Еңбекші көшіп келушілер - бұл еңбекші көшіп келушіге берілген рұқсаттың негізінде жұмыс беруші жеке тұлғалардың үй шаруашылығында жұмыстарды орындау (қызметтер көрсету) мақсатында Қазақстан Республикасына үй қызметкері ретінде келген көшіп келушілер. («Халықтың көші-қоны туралы» ҚР Заңының 34-бабы).

Еңбекші көшіп келушілер қандай санаттарға бөлінеді

Еңбекші көшіп келушілердің келу және болу шарттары

Еңбекші көшіп келушіге рұқсат беру тәртібі

Еңбекші көшіп келушіге рұқсат беру, ұзарту және қайтарып алу қағидалары

Еңбекші көшіп келушілердің санаттары

«Халықтың көші-қоны туралы» ҚР Заңының 34-бабына сәйкес - Еңбек қызметін жүзеге асыру мақсатында келетін көшіп келушілер мынадай санаттарға бөлінеді:

1) мыналар:

• экономиканың басым салаларында (экономикалық қызмет түрлерінде) сұранысқа ие кәсіптер бойынша өз бетінше жұмысқа орналасу үшін келген;
• Қазақстан Республикасының аумағында еңбек қызметін жүзеге асыру үшін жұмыс берушілер тартатын, оның ішінде корпоративішілік ауыстыру шеңберінде келген шетелдік жұмыскерлер – көшіп келушілер;

2) бизнес-көшіп келушілер - Қазақстан Республикасының заңнамасына сәйкес кәсіпкерлік қызметті жүзеге асыру мақсатында келген көшіп келушілер;

3) маусымдық шетелдік жұмыскерлер - халықтың көші-қоны мәселелері жөніндегі уәкілетті орган мемлекеттік басқарудың тиісті саласына басшылықты жүзеге асыратын уәкілетті мемлекеттік органдармен келісу бойынша бекітетін кәсіптер тізбесіне сәйкес, климат немесе өзге де табиғат жағдайларына байланысты белгілі бір кезең (маусым) ішінде атқарылатын маусымдық жұмыстарды орындау үшін жұмыс берушілер бір жылдан аспайтын мерзімге жұмысқа тартатын көшіп келушілер;

Еңбек қызметін жүзеге асыру мақсатында келген көшіп келушілер:

1) Қазақстан Республикасының аумағында болатын көшіп келушілерге қатысты Қазақстан Республикасының заңдарында көзделген міндеттерді атқарады;

2) егер одан әрі болу үшін заңды негіздері болмаса, рұқсаттар мерзімі аяқталғаннан кейін Қазақстан Республикасынан кетуге міндетті.

2. Маусымдық жұмыскерден басқа, Қазақстан Республикасына келген шетелдік жұмыскер:

2) жұмысқа орналасуға рұқсат алу туралы өтінішхат беруге рұқсат беру мерзімі аяқталғаннан кейін еңбек қызметін жүзеге асыру үшін жұмыс беруші тартатын.

Еңбекші көшіп келушілердің келу және болу шарттары

1. Еңбекші көшіп келушілер мынадай талаптарға сәйкес келуі:

1) Қазақстан Республикасында кемінде үш ай мерзімде визасыз болу мүмкіндігін көздейтін визасыз келу және болу тәртібі туралы Қазақстан Республикасы келісім жасасқан елдердің азаматтары болып табылуы;

2) кәмелеттік жаста болуы;

4) соттылығының бар не жоқ екендігінің растамасын ұсынуы;

5) таңдаған мамандығы бойынша еңбек қызметіне кедергі болатын ауруларының жоқ екендігін растайтын медициналық анықтамасын ұсынуы;

6) медициналық-санитариялық алғашқы көмекті, стационарлық көмекті жабатын медициналық сақтандырудың болуы;

7) Қазақстан Республикасының заңнамасына сәйкес дактилоскопиялық тіркеуден өтуге тиіс.

2. Еңбекші көшіп келушілерге уақытша тұруға арналған рұқсатты ішкі істер органдары Қазақстан Республикасының Үкіметі белгілеген тәртіппен береді және еңбекші көшіп келушіге берілген рұқсаттың қолданылу мерзіміне ұзартады.

Еңбекші көшіп келушінің ҚР-да үзіліссіз уақытша тұруының ең ұзақ мерзімі он екі айдан аспауға тиіс.

Еңбекші көшіп келушіге рұқсат беру тәртібі

Еңбекші көшіп келушіге рұқсат - жұмыс беруші жеке тұлғалардан үй шаруашылығында жұмыстарды орындау (қызметтер көрсету) үшін еңбекші көшіп келушіге ішкі істер органдары беретін белгіленген нысандағы құжат;

1. Рұқсат беру туралы өтініште көрсетілген мерзімге еңбекші көшіп келушіге рұқсат беріледі және ол бір айдан он екі айға дейінгі мерзімді құрауы мүмкін.

Еңбекші көшіп келушіге рұқсат берудің ең ұзақ мерзімі он екі айдан аспауға тиіс.

Еңбекші көшіп келушіге жаңа рұқсат алдыңғы рұқсаттың мерзімі аяқталғанға дейін беріледі.

Еңбекші көшіп келушіге рұқсат оның Қазақстан Республикасының аумағында болуының заңдылығын, сондай-ақ рұқсат алуға берілген өтініште көрсетілген кезеңге жеке табыс салығы бойынша алдын ала төлемнің төленгенін растайтын құжаттар ұсынылған кезде беріледі.

2. Еңбекші көшіп келушінің өтініші бойынша еңбекші көшіп келушіге рұқсат өтініште көрсетілген мерзімге бірнеше рет ұзартылады және ол бір, екі немесе үш айды құрауы мүмкін.

Еңбекші көшіп келушіге рұқсат алдыңғы кезеңде жұмыс беруші жеке тұлғалардың үй шаруашылығында жұмыстарды орындағанын (қызметтер көрсеткенін), сондай-ақ еңбекші көшіп келушіге берілген рұқсат ұзартылатын кезеңге жеке табыс салығы бойынша алдын ала төлемнің төленгенін растайтын құжаттар ұсынылған кезде ұзартылады.

3. Еңбекші көшіп келушіге рұқсатты беру, ұзарту және кері қайтарып алу тәртібін халықтың көші-қоны мәселелері жөніндегі уәкілетті орган айқындайды.

3-1. Еңбекші көшіп келушіге рұқсат беру кезінде уақытша тұруға рұқсат ресімделеді, еңбекші көшіп келушінің дакто-, фотоесептері қалыптастырылады.

Еңбекші көшіп келушінің дакто-, фотоесептерін қалыптастыру және жүргізу тәртібін Қазақстан Республикасының Ішкі істер министрлігі айқындайды.

4. Еңбекші көшіп келушіге берілген рұқсат көшіп келушінің жұмыс беруші жеке тұлғалардың үй шаруашылығында жұмыстарды орындау (қызметтер көрсету) бойынша еңбек шартын жасасуы үшін негіз болып табылады.

5. Бір жұмыс беруші жеке тұлғаның бір мезгілде бестен көп еңбекші көшіп келушімен үй шаруашылығында жұмыстар орындау (қызметтер көрсету) бойынша еңбек шарттарын жасасуына жол берілмейді.

6. Еңбекші көшіп келушіге рұқсат еңбекші көшіп келушіге ол берілген әкімшілік-аумақтық бірлік аумағында жұмыс беруші жеке тұлғаның үй шаруашылығында жұмыстар орындауға (қызметтер көрсетуге) құқық береді.

Еңбекші көшіп келушіге рұқсат беру, ұзарту және қайтарып алу қағидалары

2022 жылдың 30 сәуірінен бастап еңбекші көшіп келушіге рұқсат беру, ұзарту және қайтарып алудың жаңа Ережелері бекітілді

Қазақстан Республикасы Еңбек және халықты әлеуметтік қорғау министрінің 2022 жылғы 15 сәуірдегі № 123 бұйрығымен Еңбекші көшіп келушіге рұқсат беру, ұзарту және қайтарып алу қағидалары бекітілді.

Аталған қызметті енді аумақтық полиция органдары ХҚКО-да көрсететін болады.

Ереже «Шетелдік жұмыс күші» автоматтандырылған ақпараттық жүйесіне құжаттардың электрондық көшірмелерін қоса бере отырып, «электрондық үкімет» веб-порталы арқылы қызметті алу мүмкіндігімен толықтырылды.

Онлайн қызметті қалай алуға болады

1. Порталда авторланып, «Қызметке онлайн тапсырыс беру» батырмасын басыңыз.
2. Барлық міндетті өрістерді толтырып, файлдарды тіркеңіз.
3. Өтінімге ЭЦҚ (электрондық цифрлық қолтаңба) не смс-парольдің көмегімен қол қойыңыз (міндетті түрде мобильді азаматтар базасында тіркелу қажет).
4. Жеке кабинетте («Қызметтерді алу тарихы» бөлімінде) көрсетілген уақыт ішінде келіп түсетін өтініміңізді өңдеу туралы хабарламамен танысыңыз.

Қызметті мемлекеттік органнан не «Азаматтарға арналған үкімет мемлекеттік корпорациясы» КЕАҚ-нан қалай алуға болады: (қажетті құжаттар):

Алғашқы жүгінген кезде:

• Еңбекші көшіп келушіге рұқсат беру туралы өтініш.
• Жеке табыс салығы бойынша алдын ала төлем төленгені туралы түбіртек (сканерден кейін көрсетілетін қызметті алушыға қайтарылады).
• Мемлекеттік шекараны кесіп өткені туралы белгісі бар паспорт (сканерден кейін көрсетілетін қызметті алушыға қайтарылады).
• Таңдаған мамандығы бойынша еңбек қызметіне кедергі келтіретін аурулардың жоқтығын растайтын шетелдікті медициналық куәландыру туралы анықтама (075/е нысанды медициналық анықтама).
• 6-нысан бойынша дактилоскопиялаудан өткені және суретке түскені туралы анықтама (көшіп келушінің алдыңғы күнтізбелік жыл ішінде еңбек рұқсатын алғаны туралы мәліметтер болған кезде дактилоскопиялау және суретке түсіру жүргізілмейді).
• Медициналық сақтандыру (сканерден кейін көрсетілетін қызметті алушыға қайтарылады).
• «Қазақстан Республикасында уақытша болатын шетелдіктер мен азаматтығы жоқ адамдарға уақытша тұруға рұқсат беру» белсенді мемлекеттік қызмет көрсетілген жағдайда Қазақстан Республикасының Еңбек кодексіне сәйкес жұмыс беруші мен көрсетілетін қызметті алушы арасында жасалған еңбек шарты (сканерден кейін көрсетілетін қызметті алушыға қайтарылады).

Қазақстан Республикасының аумағында уақытша тұратын жері бойынша Мемлекеттік корпорацияға жүгінген кезде рұқсатты ұзарту үшін:

• Еңбекші көшіп келушіге рұқсатты ұзарту туралы өтініш.
• Жеке табыс салығы бойынша алдын ала төлем төленгені туралы түбіртек (сканерден кейін көрсетілетін қызметті алушыға қайтарылады).
• Еңбекші көшіп келушіге бұрын берілген рұқсат.
• Қазақстан Республикасының Еңбек кодексіне сәйкес жұмыс беруші мен көрсетілетін қызметті алушы арасында жасалған еңбек шарты (сканерден кейін көрсетілетін қызметті алушыға қайтарылады).
• Медициналық сақтандыру (сканерден кейін көрсетілетін қызметті алушыға қайтарылады).

Қызмет көрсету нәтижесі:

Еңбекші көшіп келушіге рұқсат беру және ұзарту немесе мемлекеттік қызмет көрсетуден дәлелді бас тарту.

Мемлекеттік көрсетілетін қызмет нәтижесін ұсыну нысаны: электрондық және (немесе) қағаз түрінде.