ЭШФ – электрондық шот-фактура - бұл салық заңнамасы нормаларының талаптарына және ЭШФ құжат айналымы қағидаларына сәйкес келетін ақпараттық жүйеде (ЭШФ АЖ) жасалған электрондық түрдегі шот-фактура.

Минустық шот-фактура негiзгi шот-фактура негiзiнде ғана ресiмделуi мүмкiн.

Қосымша шот-фактура Салық кодексінің 383-бабында көрсетілген жағдайларда салық салынатын айналым мөлшерін түзету кезінде ҚР СК 420-бабының негізінде жазып беріледі:

• тауарды толық немесе ішінара қайтару;
• мәміле шарттарының өзгеруі;
• өткізілген тауарлар, жұмыстар, көрсетілетін қызметтер үшін бағаның, өтемақының өзгеруі;
• бағадан жеңілдіктер, сатудан жеңілдіктер;
• сату бойынша бұрын айналымға енгізілген ыдысты қайтару және т.б.

Қосымша шот-фактура бастапқы шот-фактураға айырмашылыққа жазылады және Салық кодексінің 420-бабы 2-тармағы негізінде:

• шот-фактураларды жазып беруге осы тарауда белгіленген талаптарға сәйкес келуге;

мына ақпаратты:

• шот-фактураның қосымша болып табылатыны туралы белгіні; қосымша шот-фактураның реттік нөмірі мен жазып берілген күнін;
• қосымша шот-фактура жазып берілетін шот-фактураның реттік нөмірі мен жазып берілген күнін;
• айналым мөлшері өзгертілген жағдайда, оны түзету сомасын;
• қосылған құн салығы өзгертілген жағдайда, оны түзету сомасын;
• электрондық нысанда жазып берілген кезде айналым мөлшерін түзету сомасына айналым жасалған күнді қамтуға тиіс.