ҚР ЕК 1-бабы 1-тармағының 13-тармақшасына сәйкес: Демалыс - жұмыс орны (лауазымы) мен осы Кодексте белгіленген жағдайларда орташа жалақысын сақтай отырып, жұмыскердің жыл сайынғы демалуын қамтамасыз ету немесе әлеуметтік мақсаттар үшін жұмыскерді белгілі бір кезеңге жұмыстан босату.

ҚР Еңбек кодексінің 87-бабына сәйкес демалыстар мынадай түрлерге бөлінеді:

1) жыл сайынғы ақы төленетін еңбек демалыстары;

2) әлеуметтік демалыстар.

Әлеуметтік демалыс деп ана болуға, скринингтік зерттеулерден өтуге, балалар күтіміне, өндірістен қол үзбей білім алуға қолайлы жағдайлар жасау мақсатында және өзге де әлеуметтік мақсаттар үшін жұмыскерді белгілі бір кезеңге жұмыстан босату түсініледі.

Жұмыскерлерге әлеуметтік демалыстардың мынадай түрлері беріледі:

  • оқу демалысы;

Осылайша, оқу демалысы – бұл жұмыскерге өндірістен қол үзбей білім алу үшін берілетін әлеуметтік демалыстың бір түрі.

ҚР Еңбек кодексінің 98-бабы негізінде:

1. Білім беру ұйымдарында оқып жүрген жұмыскерлерге сынақтар мен емтихандарға дайындалу және оларды тапсыру, зертханалық жұмыстарды орындау, дипломдық жұмысты (жобаны) дайындау және қорғау, әскери оқытылған резервті даярлау бағдарламаларынан өту үшін оқу демалыстары беріледі.

2. Оқу демалысына ақы төлеу келісімдерде, ұжымдық, еңбек шарттарында, оқу шартында айқындалады.

3. Жұмыс беруші "Болашақ" халықаралық стипендиясы шеңберінде шетелге оқуға, тағылымдамаға жіберілген жұмыскерлерге жұмыс орнын (лауазымын) сақтай отырып, оқу демалыстарын береді.

Оқу демалысын беру кезіндегі қадамдар

1. Жұмыскердің өтініші

Білім беру ұйымдарында оқитын жұмыскерлерге сынақтар мен емтихандарды дайындау және тапсыру, зертханалық жұмыстарды орындау, дипломдық жұмысты (жобаны) дайындау және қорғау, әскери оқытылған резервті даярлау бағдарламаларынан өту үшін оқу демалыстары беріледі.

2. Оқу демалысына ақы төлеу

Ақы төлеу, егер ол келісімдерде, ұжымдық, еңбек шарттарында, оқыту шартында көзделген жағдайда ғана жүргізіледі.

3. Оқу демалысына бұйрық шығару (оқу демалысына ақы төлеу көзделмеген жағдайда бұйрық шығару - 2-қадам).

Оқу демалысын беру туралы бұйрық. Бұйрық нысаны Құжаттаудың үлгілік қағидаларында айқындалған

  Құжат

                     Формат

                     Өлшемі

Жоғары тұрған органның

ресми атауы

Ұйымның

ресми атауы

(мемлекеттік тілде)

БҰЙРЫҚ

ҚР Елтаңбасы

    немесе эмблема

Жоғары тұрған органның

ресми атауы

Ұйымның

Ресми атауы

(орыс немесе өзге тілде)

        ПРИКАЗ

   2018 жылғы 05 қаңтар                № 04-Л/С

   Алматы қаласы                                                     город Алматы

Жалақысы сақталмайтын демалыс туралы

2018 жылғы 08-30 қаңтар аралығында техникалық бөлімнің технигі Петр Николаевич Сидоркинге оқу демалысын (ақы төлеумен/ақысыз-көрсету керек) беруді бұйырамын.

Негіздеме: Сидоркиннің 05.01.2018 жылғы жеке өтініші.

Бас директор                    Қолы, мөр бедері                            М.Б. Абаев

Бұйрықты ресімдеді                                                                   Бұйрықпен таныстым

_______________                                                                         __________________

Жұмыскердің оқу демалысын беруге өтінішінің үлгісі.

 

«Премиум» ЖШҚ
Бас директоры
М.Б. Абаевқа

Техникалық бөлімнің

технигі

П.Н. Сидоркиннен

Өтініш

Сынақтар мен емтихан сессиясын дайындау және тапсыру үшін 2018 жылғы 8-30 қаңтар аралығында оқу демалысын беруіңізді сұраймын.

2018 жылғы «05» қаңтар

 

Возврат к списку