Кадрлық қызметкері (кадрлар бөлімінің маманы, персонал жөніндегі менеджер немесе кадрлар жөніндегі инспектор) – кадрлық іс жүргізумен, кадрларды есепке алумен, кадрларды іріктеумен айналысатын және кәсіпорынның кадр саясатын қалыптастыруға жауапты компания жұмыскері.

Бұл кәсіптің мынадай атаулары бар: кадрлар жөніндегі менеджер, HR-менеджер, Кадрлар бөлімінің инспекторы, Кадрлар жөніндегі маман.

Өз қызметінің ерекшелігі бойынша кадрлық қызметкер:

– персоналды есепке алу және оның қозғалысы жөніндегі құжаттаманы жүргізу жөніндегі заңнамалық және нормативтік құқықтық актілерді, әдістемелік материалдарды;

– еңбек заңнамасын;

– кәсіпорынның құрылымы мен штаттарын;

– кәсіпорын жұмыскерлерінің еңбек кітапшалары мен жеке істерін ресімдеу, жүргізу және сақтау тәртібін;

- жұмысшылар кәсіптері мен қызметшілер лауазымдарының атауларын, жалпы және үздіксіз жұмыс өтілін, жеңілдіктерді, өтемақыларды белгілеу, жұмыскерлерге зейнетақы ресімдеу тәртібін;

- кадрлардың қозғалысын есепке алу және белгіленген есептілікті жасау тәртібін;

- кәсіпорынның персоналы туралы деректер банкін жүргізу тәртібін;

- іс жүргізу негіздерін;

- есептеу техникасын, коммуникация және байланыс құралдарын;

- еңбек заңнамасының негіздерін;

- еңбекті қорғау ережелері мен нормаларын білуі тиіс.

Кадрлық қызметкердің лауазымдық міндеттеріне мыналар кіреді:

• Бастапқы есепке алу құжаттамасының біріздендірілген нысандарына сәйкес кәсіпорынның, оның бөлімшелерінің жеке құрамын есепке алуды жүргізу.
• Еңбек заңнамасына, кәсіпорын басшысының ережелері мен бұйрықтарына, сондай-ақ кадрлар бойынша басқа да белгіленген құжаттамаға сәйкес жұмыскерлерді қабылдауды, ауыстыруды және жұмыстан шығаруды ресімдеу.
• Жұмыскерлердің жеке істерін қалыптастыру және жүргізу, оларға еңбек қызметіне байланысты өзгерістер енгізу.
• Біліктілік, аттестациялық, конкурстық комиссиялар үшін қажетті материалдарды дайындау және жұмыскерлерді көтермелеу мен марапаттауға ұсыну. Еңбек кітапшаларын толтырады, есепке алады және сақтайды, еңбек өтілін есептейді, жұмыскерлердің қазіргі және бұрынғы еңбек қызметі туралы анықтамалар береді.
• Жұмыс істеушілерді көтермелеу және марапаттау туралы еңбек кітапшаларына жазба жасайды.
• Жұмыскерлердің сандық, сапалық құрамы және олардың қозғалысы туралы ақпаратты кәсіпорынның персоналы туралы деректер банкіне енгізу, оның уақтылы жаңартылуы мен толықтырылуын қадағалау.
• Жұмыскерлерге демалыс беру есебін жүргізу, кезекті демалыс кестелерінің жасалуы мен сақталуын бақылауды жүзеге асыру.
• Зейнетақы сақтандыру карточкаларын ресiмдеу, кәсiпорын жұмыскерлерi мен олардың отбасыларына зейнетақы тағайындау, жеңiлдiктер мен өтемақылар белгiлеу үшiн қажеттi басқа да құжаттар.
• Кадрлардың тұрақтамау себептерін зерделеу, оны төмендету жөніндегі іс-шараларды әзірлеуге қатысу.
• Құжаттарды ағымдағы сақтаудың белгіленген мерзімі өткеннен кейін мұрағатқа сақтауға тапсыруға дайындау.
• Ұйымның бөлімшелерінде еңбек тәртібінің жай-күйін және жұмыскерлердің ішкі еңбек тәртібі қағидаларын сақтауын бақылауды жүзеге асыру.
• Белгіленген есептілікті жасау және жүргізу.