Роялти – бұл бағдарламалық өнімді қоса алғанда, әдебиет, өнер немесе ғылым туындыларына кез келген авторлық құқықты пайдаланғаны немесе пайдалану құқығын бергені үшін төлем.

ҚР Салық кодексінің 1-бабы 1-тармағының 52-тармақшасына сәйкес: Роялти - мыналар:

• пайдалы қазбаларды өндіру және техногендік түзілімдерді қайта өңдеу процесінде жер қойнауын пайдалану құқығы үшін;
• зияткерлік меншік объектісіне мүліктік (айрықша) құқықтарды толығымен немесе ішінара іске асыруды қоспағанда, авторлық құқықтарды, бағдарламалық қамтылымды, сызбаларды немесе модельдерді пайдаланғаны немесе пайдалану құқығы үшін; патенттерді, тауар белгілерін немесе басқа да осыған ұқсас құқық түрлерін пайдаланғаны немесе пайдалану құқығы үшін;
• өнеркәсіп жабдықтарын, оның ішінде бербоут-чартер немесе димайз-чартер шарттары бойынша жалға алынатын теңіз кемелерін және димайз-чартер шарттары бойынша жалға алынатын әуе кемелерін, сондай-ақ сауда немесе ғылыми-зерттеу жабдықтарын пайдаланғаны немесе пайдалану құқығы үшін; «ноу-хауды» пайдаланғаны үшін; кинофильмдерді, бейнефильмдерді, дыбыс жазуды немесе өзге де жазу құралдарын пайдаланғаны немесе пайдалану құқығы үшін төленетін төлем;

Бейрезиденттің БҚ-на қол жеткізуіне салық салу

Ресейлік компания БҚ-ға қол жеткізуді ұсыну бойынша қызмет көрсетеді. Пайдалану құқығын, қандай да бір нәрсеге қол жеткізу құқығын беру - бұл бейрезиденттің роялти түріндегі кірісі.

ҚР СК 644-бабы 1-тармағының 13-тармақшасына сәйкес бейрезиденттің роялти түріндегі кірістері ҚР көздерінен алынған кірістер болып танылады және ҚР СК 645, 646-баптарына сәйкес 15% мөлшерлеме бойынша төлем көзінен КТС салынады.

Бұл ретте, егер бейрезидент кірісті түпкілікті алушы болып табылса, ҚР СК 666-бабының 4-тармағында, 667-бабында белгіленген мерзімдерде ҚР СК 675-бабының талаптарына сәйкес келетін оның резиденттігін растайтын құжатты ұсынса, онда Қосарланған салық салуды болдырмау туралы конвенцияға сәйкес салық агенті Конвенцияда белгіленген төмендетілген мөлшерлеме бойынша төлем көзінен КТС салудан ішінара босатуды қолдануға құқылы.

Егер салық агенті ҚР СК 645-бабының 5-тармағына сәйкес КТС өз қаражаты есебінен төлейтін болса, онда ол Конвенцияның ережелерін және төлем көзінен КТС төмендетілген мөлшерлемесін қолдануға құқылы емес.

ҚР СК 648-бабына сәйкес бейрезидентке есептелген және төленген табыстар бойынша салық агенті ҚР-дағы көздерден алынған бейрезиденттің кірістерінен төлем көзінен ұсталған КТС есеп-қисабын (СЕН 101.04 - «Бейрезиденттің кірісінен төлем көзінен ұсталатын корпоративтік табыс салығы бойынша есеп-қисап») тапсырады.

ҚР СК 647-бабы 1-тармағының 1-тармақшасына сәйкес төлем көзінен КТС төлеу кірісті төлеу күнінің алдындағы соңғы жұмыс күні айқындалған валюта айырбастаудың нарықтық бағамы бойынша кірісті төлеу жүргізілген ай аяқталғаннан кейін күнтізбелік жиырма бес күннен кешіктірілмей жүргізілуі тиіс.

Егер ҚР резидент компаниясы ҚР СК 367-бабы 1-тармағының 1-тармақшасына сәйкес ҚҚС төлеуші болып табылса, онда ҚР СК 441-бабы 2-тармағының 4-тармағына сәйкес ҚР аумағы сатудан түскен айналымды жасау орны болып танылады, ҚҚС төлеушіде ҚҚС есептеу және ҚР СК 373-бабына сәйкес бейрезидент үшін бюджетке ҚҚС төлеу бойынша міндеттеме туындайды.

Бұл жағдайда өткізу бойынша айналым жасау күні ҚР СК 442, 379-баптарына сәйкес айқындалады.

Бейрезидент үшін ҚҚС төлеу мерзімі ҚР СК 425-бабы бойынша есепті салық кезеңінен кейінгі екінші айдың 25-інен кешіктірмей айқындалған.

Бейрезидент үшін бюджетке төленген ҚҚС сомасы ҚР СК 400-бабына сәйкес есепке жатқызылуға жатады және Салық есептілігін жасау ережелеріне сәйкес ҚҚС бойынша декларацияға (СЕН 300.00) 300.05-қосымшада көрсетіледі.

Осылайша, бейрезидент 15% мөлшерлеме бойынша төлем көзінен КТС салынуға жататын роялти түрінде кіріс алады. Бейрезидентке есептелген және төленген кірістер бойынша 101.04-нысаны ұсынылады.

Сондай-ақ ҚҚС төлеушіде бейрезидент үшін 12% мөлшерлеме бойынша ҚҚС есептеу және бюджетке төлеу бойынша міндеттеме туындайды.