«Репо» операциясы - бір мезгілде жасалатын, орындалу мерзімдері бойынша ерекшеленетін және бір шығарылымның «репо» операциясының мәні болып табылатын, тараптары бір тұлға («репо» операциясының қатысушылары) болып табылатын бағалы қағаздармен бір-біріне қарама-қарсы мәмілелердің жиынтығы;

Орталық депозитарийдің есепке алу жүйесінде эмиссиялық бағалы қағаздармен мәмілелерді тіркеу, эмитенттердің эмиссиялық бағалы қағаздар бойынша міндеттемелері бойынша талап ету құқықтарын басқаға беру, жеке шоттан үзінді көшірме беру қағидаларының 44-тармағына сәйкес

«Репо» операциясы былайша бөлінеді:

«репо» ашу - осы мәміле сомасында «репо» операциясына қатысушылардың бірінен екіншісіне ақша аударуды және бағалы қағаздардың белгілі бір санын «репо» операциясына екінші қатысушыға беруді көздейтін бағалы қағаздарды сатып алу-сату мәмілесі;

«репоны» жабу - «репо» операциясының екінші қатысушысынан осы мәміле сомасындағы ақшаны біріншісіне беруді және «репо» операциясының бірінші қатысушысының сол шығарылымдағы бағалы қағаздар санын екіншісіне қайтаруды көздейтін «репо» ашу мәмілесі жағдайындағыдай бағалы қағаздарды сатып алу-сату мәмілесі.

Бір номиналды ұстаушының клиенттері арасында «репо» ашуды жүргізу кезінде бағалы қағаздар сатушының жеке шотының «негізгі» бөлімінен сатып алушының жеке шотының «негізгі» бөліміне аударылады. Бір номиналды ұстаушының клиенттері арасында «репоны» жабу кезінде бағалы қағаздар сатып алушының жеке шотының «негізгі» бөлімінен сатушының жеке шотының «негізгі» бөліміне аударылады.

44-1. Клиенттің бұйрығы немесе биржалық куәлік репо операциясын жүргізуге негіз болады.

44-2. «Репо» операциялары жасау әдісі бойынша былайша жіктеледі:

1) ұйымдастырылмаған нарықта жасалатын «репо» операциялары;

2) ұйымдастырылған нарықта тікелей тәсілмен жасалатын «репо» операциялары;

3) ұйымдастырылған нарықта орталық контрагенттің қызметтерін пайдаланбай автоматты тәсілмен жасалатын «репо» операциялары;

4) орталық контрагенттің қызметтерін пайдалана отырып, автоматты тәсілмен ұйымдастырылған нарықта жасалатын «репо» операциялары.

44-3. Репо операциялары орталық депозитарийдің ережелер жинағында айқындалған тәртіппен тіркеледі.

«Репо» операциялары бойынша сыйақы түріндегі табысты салық есептілігінде көрсету

ҚР Салық кодексінің 1-бабы 1-тармағының 62) тармақшасына сәйкес сыйақы - бұл репоны ашу бағасы мен жабу бағасы арасындағы айырма түріндегі репо операциялары бойынша төлемдер.

Репо операциялары бойынша сыйақылар ҚР Салық кодексінің 307-бабы 2-тармағының 10) тармақшасына сәйкес төлем көзінен салық салуға жатпайды.

ҚР Салық кодексінің 227-бабы 4-тармағының 1-тармақшасына сәйкес қызмет көрсетуден түскен кіріске репо операциялары бойынша сыйақы түріндегі кіріс те жатады.

ҚР СК 315-бабының 1-тармағына сәйкес Қазақстан Республикасындағы көздерден тек қана төлем көзiнен салық салуға жататын кірістер алатын және Қазақстан Республикасында қызметiн тұрақты мекеме арқылы жүзеге асырмайтын бейрезиденттi қоспағанда, корпоративтік табыс салығын төлеушi, егер осы бапта өзгеше белгіленбесе, тұрған жеріндегі салық органына СЕН 100.00 корпоративтік табыс салығы бойынша декларацияны есептi салықтық кезеңнен кейiнгi жылдың 31 наурызынан кешiктiрмей тапсырады.

Корпорациялық табыс салығы бойынша декларация (100.00-нысан) салық есептілігін жасау қағидалары 16-тармақта «Жылдық жиынтық табыс» бөлімінде айқындалған:

1) 100.00.001-жолында Салық кодексінің 227-бабына сәйкес айқындалатын өткізуден кіріс сомасы көрсетіледі, оның ішінде:

100.00.001 І жолында кредит (қарыз, микрокредит), репо операциялары бойынша сыйақы түріндегі кіріс көрсетіледі;

Осылайша, репо операциялары бойынша сыйақы түріндегі кіріс 31 наурыздан кешіктірілмей орналасқан жері бойынша салық органына берілетін СЕН 100.00 корпоративтік табыс салығы бойынша декларацияның 100.00.001 І жолында көрсетіледі. СЕН 100.00 бойынша төлеуге есептелген КТС-ты бюджетке 10 сәуірге дейін аудару қажет.