Ойын бизнесі – бұл құмар ойындарды және (немесе) бәс тігуді ұйымдастыруға және өткізуге байланысты кәсіпкерлік қызмет;

2026 жылғы 1 қаңтардан бастап ойын бизнесі

2026 жылғы 1 қаңтарға дейінгі ойын бизнесі


2026 жылғы 1 қаңтардан бастап ойын бизнесі

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

2026 жылғы 1 қаңтардан бастап Қазақстан Республикасы Туризм және спорт министрінің міндетін атқарушының № 246 бұйрығымен Ойын бизнесін ұйымдастырушы ұсынатын есептілікті жинауды және талдауды жүзеге асыру қағидаларына өзгерістер енгізілді.

Есептілік мынадай ақпаратты қамтиды:

1) ойын бизнесін ұйымдастырушының бизнес сәйкестендіру нөмірі туралы мәліметтер;
2) ойын бизнесін ұйымдастырушының атауы;
3) қызмет түрі;
4) заңды мекенжайы;
5) есепті кезеңнің басындағы ойын бизнесін ұйымдастырушы қызметкерлерінің саны туралы мәліметтер;
6) есепті кезеңнің соңында ойын бизнесін ұйымдастырушы қызметкерлерінің саны туралы мәліметтер;
7) есепті кезеңнің басындағы құмар ойындарға қатысушылардың және (немесе) бәс тігулердің (резиденттер) саны туралы мәліметтер;
8) есепті кезеңнің басындағы құмар ойындарға және (немесе) бәс тігуге (резиденттер емес) қатысушылардың саны туралы мәліметтер;
9) кезең соңындағы құмар ойындарға және (немесе) бәс тігуге (резиденттер) қатысушылардың саны туралы мәліметтер;
10) кезең соңындағы құмар ойындарға және (немесе) бәс тігуге қатысушылардың (резиденттер емес) саны туралы мәліметтер;
11) "Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы" Қазақстан Республикасының Заңның негіздері бойынша қатысушылармен іскерлік қатынастар орнатудан бас тарту саны туралы мәліметтер;
12) есепті кезеңде құмар ойындардың сол қатысушыларының ойын мекемелеріне бару саны туралы мәліметтер (10-нан аз бару, 10-нан астам бару, 50-ден астам бару);
13) есепті кезеңде ойын бизнесі саласындағы қызметпен айналысуға лицензияны пайдаланғаны үшін төленген төлемақы сомасы туралы мәліметтер;
14) "Ойын бизнесі туралы" Қазақстан Республикасының Заңында айқындалатын міндетті резервтер түріндегі әрбір лицензияға қамтамасыз ету сомасы туралы мәліметтер;
15) құмар ойындарға және (немесе) бәс тігуге қатысушыларға төленген ұтыстардың сомалары туралы мәліметтер;
16) есепті кезеңде жасалған мөлшерлемелердің жалпы сомасы туралы мәліметтер;
17) ойын жабдығының атауы мен түрі;
18) ойын жабдығының саны;
19) ойын жабдығының сериялық және (немесе) түгендеу нөмірі туралы мәліметтер;
20) ойын жабдығын өндіруші туралы мәліметтер;
21) ойын жабдығының, ойын автоматтарының техникалық жай-күйі туралы мәліметтер;
22) технологиялық тұрғыдан ойын автоматына салынған ұтыстың белгіленген пайызы туралы мәліметтер;
23) бейне жазу жүйелерінің техникалық жай-күйі туралы, оның ішінде бейне жазу жүйесінің атауы, жабдықтың саны, тестілеу күні туралы мәліметтер;
24) касса (лар) туралы, оның ішінде кассаның түрі, саны және орналасқан жері туралы мәліметтер (мекен-жайы);
25) мемлекеттік кірістер органдарында салық салу объектілерін/касса (ларды) тіркеу есебіне қою туралы мәліметтер;
26) үстелдер санының өзгеруі, жабдықты ауыстыру, оның ішінде ауыстырылған жабдықтың сериялық немесе түгендеу нөмірі туралы мәліметтер;
27) үстелдер санының өзгеруі, жабдықты ауыстыру туралы, оның ішінде лицензия алған кезде көрсетілген ойын үстелдерінің саны туралы мәліметтер;
28) үстелдер санының өзгеруі, жабдықты ауыстыру туралы мәліметтер, оның ішінде ойын үстелдерінің санын ұлғайту және қысқарту туралы ақпарат;
29) ойын бизнесін ұйымдастырушының құрылтайшылар құрамындағы бенефициарлық меншік иелері, басшылары және ойын бизнесін ұйымдастырушының бірінші басшылары туралы мәліметтер.

Сондай-ақ ойын мекемесі, букмекер кеңсесі немесе тотализатор жұмысының, мөлшерлемелер қабылдаудың және өткізілетін құмар ойындар мен (немесе) бәс тігудің үлгілік қағидаларында мыналар нақтыланады:

  • Казино, ойын автоматтары залының қызметін жүзеге асыратын ойын бизнесін ұйымдастырушылар "Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы" Қазақстан Республикасы Заңының (бұдан әрі – КЖ/ТҚ/ЖҚҚТҚҚ туралы Заң) 5-бабына сәйкес құмар ойынға қатысушыларын тиісінше тексеру жөнінде шаралар қабылдайды.

Ойын бизнесі салығын төлеушілер

Ойын бизнесіне салық салу объектілері

710.00-нысандағы декларация

Ойын бизнесіне салынатын салық мөлшерлемесі

Салықтық кезең

Декларацияны тапсыру мерзімі

Салықты есептеу

Төлеу мерзімі


Ойын бизнесі салығын төлеушілер

ҚР СК 605-бабына сәйкес ойын бизнесі саласында мынадай:

1) казино;
2) ойын автоматтары залы;
3) тотализатор;
4) букмекерлік кеңсе қызметі түрлерін жүзеге асыратын заңды тұлғалар ойын бизнесі салығын төлеушілер болып табылады.

Ойын бизнесіне салық салу объектілері

Ойын бизнесі саласындағы қызметті жүзеге асыру кезінде мыналар ойын бизнесіне салық салу объектілері болып табылады:

1) ойын үстелі;

2) ойын автоматы;

3) тотализатор кассасы;

4) тотализатордың электрондық кассасы;

5) букмекер кеңсесінің кассасы;

6) букмекер кеңсесінің электрондық кассасы.

710.00-нысандағы декларация

СЕН 710.00 - «Ойын бизнесі салығы және тіркелген салық бойынша декларация».

Декларация декларацияның өзінен (710.00-нысан) және салық салу объектілері бөлінісінде ойын бизнесіне салықты есептеу туралы ақпаратты егжей-тегжейлі көрсетуге арналған оған қосымшадан (710.01-нысан) тұрады.

710.00-нысандағы декларациясы ойын бизнесі саласындағы қызметті жүзеге асыратын салық төлеушілердің ойын бизнесі салығының сомасын есептеуге арналған.

Ойын бизнесіне салынатын салық мөлшерлемесі

1. Салық салу объектісінің бір бірлігінен (ҚР 607СК бабы) ойын бизнесі салығының мөлшерлемесі мыналарды құрайды:

1) ойын үстелі – айына айлық есептік көрсеткіштің 1 660 еселенген мөлшері;
2) ойын автоматы – айына айлық есептік көрсеткіштің 60 еселенген мөлшері;
3) тотализатор кассасы – айына айлық есептік көрсеткіштің 300 еселенген мөлшері;
4) тотализатордың электрондық кассасы – айына айлық есептік көрсеткіштің 4 000 еселенген мөлшері;
5) букмекерлік кеңсе кассасы – айына айлық есептік көрсеткіштің 300 еселенген мөлшері;
6) букмекерлік кеңсенің электрондық кассасы – айына айлық есептік көрсеткіштің 3 000 еселенген мөлшері.

Салықтық кезең

Күнтізбелік тоқсан ойын бизнесі салығы үшін салықтық кезең болып табылады.

Декларацияны тапсыру мерзімі

ҚР СК 610-бабының негізінде ойын бизнесі салығы бойынша 710.00-нысандағы декларация жекелеген қызмет түрлерін жүзеге асыратын салық төлеуші ретінде тіркеу есебінің орны бойынша салық органына есепті тоқсаннан кейінгі екінші айдың 15 күнінен кешіктірмей ұсынылады.

  • 1-тоқсан - 15 мамырдан кешіктірмей,
  • 2-тоқсан - 15 тамыздан кешіктірмей,
  • 3-тоқсан - 15 қарашадан кешіктірмей,
  • 4-тоқсан - 15 ақпаннан кешіктірмей.

Салықты есептеу

ҚР СК 609-бабында белгіленгендей, ойын бизнесі салығын есептеу, егер осы баптың 2-тармағында өзгеше белгіленбесе, әрбір салық салу объектісіне ҚР СК 606-бабында айқындалған тиісті салық мөлшерлемесін қолдану арқылы жүргізіледі.

Салық салу объектілері:

  • айдың 15-іне дейін қоса алғанда пайдалануға берілген кезде ойын бизнесі салығы – белгіленген мөлшерлеме бойынша,
  • 15-інен кейін белгіленген мөлшерлеменің 1/2 мөлшерінде есептеледі.

Салық салу объектілері:

  • айдың 15-іне дейін қоса алғанда шығып қалған кезде ойын бизнесі салығы – белгіленген мөлшерлеменің 1/2 мөлшерінде,
  • 15-інен кейін белгіленген мөлшерлеме бойынша есептеледі.

Төлеу мерзімі

Ойын бизнесі салығы есепті салықтық кезеңнен кейінгі екінші айдың 25-інен кешіктірілмей салық салу объектілерінің тіркелген жері бойынша бюджетке төленуге тиіс. (ҚР СК 611-бабы)


2026 жылғы 1 қаңтарға дейінгі ойын бизнесі

Ойын бизнесі – құмар ойындарды және (немесе) бәс тігуді ұйымдастыруға және өткізуге байланысты кәсіпкерлік қызмет. (Ойын бизнесі туралы заңның 1-бабының 11-тармағы)

Ойын бизнесі саласындағы қызмет түрлері

Ойын бизнесі саласындағы қызметті лицензиялау

Ойын бизнесі салығын төлеушілер

Ойын бизнесіне салық салу объектілері

710.00-нысандағы декларация

Ойын бизнесіне салынатын салық мөлшерлемесі

Салық кезеңі

Декларацияны тапсыру мерзімі

Салықты есептеу

Төлеу мерзімі

Ойын бизнесі саласындағы қызмет түрлері

Ойын бизнесі туралы заңның 6-бабына сәйкес Қазақстан Республикасында ойын бизнесі саласындағы қызметтің мынадай түрлері жүзеге асырылады:

1) казино;
2) ойын автоматтары залы;
3) букмекер кеңсесі;
4) тотализатор.

Ойын бизнесі саласындағы қызметті лицензиялау

Ойын бизнесі саласындағы қызметті лицензиялау Ойын бизнесі туралы заңның 9-бабында атап көрсетілгендей, Ойын бизнесі туралы заңға және Қазақстан Республикасының рұқсаттар және хабарламалар туралы заңнамасына сәйкес жүзеге асырылады жүзеге асырылады.

Лицензиялық алымның, қызметтің жекелеген түрлерімен айналысуға арналған лицензияларды пайдаланғаны үшін төлемақының мөлшері, есептеу және төлеу тәртібі «Салық және бюджетке төленетін басқа да міндетті төлемдер туралы» Қазақстан Республикасының Кодексінде (Салық кодексі) айқындалады.

Лицензиялар туралы деректер лицензиардың электрондық тізіліміне енгізіледі.

Ойын бизнесі салығын төлеушілер

ҚР Салық кодексінің 534-бабына сәйкес мынадай:

1) казино;
2) ойын автоматтары залы;
3) тотализатор;
4) букмекерлік кеңсе қызметтерін көрсету жөніндегі қызметті жүзеге асыратын заңды тұлғалар ойын бизнесі салығын төлеушілер болып табылады.

Ойын бизнесіне салық салу объектілері

ҚР Салық кодексінің 535-бабы негізінде ойын бизнесі саласындағы қызметті жүзеге асыру кезінде ойын бизнесіне салықты салу объектілері:

1) ойын үстелі;
2) ойын автоматы;
3) тотализатордың кассасы;
4) тотализатордың электрондық кассасы;
5) букмекерлік кеңсенің кассасы;
6) букмекерлік кеңсенің электрондық кассасы болып табылады.

710.00-нысандағы декларация

СЕН 710.00 - «Ойын бизнесі салығы және тіркелген салық бойынша декларация».

Декларация ойын бизнесі салығын, сондай-ақ қосылған құн салығы бойынша есептеуге арналған.

Декларация декларацияның өзінен (710.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшадан (710.01-нысан) тұрады.

710.00-нысандағы декларациянын ҚР СК 534-бабына сәйкес ойын бизнесі саласындағы қызметті жүзеге асыратын, сондай-ақ олар бойынша Салық кодексінің 82 және 83-баптарына сәйкес қосылған құн салығы бойынша тіркеу есебіне қою жүргізілген заңды тұлғалар жасайды.

Ойын бизнесіне салынатын салық мөлшерлемесі

1. Салық салу объектісінің бір бірлігінен Ойын бизнесі салығының мөлшерлемесі мыналарды құрайды (ҚР СК 536-бабы):

1) ойын үстелі - айына айлық есептік көрсеткіштің 1 660 еселенген мөлшері;
2) ойын автоматы - айына айлық есептік көрсеткіштің 60 еселенген мөлшері;
3) тотализатор кассасы - айына айлық есептік көрсеткіштің 300 еселенген мөлшері;
4) тотализатордың электрондық кассасы - айына айлық есептік көрсеткіштің 4000 еселенген мөлшері;
5) букмекер кеңсесінің кассасы - айына айлық есептік көрсеткіштің 300 еселенген мөлшері;
6) букмекер кеңсесінің электрондық кассасы - айына айлық есептік көрсеткіштің 3000 еселенген мөлшері.

2. Осы баптың 1-тармағында белгіленген салық мөлшерлемелері республикалық бюджет туралы заңда белгіленген және салықтық кезеңнің 1-күні қолданыста болатын айлық есептік көрсеткіш мөлшері негізге алына отырып айқындалады.

Салық кезеңі

Күнтізбелік тоқсан ойын бизнесі салығы үшін салық кезеңі болып табылады.

Декларацияны тапсыру мерзімі

Салық кодексінің 541-бабының негізінде 710.00-нысандағы Ойын бизнесі салығы бойынша декларация жекелеген қызмет түрлерін жүзеге асыратын салық төлеуші ретінде тіркеу есебінің орны бойынша салық органына есепті тоқсаннан кейінгі екінші айдың 15-күнінен кешіктірмей тапсырылады.

  • 1-тоқсан - 15 мамырдан кешіктірмей,
  • 2-тоқсан - 15 тамыздан кешіктірмей,
  • 3-тоқсан - 15 қарашадан кешіктірмей,
  • 4-тоқсан - 15 ақпаннан кешіктірмей.

Салықты есептеу

Салық кодексінің 538-бабында атап көрсетілгендей, ойын бизнесі салығын есептеу, егер ҚР СК 538-бабының 2-тармағында өзгеше белгіленбесе, осы Кодекстің 535-бабына сәйкес әрбір салық салу объектісіне тиісті салық мөлшерлемесін қолдану жолымен жүргізіледі.

Салық салу объектілерін пайдалануға беру кезінде

  • айдың 15-ін қоса алғанға дейін ойын бизнесі салығы белгіленген мөлшерлеме бойынша есептеледі,
  • 15-күннен кейін - белгіленген мөлшерлеменің 1/2 мөлшерінде.

Салық салу объектілері істен шыққан кезде

  • айдың 15-ін қоса алғанға дейін ойын бизнесі салығы белгіленген мөлшерлеменің 1/2 мөлшерінде есептеледі,
  • 15-күнінен кейін - белгіленген мөлшерлеме бойынша.

Төлеу мерзімі

Ойын бизнесі салығы есепті салық кезеңінен кейінгі екінші айдың 25-інен кешіктірілмей салық салу объектілерінің тіркелген жері бойынша бюджетке төленуге тиіс. (Салық кодексінің 542-бабы)

ҚР ҚМ 2018 жылғы 19 наурыздағы № 388 бұйрығымен бекітілмегендіктен ойын бизнесі салығы бойынша салық тіркелімінің нысаны дербес әзірленеді.

«Ойын бизнесі салығы және тіркелген салық бойынша декларация (710.00-нысан)» салық есептілігін жасау қағидалары

 

Возврат к списку