Аудитор – Аудиторлыққа кандидаттарды аттестаттау жөніндегі біліктілік комиссиясы (бұдан әрі – Біліктілік комиссиясы) аттестаттаған, «аудитор» біліктілігін беру туралы біліктілік куәлігін алған жеке тұлға.

Аудитор өз қызметін аудитор ретінде бір аудиторлық ұйымның құрамында ғана жүзеге асырады.

Аудитор бір ғана аудиторлық ұйымның қатысушысы бола алады.

Қазақстан Республикасы Қаржы министрінің 2021 жылғы 1 маусымдағы № 514 бұйрығымен аудиторлардың біліктілігін арттырудың жаңа қағидалары, аудиторлардың біліктілігін арттыру бойынша курстардан өткені туралы сертификатты алу тәртібі мен нысаны бекітілді.

Жаңа ережелер 06.07.2021 бастап қолданысқа енгізіледі.

Өзгерістер 2021 жылғы 6 шілдеден бастап «Аудиторлық қызмет туралы» Қазақстан Республикасының Заңына енгізілетін өзгерістерге байланысты.

«Аудитор» біліктілігін беруге кандидаттарды аттестаттау

1. Аттестаттауға жоғары білімі және экономикалық, қаржылық, бақылау-тексеру немесе құқықтық салаларда немесе жоғары оқу орындарында бухгалтерлік есеп пен аудит бойынша ғылыми-оқытушылық қызмет саласында кемінде үш жыл еңбек өтілі бар адамдар жіберіледі.

2. Аттестаттаудан өткен адамдар біліктілік куәлігінің нөмірін, тегін, өз атын, сондай-ақ қалауы бойынша әкесінің атын көрсете отырып, «аудитор» біліктілігін беру туралы біліктілік куәлігін және аудитордың жеке мөрін (бұдан әрі - жеке мөр) алады.

«Аудитор» біліктілігін беру туралы шешім Біліктілік комиссиясы айқындайтын бұқаралық ақпарат құралдарында қазақ және орыс тілдерінде жарияланады.

3. Аттестаттаудан өтпеген адамдар Біліктілік комиссиясы шешім қабылдаған сәттен бастап үш ай өткеннен кейін оны қайта өтуге жіберіледі.

Аудиторлыққа кандидаттар мынадай пәндер бойынша емтихан тапсырады:

• халықаралық қаржылық есептілік стандарттары бойынша қаржылық есеп пен есептілік;
• басқарушылық есепке алу;
• қаржы және қаржы менеджменті;
• салықтар;
• құқық (азаматтық құқық, банк ісі, сақтандыру және зейнетақы заңнамасы);
• әдеп;
• аудит.

Аудиторлардың құқықтары мен міндеттері

1. Аудиторлар:

1) аудит, салықтар бойынша аудит, квазимемлекеттік сектор субъектілерінің арнайы мақсаттағы аудитін жүргізуге арналған шарттың талаптарын орындау үшін аудиттелетін субъектінің қажетті бухгалтерлік және өзге де қаржы-шаруашылық құжаттамасын алуға және тексеруге;

1-1) кәсіптік ұйымға кіруге;

2) аудит барысында туындаған мәселелер бойынша аудиттелетін субъектінің лауазымды адамдарынан ауызша және жазбаша нысанда түсініктеме алуға;

3) кәсіби ұйымдардың шешіміне сот тәртібімен шағымдануға құқылы.

2. Аудиторлар:

1) Қазақстан Республикасының аудиторлық қызмет туралы заңнамасын, аудит стандарттарын, Әдеп кодексін сақтауға;

1-1) аудиторлардың біліктілігін арттыру қағидаларының талаптарына сәйкес аудиторлардың біліктілігін арттыру жөніндегі курстардан өтуге және аудиторлардың біліктілігін арттыру жөніндегі курстардан өткені туралы сертификат алуға;

2) коммерциялық құпияны жария етпеуге;

3) аудиттелетін субъектіге бухгалтерлік есепті, қаржылық есептілікті және қаржылық есептілікке байланысты өзге де ақпаратты жүргізуде анықталған бұзушылықтар туралы ақпарат беруге;

4) өзі қатысушысы болып табылатын аудиторлық ұйымның басшысына Қазақстан Республикасының қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы заңнамасына сәйкес мәліметтер хабарлауға міндетті.

ҚР ҰЖ 03-2019 Экономикалық қызмет түрлерінің жалпы жіктеуіші (ЭҚЖЖ)

Кәсіпорынның негізгі экономикалық қызмет түрін айқындау әдістемесі Қазақстан Республикасы Ұлттық экономика министрлігі Статистика комитеті төрағасының 2020 жылғы 7 қыркүйектегі № 35 бұйрығы.