Орындалған жұмыстар актісі (Р-1 нысаны) бұл қандай да бір қызметтер немесе жұмыстар ұсынылғаннан кейін қызметтер беруші мен тапсырыс беруші арасында қол қойылатын құжат. Р-1 нысанындағы Орындалған жұмыстар актісінің нысаны Қазақстан Республикасында «Бастапқы есепке алу құжаттарының нысандарын бекіту туралы» № 562 бұйрықпен бекітілген.

Р-1 нысанындағы Орындалған жұмыстар (көрсетілген қызметтер) актісі құрылыс-монтаждау жұмыстарын қоспағанда, орындалған жұмыстарды (көрсетілген қызметтерді) қабылдау-тапсыру үшін қолданылады.

Р-1 нысанындағы «Орындалған жұмыстар (көрсетілген қызметтер) актісінің» «Жасалған күні» бағаны Бухгалтерлік есеп және қаржылық есептілік туралы заңның 7-бабының 4-тармағына сәйкес толтырылады, оның негізінде бастапқы құжаттар операция немесе оқиға жасалған сәтте не олар аяқталғаннан кейін тікелей жасалуға тиіс.

Р-1 нысанындағы «Орындалған жұмыстар актісінің» «Жұмыстардың (көрсетілетін қызметтердің) атауы (техникалық ерекшелікке, тапсырмаға, жұмыстарды (көрсетілетін қызметтерді) орындау кестесіне сәйкес олардың кіші түрлері бөлінісінде)» бағанында жұмыстардың атауы толтырылады.

Р-1 нысанындағы «Орындалған жұмыстар актісінің» «Жұмыстарды орындау (қызметтерді көрсету) күні» бағаны, егер орындалған жұмыстар (қызметтерді көрсету) күндері әртүрлі кезеңдерге келетін, сондай-ақ егер жұмыстарды орындау (қызметтерді көрсету) күндері және жұмыстарға (қызметтерді) қол қою (қабылдау) күндері әртүрлі болған жағдайда толтырылады.

Р-1 нысанындағы «Орындалған жұмыстар актісінде» «Ғылыми зерттеулер, маркетингтік, консультациялық және өзге де қызметтер туралы есеп (күні, нөмірі, беттерінің саны) туралы мәліметтер (олар болған жағдайда)» бағаны ғылыми зерттеулер, маркетингтік, консультациялық және өзге де қызметтер туралы есеп болған жағдайда толтырылады.

Р-1-нысанындағы «Орындалған жұмыстар (көрсетілген қызметтер) актісінің» «Тапсырыс берушіден алынған қорларды пайдалану туралы мәліметтер» деген жолында ұйым қорлар құрамында есепке алуға жататын шығыс материалдары, оның ішінде тапсырыс берушіден алынған қағаздар мен дискілер көрсетіледі.

Р-1 нысанындағы «Орындалған жұмыстар (көрсетілген қызметтер) актісінің» «Қосымша: Құжаттамалар тізбесі, оның ішінде маркетингтік, ғылыми зерттеулер, консультациялық және өзге де қызметтер (олар болған кезде міндетті) туралы есеп (тер)» жолында жұмыстардың орындалу (қызметтер көрсету) фактісін растайтын бастапқы есепке алу құжаттарының саны көрсетіледі.