Нысаналы жарналар – жылдық шығыстар сметасында көзделмеген қосымша іс-шараларды төлеу үшін жиналыстың шешімі бойынша пәтерлердің, тұрғын емес үй-жайлардың, тұрақ орындарының, қоймалардың меншік иелері салатын ақша; (Тұрғын үй қатынастары туралы ҚР Заңының 2-бабы).

100.00 нысанында МИК нысаналы жарналарын көрсету

Салық кодексінің 289-бабына сәйкес:

1. Акционерлiк қоғамдарды, мекемелердi және көппәтерлі тұрғын үй мүлкінің меншік иелерi бірлестігінен басқа тұтыну кооперативтерiн қоспағанда, Қазақстан Республикасының азаматтық заңнамасында коммерциялық емес ұйым үшін белгіленген нысанда тіркелген, қызметiн қоғамдық мүдденi көздеп жүзеге асыратын және мынадай шарттарға сай келетiн:

1) кіріс ретінде кіріс алу мақсаты жоқ;

2) алынған таза кірісті немесе мүлiктi қатысушылар арасында бөлмейтiн ұйым осы Кодекстiң мақсаттары үшiн коммерциялық емес ұйым болып танылады.

2. Осы баптың 1-тармағында көрсетілген шарттар сақталған кезде коммерциялық емес ұйымның мына кірістері жылдық жиынтық кірістен алып тасталуға жатады:

• көппәтерлі тұрғын үй пәтерлері, тұрғын емес үй-жайлары меншік иелерінің жарналары;

Пөппәтерлі тұрғын үйдің пәтерлері, тұрғын емес үй-жайлары меншік иелерінің жарналары деп мыналар танылады:

• пәтерлер, көппәтерлі тұрғын үйдің тұрғын емес үй-жайлары меншік иелерінің кондоминиум объектісінің ортақ мүлкіне күрделі жөндеу жүргізу үшін ақша жинақтауға бағытталған міндетті шығыстары;
• көппәтерлі тұрғын үйдің пәтерлері, тұрғын емес үй-жайлары меншік иелерінің кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстарды жабуға бағытталған міндетті шығыстары;
• көппәтерлі тұрғын үйдің пәтерлері, тұрғын емес үй-жайлары меншік иелерінің нысаналы жарналарды төлеуге арналған шығыстары;

Салық кодексінің 241-бабының 1-тармағына сәйкес, егер осы баптың 2-тармағында өзгеше белгіленбесе, салық төлеушілердің жылдық жиынтық кірісінен:

23) осы Кодекстің 289-бабында белгіленген шарттар сақталған кезде, коммерциялық ұйымның осы Кодекстің 289-бабының 2-тармағында көзделген кірістері алып тасталуға жатады.

Қазақстан Республикасы Премьер-Министрінің бірінші орынбасары - Қазақстан Республикасы Қаржы министрінің 2020 жылғы 20 қаңтардағы № 39 бұйрығымен бекітілген «Корпоративтік табыс салығы бойынша декларация (100.00-нысан)» салық есептілігін жасау қағидаларының негізінде:

• 100.00.013-жолында Салық кодексінің 289-бабы 2-тармағында көрсетілген коммерциялық емес ұйымның табыстары көрсетіледі;
• 100.00.016-жолында Салық кодексінің 241-бабы 1-тармағына сәйкес жылдық жиынтық кірісті түзетудің жалпы сомасы көрсетіледі;
• 100.00.016 I - 100.00.016 V жолдарында оған сәйкес жиынтық табыс салығын түзету жүргізілетін Салық кодексінің ережесі, сондай-ақ осындай түзету сомасы көрсетіледі;
• 100.10.005-жолында кондоминиум қатысушыларының жарналары түрінде алынған кірістердің сомасы көрсетіледі;

Осылайша, МИК-ның СЕН 100.00 нысаналы жарналарын 100.00.013, 100.00.016 және 100.10.005-жолдарында көрсетіңіз.