Мынадай арнаулы салық режимдерінің күші жойылды:

• бөлшек салықтың АСР;
• патент негізінде АСР;
• мобильді қосымша пайдаланылатын АСР;
• тіркелген шегерім пайдаланылатын АСР;

Осылайша, 2026 жылғы 1 қаңтардан бастап СЕН 911.00 - «Патент құнының есеп-қисабы» жойылды, өйткені мұндай салық режимі жоқ

2026 жылғы 1 қаңтарға дейінгі 911.00-нысан

СЕН 911.00 - «Патент құнының есеп-қисабы (911.00-нысан)».

Есеп-қисап (911.00-нысан)

Патентті қолдану шарттары

Салықтық кезең

Патент мерзімі

Есеп-қисап (911.00-нысан)

Есеп-қисап (911.00-нысан) патент құнын есептеуге арналған.

Патент құнына жеке табыс салығы (төлем көзінен ұсталатын жеке табыс салығынан басқа) және әлеуметтік төлемдер кіреді.

Есеп-қисапты патент негізінде арнаулы салық режимін қолданатын дара кәсіпкерлер жасайды.

Есеп-қисап есеп-қисаптың өзінен (911.00-нысан) және патент негізінде арнаулы салық режимін қолдану үшін қажетті ақпаратты көрсетуге арналған оған қосымшадан (911.01-нысан) тұрады.

911.01-нысандағы қосымша патент құнын есептеу үшін қажетті ақпаратты көрсетуге арналған және оны дара кәсіпкер міндетті түрде толтыруға тиіс. Есеп-қисапты патент негізінде арнаулы салық режимін қолданатын дара кәсіпкерлер жасайды (ҚР СК 685-бабы).

Патентті қолдану шарттары

ҚР СК 683-бабының 2-тармағына сәйкес патентті қолдану үшін салықтық кезеңдегі кіріс 3 528 АЕК-тен аспауы тиіс.

СК 683-бабының 3-тармағы негізінде агенттік шарттар (келісімдер) негізінде қызмет көрсететін ДК патент негізінде АСР қолдануға құқығы жоқ.

Агенттiк шарттар (келiсiмдер) деп бiр тарап (агент) екiншi тараптың тапсырмасы бойынша өз атынан, бiрақ екiншi тараптың есебiнен не екiншi тараптың атынан және есебiнен белгiлi бiр iс-әрекеттер жасауға мiндеттенетiн ҚР заңнамасына сәйкес жасалған АҚС шарттары (келiсiмдерi) түсiнiледi.

Патент негізінде арнаулы салық режимін қолдану үшін орналасқан жері бойынша салық органына 911.00-нысандағы патент құнының есеп-қисабын (бұдан әрі осы тараудың мақсатында – есеп-қисап) ұсынылады.

Есеп-қисапты қағаз жеткізгіште немесе электрондық нысанда, оның ішінде "электрондық үкімет" веб-порталы арқылы (ҚР СК 685-бабының 2-тармағы):

1) жаңадан құрылған дара кәсіпкерлер – Қазақстан Республикасының рұқсаттар және хабарламалар туралы заңнамасында айқындалған тәртіппен дара кәсіпкер ретінде тіркеу есебіне қою үшін хабарлама берілген күннен бастап үш жұмыс күнінен кешіктірмей;

2) жалпыға бірдей белгіленген тәртіптен немесе өзге де арнаулы салық режимінен ауысуды жүзеге асыратын дара кәсіпкерлер – патент негізінде арнаулы салық режимі қолданылатын айдың 1-күніне дейін;

3) кезекті патентті алу үшін патент негізіндегі арнаулы салық режимін қолданатын дара кәсіпкерлер – алдыңғы патенттің қолданылу мерзімі немесе салықтық есептілікті табыс етуді тоқтата тұру мерзімі өткенге дейін ұсынады.

Есеп-қисап патент құнын есептеу үшін салық есептілігі болып табылады.

Патенттің құны осы Кодекстің 686-бабына сәйкес есептеледі.

Салықтық кезең

Патент негізінде арнаулы салық режимін, тіркелген шегерімді пайдалана отырып арнаулы салық режимін немесе арнаулы мобильді қосымша пайдаланылатын арнаулы салық режимін қолдану үшін күнтізбелік жыл салықтық кезең болып табылады.

Патент мерзімі

Егер ҚР СК 685-бабының 5-тармағында өзгеше көзделмесе, патент негізіндегі арнаулы салық режимі бір салықтық кезеңі шегінде кемінде бір ай қолданылады.

Патент мерзімі 1 айдан 12 айға дейін болуы мүмкін. Патентті ең болмағанда ай сайын ұзартуға болады, патентті бір жылға алу міндетті емес.

Патент негізіндегі арнаулы салық режимін:
1) ағымдағы салықтық кезеңнің соңғы айында жаңадан тіркелген;

2) ағымдағы салықтық кезеңнің соңғы айында салықтық есептілікті табыс етудің тоқтатыла тұру мерзімі аяқталғанға дейін немесе аяқталғаннан кейін қызметін қайта бастаған дара кәсіпкерлер бір айдан кем мерзім ішінде қолданады.

Патент негізіндегі арнаулы салық режимін қолданатын дара кәсіпкерлер салықтық есептілікті ұсынуды тоқтата тұру үшін осы Кодекстің 214-бабында айқындалған тәртіппен салықтық өтінішті тұрған жеріндегі салық органына ұсынады.

«Патент құнының есеп-қисабы (911.00-нысан)» салық есептілігін жасау қағидалары