Өкілдік шығыстар – бұл өзара ынтымақтастықты орнату және қолдау мақсатында делегацияларды қабылдау және оларға қызмет көрсету, конференциялар, кеңестер, салтанатты және ресми іс-шаралар өткізу үшін пайдаланылатын компанияның шығыстары.

Өкілдік шығыстарға не жатады

Өкілдік шығыстарға не жатпайды

Өкілдік шығыстарды құжаттамалық ресімдеу

Өкілдік шығыстарды ресімдеу үшін қажетті құжаттардың үлгілері

Өкілдік шығыстарға не жатады

Салық кодексінің 245-бабына сәйкес өкілдік шығыстарға мынадай:
1) өзара ынтымақтастықты орнату немесе қолдап отыру бойынша;
2) салық төлеушінің директорлар кеңесінің, атқарушы органдарынан басқа, өзге басқару органының отырыстарын ұйымдастыру және (немесе) өткізу бойынша өкілдік іс-шараларын өткізу кезінде, олардың өткізілу орнына қарамай жүргізілетін, адамдарды, оның ішінде салық төлеушінің штатында тұрмайтын жеке тұлғаларды қабылдау және оларға қызмет көрсету жөніндегі шығыстар жатады.

Өкілдік шығыстарға, оның ішінде:
1) Салық кодексінің 244-бабы 1-тармағының 1) тармақшасына сәйкес қызметтік іссапарлар кезіндегі өтемақыларға жатқызылатын шығыстарды қоспағанда, өкілдік іс-шараларға қатысушы адамдарды көлікпен қамтамасыз етуге;
2) өкілдік іс-шараларды өткізу барысында мұндай адамдарды тамақтандыруға;
3) ұйымның штатында тұрмайтын аудармашылардың көрсетілетін қызметтеріне ақы төлеуге;
4) өкілдік іс-шараларды өткізу үшін үй-жайларды жалдауға және (немесе) безендіруге арналған шығыстар да жатады.

Өкілдік шығыстарға не жатпайды

Шақырылған адамдардың тұруына, мұндай адамдар үшін визалар ресімдеуге, бос уақытын, ойын-сауықты, демалысты ұйымдастыруға арналған шығыстар, сондай-ақ осы тармақтың екінші бөлігіне сәйкес өкілдік іс-шараларға қатысушы адамдарды көлікпен қамтамасыз ету шығыстарына жатқызылмайтын шығыстар өкілдік шығыстарына кірмейді және шегерімге жатпайды.

Өкілдік іс-шараларға қатысушылардың теміржол, теңіз және әуе көлігімен жол жүру шығыстары көлікпен қамтамасыз ету шығыстарына жатпайды.

Өкілдік шығыстарды құжаттамалық ресімдеу

Өкілдік шығындарды құжатпен ресімдеу үшін компания:

• өкілдік іс-шараны өткізу мақсатын және оны өткізуге жауапты адамдарды көрсете отырып, оны өткізу туралы жазбаша бұйрық немесе жазбаша өкім шығаруы;
• осындай іс-шараны өткізу үшін шығыстар сметасын жасауы және бекітуі қажет;

Өкілдік іс-шара өткізілгеннен кейін мынадай құжаттарды ұсыну қажет:

• өткізілген күні мен орнын, өткізілген іс-шараның нәтижелерін, қатысушылардың құрамын, іс-шаралар бағдарламасын, іс жүзінде жүргізілген шығыстарды көрсете отырып, өткізілген өкілдік іс-шара туралы жауапты адамдардың есебін;
• мынадай: (түбіртектер, шот-фактуралар, жүкқұжаттар, сатып алынған тауарлардың, жұмыстар мен қызметтердің құны мен көлемі көрсетілген орындалған жұмыстардың (көрсетілген қызметтердің) актілері, шарттар) және т.б. өкілдік шығыстардың негіздемесі мен жүзеге асырылуын растайтын бастапқы және өзге де құжаттар;
• өкілдік іс-шараны өткізу үшін өкілдік шығыстарды есептен шығару актісі.

Өкілдік шығыстар салық кезеңі үшін Салық кодексінің 322-бабының 1-тармағында көрсетілген жұмыскерлердің салық салуға жататын кірістері бойынша жұмыс берушінің шығыстары сомасының 1%-нан аспайтын мөлшерде шегерімге жатқызылады.

Өкілдік шығыстарды ресімдеу үшін қажетті құжаттардың үлгілері

Өкілдік шығыстарды есептен шығару актісі

Өкілдік шығыстар туралы есеп

Өкілдік шығыстарға арналған бұйрық

Өкілдік шығыстарға арналған смета

Өкілдік шығыстар туралы қағидалар