Терминал - банкомат, электрондық терминал, ресайклер (ақшаны қабылдау және беру функциясы бар құрылғы), автоматтандырылған кассалар және қолма-қол ақша қабылдау (немесе) беру, төлемдер мен ақша аударымдарын, айырбастау операцияларын және банк операцияларының өзге де түрлерін, оның ішінде төлем карточкаларын пайдалана отырып жүргізу (алдын ала төленген төлем карточкаларын), сондай-ақ тиісті операцияларды жүргізу фактісін растайтын құжаттарды жасау үшін арналған өзге де электрондық-механикалық құрылғылар.

Электрондық терминал - төлемдерді және (немесе) ақша аударымдарын не қолма-қол ақшаны қабылдау және (немесе) беру жөніндегі операцияларды жүзеге асыруға не шетел валютасымен айырбастау операцияларын жүзеге асыруға не операциялардың өзге де түрлерін жүзеге асыруға, сондай-ақ тиісті растайтын құжаттарды қалыптастыруға арналған электрондық-механикалық құрылғы.

Қазақстан Республикасы Үкіметінің 2021 жылғы 1 шілдедегі № 457 қаулысымен «Жекелеген қызмет түрлерінің және төлем карточкаларын пайдалана отырып, төлемдер қабылдауға және (немесе) лездік төлемдер жүйесін пайдалана отырып, төлемдер қабылдауға арналған жабдықты (құрылғыны) қолдану тізбесін бекіту және «Жекелеген қызмет түрлерінің және төлем карточкаларын пайдалана отырып төлемдерді қабылдауға арналған жабдық (құрылғы) қолдану тізбесін бекіту және «Жекелеген қызмет түрлерінің және төлем карточкаларын пайдалана отырып төлемдерді қабылдауға арналған жабдық (құрылғы) қолдану тізбесін бекіту туралы» Қазақстан Республикасы Үкіметінің 2014 жылғы 29 қазандағы № 1147 қаулысының күші жойылды деп тану туралы» Қазақстан Республикасы Үкіметінің 2016 жылғы 21 қазандағы № 604 қаулысының күші жойылды деп тану туралы.

01.07.2021 жылдан бастап қолданысқа енгізілді.

Жекелеген қызмет түрлерінің және төлем карточкаларын пайдалана отырып, төлемдер қабылдауға және (немесе) лездік төлемдер жүйесін пайдалана отырып, төлемдер қабылдауға арналған жабдықты (құрылғыны) қолдану тізбесі

Қызмет түрі
1. Автомобильдер мен мотоциклдерді көтерме және бөлшек саудада сату, оларды жөндеу және техникалық қызмет көрсету
2. Көтерме және бөлшек сауда
3. Қонақ үйлердің қызмет көрсетуі
4. Мейрамхана қызметтерін ұсыну, тамақтандыруды ұйымдастырудың өзге де түрлері және сусындар беру
5. Әуе және темір жол көлігіне жол жүру құжаттарын (билеттерді), багаж және жүк-багаж түбіртектерін сату
6. Жүктерді көліктік өңдеу, қоймалау және сақтау жөніндегі қызметтерді, тасымалдау жөніндегі қосалқы қызметтерді және жүктерді тасымалдау жөніндегі қызметтерді ұсыну
7. Туроператорлардың және туризм саласында қызметтер көрсететін өзге де ұйымдардың (турагенттерден басқа) қызметі
8. Сақтандыру саласындағы қызмет
9, Денсаулық сақтау саласындағы қызмет
10. Білім беру саласындағы қызмет
11. Кинофильмдерді, бейне және телевизиялық бағдарламаларды тарату, кинофильмдерді көрсету жөніндегі қызмет
12. Фитнес-клубтардың, спорт клубтарының, дискотекалардың қызметі
13. Құмар ойындар мен бәс тігуді ұйымдастыру жөніндегі қызмет
14. Боулинг (кегельбан) және бильярд бойынша қызметтер көрсету

Ескерту:
көрсетілген қызмет түрлерін жүзеге асыратын жерлерде төлем карточкаларын пайдалана отырып төлемдерді қабылдауға және (немесе) лездік төлемдер жүйесін пайдалана отырып, төлемдер қабылдауға арналған жабдықты (құрылғыны) орнату мен қолдануды қамтамасыз ету өзі өндірген ауыл шаруашылығы өнімдерінің, өзі өндірген акваөсіру (балық аулау) өнімдерінің көтерме және бөлшек саудасы саласында кызметін жүзеге асыратын дара кәсіпкерлерге және (немесе) заңды тұлғаларға; ортақ пайдаланылатын телекоммуникациялар желісі жоқ жерлерде стационарлық емес сауда объектілері арқылы жүзеге асырылатын қызметке қолданылмайды.

Тізімнің өзі өзгерген жоқ, тек ескертуде 2021 жылғы 1 шілдеден бастап қолма-қол ақшасыз төлемдерді pos-терминалдар (төлем карталары) көмегімен ғана емес, сондай-ақ жедел төлем жүйесі арқылы да қабылдау мүмкіндігі пайда болды.

2021 жылғы 1 шілдеден бастап «Төлемдер және төлем жүйелері туралы» 2016 жылғы 26 шілдедегі Заңда жедел төлем жүйесінің көмегімен өзара есеп айырысу мүмкіндігін белгілейтін нормалар күшіне енді.

Лездік төлемдер жүйесі - төлемнің және (немесе) ақша аударымының бенефициарының пайдасына лездік ақша есептеуді қамтамасыз ете отырып, ҚР Ұлттық Банкіндегі ақшаны пайдалана отырып, оның қатысушылары арасында төлемдерді және (немесе) ақша аударымдарын тәулік бойы жүзеге асыруға арналған төлем жүйесі.
Жедел төлемдер жүйесі бойынша төлемдерді орындау
үшін көрсетілетін төлем қызметтерін беруші не төлем жүйесінің операторы беретін штрих код пайдаланылады.

Заңның 25-бабының 11-тармағында жедел төлемдер жүйесін қолдану міндеті белгіленеді (pos-терминалдарға балама ретінде не екі тәсілді бір мезгілде қолдану): Ортақ пайдаланылатын телекоммуникациялар желісі жоқ жерлерде болатындарды қоспағанда, ДК және (немесе) заңды тұлғалар жекелеген қызмет түрлерін жүзеге асыру кезінде өз қызметін жүзеге асыратын орындарда төлем карточкаларын пайдалана отырып, төлемдер қабылдауға арналған жабдықты (құрылғыны) орнатуды және қолдануды және (немесе) лездік төлемдер жүйесін пайдалана отырып, төлемдер қабылдауды қамтамасыз етуге міндетті.

Салық кодексінің 142-бабы 1-тармағының 14) тармақшасы негізінде салық органдарына төлем карточкаларын пайдалана отырып төлемдерді жүзеге асыруға арналған жабдықтың (құрылғының) болуы мәселесі бойынша салық тексерулерін жүргізу бойынша міндет жүктелген.

«Әкімшілік құқық бұзушылық туралы» Кодекстің 195-бабына сәйкес төлемдерді қабылдауға мiндеттi дара кәсіпкерде немесе заңды тұлғада төлем карточкаларын пайдалана отырып, төлемдерді жүзеге асыруға арналған жабдықтың (құрылғының) болмауы ескерту жасауға әкеп соғады. Әкімшілік жаза қолданылғаннан кейін бір жыл ішінде қайта тарту шағын кәсіпкерлік субъектілеріне 40 АЕК, орта кәсіпкерлік субъектілеріне - 60 АЕК, ірі кәсіпкерлік субъектілеріне - 80 АЕК мөлшерінде айыппұл салуға әкеп соғады.