Қызметті тоқтата тұру - заңды тұлға құрмай кәсіпкерлік қызметті жүзеге асыратын тұлғалардың, заңды тұлғалардың, олардың филиалдарының, өкілдіктерінің, құрылымдық бөлімшелерінің, өндірістік учаскелерінің қызметін, сондай-ақ агрегаттарды пайдалануды уақытша тоқтату.

Әрбір салық төлеушінің қызметін тоқтата тұру туралы шешім қабылдауға құқығы бар, бірақ әзірге бизнесті жабуды жоспарлап отырған жоқ. Бұл жағдайда салық төлеушi арнайы өтiнiш бере отырып, салық есептiлiгiн тапсырмауға құқылы. Салық есептілігін табыс етуді тоқтата тұру, мерзімін ұзарту және қайта бастау тәртібі ҚР Салық кодексінің 213-бабымен регламенттелген.

СК 213-бабына сәйкес салық төлеушінің (салық агентінің) салықтық өтініш негізінде салық есептілігін ұсынуды тоқтата тұруға құқығы бар.

Салық төлеуші (салық агенті) өзінің тұрған жері бойынша салық органына:

1) қызметті тоқтата тұру немесе қайта бастау немесе салықтық есептілікті ұсынуды тоқтата тұру мерзімін ұзарту туралы шешім қабылданған жағдайда, салықтық өтінішті ұсынады.

Салықтық өтініш қызметті тоқтата тұру туралы шешім қабылданған жағдайда - алдағы кезеңге ұсынылады;

2) салықтық кезеңнің басынан бастап салықтық өтініште көрсетілген қызметті тоқтата тұру күніне дейін салықтық есептілікті ұсынады.

Егер кезекті салықтық есептілікті ұсыну мерзімі салықтық өтініш ұсынылғаннан кейін басталатын болса, онда осындай есептілікті ұсыну салықтық өтініш ұсынылатын күнге дейін жүргізіледі;

3) қосылған құн салығын төлеуші болып табылатын салық төлеуші (салық агенті) қызметті тоқтата тұру туралы шешім қабылдаған жағдайда – қосылған құн салығы бойынша тіркеу есебінен шығару мақсатында осындай тіркеу есебі туралы салықтық өтінішті ұсынады.

Салық есептілігін табыс етуді тоқтата тұрудың жалпы мерзімі оны ұзартуды ескере отырып, ҚР СК 48-бабында белгіленген талап қою мерзімінен (үш жыл) аспауға тиіс. Ұзарту жалпы мерзім ескеріле отырып, салықтық өтініште көрсетілген кезеңге жүзеге асырылады.

Салық органы салықтық өтінішті алған күннен бастап бір жұмыс күні ішінде салықтық есептілікті ұсынуды тоқтата тұруды (ұзартуды, қайта бастауды) жүргізуге немесе салықтық есептілікті ұсынуды тоқтата тұрудан бас тартуға міндетті.

Салықтық есептілікті ұсынуды тоқтата тұрудан бас тарту салық төлеушіде:

1) өтініш берілген күнге салықтық берешек, әлеуметтік төлемдер бойынша берешек;

2) мыналарды:

• талап қоюдың ескіру мерзімін ескере отырып, ҚР СК 213-бабы 1-тармағы екінші бөлігінің 2) тармақшасында көрсетілген салықтық есептілікті;
• ҚР СК 213-бабы 1-тармағы екінші бөлігінің 3) тармақшасында белгіленген жағдайда, қосылған құн салығы бойынша тіркеу есебі туралы салықтық өтінішті ұсынбау фактісі;

3) осы Кодекстің 91-бабына сәйкес салық органының әрекетсіз деп тану фактісі;

4) салық органы жіберген, орындалмаған хабарламалар болған жағдайларда қабылданады.

Тоқтата тұру (ұзарту, қайта бастау) туралы мәліметтер уәкілетті органның интернет-ресурсында осындай шешім қабылданған күннен кешіктірілмей жарияланады және салықтық өтініште көрсетілген кезең үшін салықтық есептілігін тапсырмауға негіз болып табылады.

Салық есептілігін табыс етуді кімнің тоқтата тұруға құқығы жоқ

• патент негізінде шағын бизнес субъектілері үшін немесе арнаулы мобильді қосымша пайдаланылатын, бірыңғай жер салығын төлеу негізінде арнаулы салық режимдерін қолданатын ДК;
• ойын бизнесі салығын төлеушілер;
• ауыл шаруашылығы өнімін өндірушілер мен ауыл шаруашылығы кооперативтері үшін арнаулы салық режимін қолданатын салық төлеушілер;
• арнаулы салық режимдерін қолданатын дара кәсіпкерді қоспағанда, тәуекелдерді басқару жүйесі бойынша тәуекел деңгейі жоғары салық төлеуші (салық агенті);
• мүлік, көлік құралы салықтары мен жер салығы бойынша, жер учаскелерін пайдаланғаны үшін төлемақы бойынша салықтық есептілікті ұсыну тәртібі мен мерзімдері.

Осылайша, қызметтi тоқтата тұру тәртiбi жоғарыда көрсетiлген тәртiппен жүзеге асырылады. Есеп айырысу шоттары тек салық төлеушiнiң өзiнiң шешiмi бойынша ғана жабылуға жатады. Бұл ретте қызметін тоқтата тұру кезеңінде салық төлеуші мүлік салығын, көлік салығын және жер салығын (олар баланста болған кезде) төлеуге міндетті.

Салықтық есептілігін табыс етуді тоқтата тұру туралы шешім қабылданған жағдайда ҚҚС төлеуші ҚҚС бойынша тіркеу есебінен шығаруға салықтық өтініш, ҚҚС бойынша таратудың салық есептілігін беруге, содан кейін есепті кезең үшін кезекті салық есептілігін табыс етуге міндетті.

Егер алкоголь өнімін сатуға лицензия болса, онда лицензия үшін төлем есептелмеуі үшін осы лицензияны тапсыру қажет.

БКМ ФДО-дан өшіру.

ҚР Еңбек кодексінің 53-бабының 2-тармағына сәйкес штатта жұмыскерлер болған кезде, егер еңбек, ұжымдық шарттарда хабарламаның неғұрлым ұзақ мерзімі көзделмесе, жұмыс беруші жұмыскерлерді еңбек шартын бұзу туралы он бес жұмыс күні бұрын бұл ретте - жұмыс берушінің экономикалық жағдайының нашарлауына әкеп соқтырған жұмыскерлер санының немесе штатының қысқаруы немесе өндіріс, орындалатын жұмыстар мен көрсетілетін қызметтер көлемінің төмендеуіне негіздеме ретінде көрсете отырып, хабардар етуге міндетті (ҚР ЕК 52-бабы 1-тармағының 2, 3-тармақшалары);

Еңбек шартын тоқтату туралы бұйрықты ресімдеуге және бұйрықтың көшірмесін жұмыскерлерге тапсыруға не бұйрық шыққан күннен бастап үш жұмыс күні ішінде әрбір жұмыскерге хабарламасы бар хатпен бұйрықты жіберуге;

Жыл сайынғы ақылы еңбек демалысының пайдаланылмаған күндері үшін өтемақы төлемін жүргізу (ҚР ЕК 96-бабының 2-тармағы);

Жұмысынан айырылуына байланысты бір айдағы орташа жалақы мөлшерінде өтемақы төлемдерін жүргізу (ҚР ЕК 131-бабы);

Содан кейін «Салық төлеушінің кабинеті» арқылы қызметті уақытша тоқтату туралы өтінішті ХҚКО-ға немесе Egov.kz порталында ұсыну.

Ол үшін Egov.kz порталында авторлану және «Басты», «Азаматтарға», «Кеден және салықтар», «Салық салу», «Салықтық есептіліктін ұсынуды тоқтата тұру» қызметіне өту қажет.