Кешбэк (ағылш. cashback немесе амер. cash back – қолма-қол ақшаны қайтару) – клиенттерді тарту және олардың адалдығын арттыру үшін бонустық бағдарлама түрінің белгісі ретінде интернет-сауда, банк ісі және ойын бизнесі салаларында пайдаланылатын термин.

Клиенттерге бухгалтерлік және салықтық есепте кешбэк көрсету

ҚР Салық кодексінің 321-бабына сәйкес:

Жеке тұлғаның жылдық кірісіне оның табыстарының барлық түрлері (оның ішінде) салық агентінен немесе Қазақстан Республикасынан тыс жерлердегі көздерден алынған, осы баптың 1) - 16) тармақшаларында көрсетілмеген басқа да кірістері енгізіледі.

Салық кодексінің 1-бабы 1-тармағының 53) тармақшасында салық агенті – Салық кодексіне сәйкес төлем көзінен ұсталатын салықтарды есептеу, ұстап қалу және аудару жөніндегі міндет жүктелген дара кәсіпкер, жеке практикамен айналысатын адам, заңды тұлға, оның ішінде оның құрылымдық бөлімшелері, сондай-ақ бейрезидент-заңды тұлға.

Салық кодексінің 351-бабының 1-тармағына сәйкес төлем көзінен салық салуға жататын кірістер бойынша жеке табыс салығын есептеуді салық агенті салық салуға жататын кірісті есептеу кезінде жүргізеді. Салық кодексінің 320-бабының 1-тармағына сәйкес осы баптың 2-тармағында көрсетілген кірістерді қоспағанда, салық төлеушінің кірістеріне 10 пайыз мөлшерлеме бойынша салық (ЖТС) салынады.

Осылайша, тауарларды, көрсетілетін қызметтерді сатып алу кезінде жеке тұлға жұмсаған ақша қаражатының бір бөлігі жеке тұлғаға қайтарылған жағдайда, заңды тұлға салық агенті болып табылады. Бұл ретте жеке тұлға алатын мұндай ақша қаражаты жеке тұлғаның салық агентінен алатын кірісі болып танылады, осыған байланысты заңды тұлғада төлем көзінен ұсталатын салықтарды есептеу, ұстау және аудару бойынша міндеттеме туындайды. Бұл ретте салық агенті жеке тұлғаның кірістерінен есептелген жеке табыс салығының сомасын оны ұстап қалмай, өз қаражаты есебінен төлеуге құқылы.

Кешбэк сомасы жеке тұлғаның салық агентінен түсетін кірісі болып табылады және компания жеке тұлғалар үшін 10% мөлшерлеме бойынша ЖТС есептеуге және төлеуге тиіс.

Есептілік нысаны СЕН 200.00.

ҚР Салық кодексінің 165-бабына сәйкес:
ақшалай есеп айырысулар - қолма-қол ақша және (немесе) төлем карточкаларын және (немесе) мобильдік төлемдерді пайдалана отырып есеп айырысулар арқылы тауарды сатып алу, жұмыстарды орындау, қызметтерді көрсету үшін жүзеге асырылатын есеп айырысулар;

Осылайша:

жазбалар бойынша:

Сатып алушыдан сома алынды:

Дт 1284 Кт 1210

Ақшалай қаражат түсті:

Дт 1030 Кт 1284

Қызметтер есептен шығарылды:

Дт 7210 Кт 3310

Жеткізушіні жабамыз:

Дт 3310 Кт 1284

Кешбэк есептен шығарылды:

Дт 3387 (ЖТ) Кт 1284

ЖТ кірісі есептелді:

Дт 7210 Кт 3387 (ЖТ)

ЖТ кірістерінің сомасына есептелген ЖТС:

Дт 7210 (шегерімге жатпайтын шығыстар) Кт 3120 (ЖТС).