Алып қою тізбесі - Қазақстан Республикасының аумағына Еуразиялық экономикалық одаққа (бұдан әрі – ЕАЭО) мүше мемлекеттер болып табылмайтын үшінші елдерден әкелінетін, оларға төмендетілген баж мөлшерлемелері, сондай-ақ осындай мөлшерлемелер мөлшерлері қолданылатын тауарлардың тізбесі.

Еуразиялық экономикалық комиссия Кеңесінің 2015 жылғы 14 қазандағы № 59 шешімімен «Дүниежүзілік сауда ұйымына қосылу шарты ретінде қабылданған міндеттемелерге сәйкес Қазақстан Республикасы оларға қатысты мөлшерлемелермен салыстырғанда неғұрлым төмен кедендік әкелу баждарының мөлшерлемелері қолданылатын тауарлар тізбесі» бекітілді.

Тауарларды тексеру

СЭҚ ТН кодын тексеру

2022 жылғы 1 қаңтардан бастап Тауарлар тізбесіне енгізілген өзгерістер.

Тауарларды өткізу кезінде қажетті құжаттар

Тауарға ілеспе құжаттардағы қажетті мәліметтер 

Тауарларды тексеру

Осы тауардың Алу тізбесіне кіргенін тексеру үшін:

1) Талап етілетін тауардың СЭҚ ТН кодын анықтау қажет

СЭҚ ТН коды мынадай бастапқы құжаттар бойынша айқындалады:

• тауарларға арналған декларациялар;

• тауарларды әкелу және жанама салықтардың төленгені туралы өтініш;

• өнімнің сертификаты;

• Жеткізушінің ЭШФ.

Құжаттар болмаған жағдайда кодты ҚР Мемлекеттік кірістер комитетінің онлайн сервисін пайдалана отырып, дербес анықтауға болады.

СЭҚ ТН кодын тексеру

Алу тізімі бойынша СЭҚ ТН кодын тексеру.

Бұл үшiн осы тауарды Тауарлар тiзбесiнен табу керек. Егер СЭҚ ТН коды осы Тізбеде болса, онда тауар Алу тізбесіне кіреді.

2022 жылғы 1 қаңтардан бастап Тауарлар тізбесіне енгізілген өзгерістер.

Еуразиялық экономикалық комиссия Кеңесінің 2021 жылғы 14 қыркүйектегі № 83 шешімімен оларға қатысты Қазақстан Республикасы ДСҰ-ға қосылу шарты ретінде қабылданған міндеттемелерге сәйкес,ЕАЭО БКТ баж мөлшерлемелерімен салыстырғанда неғұрлым төмен кедендік әкелу баждарының мөлшерлемелері, және ЕЭК Кеңесінің 2015 жылғы 14 қазандағы № 59 шешімімен бекітілген осындай баж мөлшерлемелерінің мөлшерлері қолданылады.

Еуразиялық экономикалық одақтың Сыртқы экономикалық қызметінің бірыңғай тауар номенклатурасының жаңа редакциясының қабылдануына байланысты өзгерістер енгізілді.

Шешіммен № 1 қосымшаға сәйкес жекелеген позициялар алынып тасталды және № 2 қосымшаға сәйкес қосымша позициялар қосылды.

Өзгерістер 2022 жылғы 1 қаңтардан бастап күшіне енді.

Қазақстанның Дүниежүзілік сауда ұйымына (бұдан әрі - ДСҰ) кіруінің негізгі шарттарының бірі бірқатар тауар позициялары бойынша тарифтік міндеттемелер болып табылады - Алу тізбесі (Еуразиялық экономикалық комиссия Кеңесінің 2018 жылғы 26 қаңтардағы № 18 шешімі), олардың ДСҰ жағдайындағы әкелу мөлшерлемесі Еуразиялық экономикалық одақтың Бірыңғай кедендік тарифі (бұдан әрі - ЕАЭО БКТ) шеңберінде қолданыстағы кедендік баждардан төмен.

Қол қойылған құжаттарға сәйкес біздің еліміз кедендік баждардың төмендетілген мөлшерлемелерін қолдана отырып, оларды ҚР аумағына әкелген жағдайда ғана ЕАЭО-ның басқа елдерінің аумағына Алу тізбесіне енгізілген тауарларды әкетуге жол бермеу міндеттемесін өзіне алды.

Алу тізбесіне енгізілген тауарларды Қазақстан аумағына әкелу не ДСҰ мөлшерлемелері бойынша, бірақ ЕАЭО-ға мүше мемлекеттердің аумағына әкету құқығынсыз, не оларды одан әрі ҚР аумағында да, одан тысқары жерлерде де өткізу мақсатында ЕАЭО БКТ мөлшерлемелері бойынша жүзеге асырылуы тиіс.

Тауарларды өткізу кезінде қажетті құжаттар

Сонымен қатар, Еуразиялық Үкіметаралық Кеңестің шешіміне сәйкес Қазақстан Республикасының аумағынан ЕАЭО-ға мүше басқа мемлекеттердің аумағына Тізбеге кіретін тауарларды өткізу кезінде электрондық шот-фактураның қағаз көшірмесі тауарға ілеспе құжат ретінде танылады, ол мемлекеттік кірістер органының мөрімен куәландырылады, сондай-ақ мынадай құжаттардың бірімен сүйемелденеді:

1. ДСҰ мөлшерлемелері бойынша ҚР-ға әкелінген Тізбедегі тауарларды ҚР аумағынан ЕАЭО елдеріне әкетуге қатаң тыйым салынған;

2. ЕАЭО БКТ мөлшерлемелері бойынша ҚР-ға әкелінген Тізбедегі тауарлар ЕАЭО кедендік аумағына әкету кезінде мемлекеттік кірістер органдары куәландырған электрондық шот-фактураның (бұдан әрі - ЭШФ) және тауарларға арналған декларацияның көшірмелерімен бірге жүруі тиіс;

3. ЕАЭО-ға мүше мемлекеттердің аумағына әкету кезінде ҚР-да өндірілген Тізбедегі тауарлар, егер осы топтың тауары Алу тізбесіне енгізілген жағдайда, ЭШФ-ның куәландырылған көшірмесімен және СТ-1 нысанындағы тауардың шығу тегі туралы сертификаттың түпнұсқасымен қоса берілуі тиіс;

4. Қазақстан Республикасына ЕАЭО-ға мүше мемлекеттердің аумағынан әкелінген тізбедегі тауарлар ЕАЭО елдерінің аумағына әкету кезінде ЭШФ және тауарларды әкелу және жанама салықтарды төлеу туралы өтініштің куәландырылған көшірмелерімен бірге жүруі тиіс.

Тауарға ілеспе құжаттардағы қажетті мәліметтер

Алу тізбесіне енгізілген тауарларды бақылау мақсатында мемлекеттік кірістер органдары мынадай мәліметтерді қамтитын тауарға ілеспе құжаттар қалыптастырылатын «Электрондық шот-фактуралар» ақпараттық жүйесін пайдаланады:

• тауар туралы мәліметтер;
• тауардың саны;
• кедендік декларацияның нөмірі, тауарларды әкелу және жанама салықтардың төленгені туралы өтініш, тауардың шығу сертификаты (СТ-1);
• кедендік декларация және/немесе тауарларды әкелу және жанама салықтардың төленгені туралы өтініш бойынша тауарлардың реттік нөмірі;
• кедендік әкелу бажының қолданылған мөлшерлемесі туралы мәліметтер (ДСҰ немесе ЕАЭО БКТ).

Сонымен қатар, ҚР аумағынан ДСҰ мөлшерлемесі бойынша әкелінген тауарларды әкету кезінде ЕАЭО-ға мүше мемлекеттердің заңнамасына сәйкес жауапкершілік шаралары көзделген. Тауарларды, оның iшiнде төмендетiлген мөлшерлемелер бойынша әкелiнген тауарларды тасымалдауды тасымалдаушылар жүзеге асыратындықтан, жосықсыз кәсiпкерлердiң iс-әрекеттерi үшiн жауапкершiлiк оларға тiкелей жүктеледi.

Осыған байланысты, Хаттаманың нормаларына сәйкес тасымалдаушының Қазақстан Республикасының аумағынан әкету кезінде көрсету үшін қажетті жоғарыда көрсетілген ілеспе құжаттары жоқ жүктерді тасымалдаудан бас тартуға құқығы бар.

Бұдан басқа, Алу тізбесіндегі тауарларды әкетуге ЭШФ толтыру электрондық-цифрлық қолтаңба (бұдан әрі - ЭЦҚ) болған кезде ғана мүмкін болады. Осыған байланысты сауда қызметін жүзеге асыратын салық төлеушілер ЭЦҚ алуы қажет.