Өндірістік күнтізбе - бұл жұмыс күндерін, демалыс күндерін, жұмыс істемейтін мереке күндерін ескере отырып жасалған ағымдағы жылға арналған арнайы күнтізбе.

Қазақстандағы өндірістік күнтізбе мен жұмыс уақытының балансын Еңбек және халықты әлеуметтік қорғау министрлігі әзірлейді және бекітеді.

ҚР Еңбек кодексінде жұмыс уақытының қалыпты ұзақтығы көзделген (ҚР ЕК 68-бабы):

• аптасына 40 сағаттан аспауы тиіс;
• еңбек шартында жұмыс уақытының қалыпты ұзақтығы ретінде төленетін жұмыс уақытының аз ұзақтығы көзделуі мүмкін;
• негізгі жұмыс орны бойынша күнделікті жұмыстың және қоса атқаратын жұмыстың жиынтық ұзақтығы күнделікті жұмыс ұзақтығының нормасынан 4 сағаттан аспауы тиіс.

Сондай-ақ ҚР ЕК-де (ҚР ЕК 69-бабы) жұмыскерлердің жекелеген санаттары үшін жұмыс уақытының қысқартылған ұзақтығын белгілеу көзделген:

он сегіз жасқа толмаған жұмыскерлер:

• он төрт жастан он алты жасқа дейінгі жұмыскерлер үшін - аптасына 24 сағаттан артық емес;
• он алты жастан он сегіз жасқа дейінгі жұмыскерлер үшін - аптасына 36 сағаттан артық емес;

ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін жұмыскерлерге - аптасына 36 сағаттан артық емес;

бірінші және екінші топтағы мүгедектігі бар жұмыскерлерге аптасына 36 сағаттан аспайтын жұмыс уақытының қысқартылған ұзақтығы белгіленеді.

ҚР ЕК 71-бабында көрсетілгендей: - Жұмыскерлер үшін екі демалыс күні бар бес күндік жұмыс аптасы белгіленеді. Бес күндік жұмыс аптасы кезінде күнделікті жұмыстың (ауысымның) ұзақтығы жұмыстың ерекшелігі ескеріле және жұмыс аптасының белгіленген ұзақтығы сақтала отырып, жұмыс берушінің актісінде айқындалады.

Өндірістердің сипаты мен жұмыс жағдайлары бойынша бес күндік жұмыс аптасын енгізу орынсыз болатын ұйымдарда бір демалыс күні бар алты күндік жұмыс аптасы белгіленеді.

Жұмыс беруші еңбек және ұжымдық шарттардың талаптарына немесе жұмыс берушінің актісіне сәйкес бес күндік немесе алты күндік жұмыс аптасын белгілейді.

Тараптардың келісімі бойынша еңбек шартында бес күндік немесе алты күндік жұмыс аптасымен кезектесу құқығымен төрт күндік жұмыс аптасын белгілеуге жол беріледі. (Еңбек кодексінің 71-бабы )

Осы Кодексте және Қазақстан Республикасының өзге де заңдарында көзделген жағдайларды қоспағанда, күнделікті жұмыстың ұзақтығы 8 сағаттан аспауға тиіс.

Күнделікті жұмыстың (жұмыс ауысымының) ұзақтығы, күнделікті жұмыстың (жұмыс ауысымының) басталу және аяқталу уақыты, жұмыстағы үзілістер уақыты еңбек тәртіптемесі қағидаларында, еңбек және ұжымдық шарттарда белгіленген талаптар сақтала отырып айқындалады.

Жұмыскерлер үшін екі демалыс күні бар бес күндік жұмыс аптасы белгіленеді, Бес күндік жұмыс аптасы кезінде күнделікті жұмыстың (ауысымның) ұзақтығы жұмыс ерекшелігін ескере отырып және жұмыс аптасының белгіленген ұзақтығын сақтай отырып, жұмыс берушінің актісімен айқындалады.

Өндірістердің сипаты мен жұмыс жағдайлары бойынша бес күндік жұмыс аптасын енгізу орынсыз болатын ұйымдарда бір демалыс күні бар алты күндік жұмыс аптасы белгіленеді.

Жұмыскерлерге апта сайын демалыс күндері беріледі.

ҚР ЕК 84-бабында көрсетілгендей, бес күндік жұмыс аптасы кезінде жұмыскерлерге аптасына екі демалыс күні, ал алты күндік жұмыс аптасында - бір күн беріледі.

Бес күндік және алты күндік жұмыс аптасы кезінде жексенбі жалпы демалыс күні болып табылады, Бес күндік жұмыс аптасы кезінде екінші демалыс күні ұжымдық шартта немесе еңбек тәртібінің қағидаларында белгіленеді.

Бес күндік, алты күндік немесе төрт күндік жұмыс аптасында жексенбі жалпы демалыс күні болып табылады. Бес күндік және (немесе) төрт күндік жұмыс аптасы кезіндегі екінші немесе үшінші демалыс күні ұжымдық шартта немесе еңбек тәртіптемесі қағидаларында белгіленеді. (Еңбек кодексінің 84-бабы)

Үздіксіз өндірістерде немесе өндірістік-техникалық жағдайлар бойынша немесе халыққа ұдайы үздіксіз қызмет көрсету қажеттілігі салдарынан демалыс күндері жұмысты тоқтату мүмкін болмайтын өндірістерде істейтін, сондай-ақ вахталық әдіспен жұмыс істейтін жұмыскерлерге (жұмыскерлер тобына) демалыс күндері ауысымдық кестелерге (вахталар кестелеріне) сәйкес аптаның әр күндері кезекпен беріледі.

4-1. Жылжымалы жұмыс кестесі бар жұмыскерлерге (жұмыскерлер тобына) еңбек шартының ережелеріне немесе ауысымдық кестелерге сәйкес аптаның әртүрлі күндерінде жылжымалы кесте бойынша демалыс күндерін бере отырып, жұмыс аптасы белгіленеді.

ҚР ЕК 79-бабына сәйкес ұйымдарда жұмыскердің нақты жұмыс істеген жұмыс уақытын есепке алу жүзеге асырылуы тиіс.

Бес күндік жұмыс аптасы кезінде күнделікті жұмыстың (жұмыс ауысымының) ұзақтығы апталық норма 40 сағат болғанда 8 сағаттан, апталық норма 36 сағат болғанда 7 сағат 12 минуттан аспауы тиіс; алты күндік жұмыс аптасы кезінде күнделікті жұмыстың (жұмыс ауысымының) ұзақтығы: 40 сағатқа тең апталық жұмыс уақыты нормасы бар жұмыскерлерде - 7 сағаттан аспауға тиіс; апталық норма 36 сағат болғанда - 6 сағат және т.б.
Осыған байланысты жұмыс уақытының ұзақтығы: 40 сағаттық жұмыс аптасы кезінде: бес күндік жұмыс аптасы
кезінде - 8 сағаттан бес жұмыс күні;
алты күндік жұмыс аптасында - 7 сағаттан бес жұмыс күні және ұзақтығы 5 сағаттан бір жұмыс күні.
36 сағаттық жұмыс аптасы кезінде: бес күндік жұмыс аптасы
кезінде - 7 сағат 12 минуттан (7,20 сағат) бес жұмыс күні;
алты күндік жұмыс аптасында - 6 сағаттан алты жұмыс күні.

«Қазақстан Республикасындағы мерекелер туралы» Қазақстан Республикасының 2001 жылғы 13 желтоқсандағы № 267 Заңына (бұдан әрі – Заң) сәйкес Қазақстан Республикасында ұлттық және мемлекеттік мерекелер атап өтілетін күндер Қазақстан Республикасының еңбек заңнамасына сәйкес мереке күндері болып танылады.
Қазақстан Республикасындағы мереке күндері жұмыс істемейтін күндер болып табылады.
Демалыс және мереке күндері сәйкес келген кезде мерекеден кейінгі келесі жұмыс күні демалыс күні болып табылады.

Өндірістік күнтізбеде көрсетілген мәліметтер:

• кәсіпорын жұмыскерлеріне жалақы есептеу;
• жұмыс кестесін жасау;
• жұмыс уақытын есепке алу табельдерін жүргізу;
• ұйым жұмыскерлері үшін жұмыс сағаттарын есептеу;
• еңбекке уақытша жарамсыздық бойынша жәрдемақы сомасын еңбекке жарамсыздық парағы негізінде есептеу;
• демалыс кестелерін жасау;
• демалыс күндерінің санын және демалыс күндерінің сомасын есептеу үшін пайдаланылады.

Өндірістік күнтізбе