Қайта тiркеу – бұл белгiлi бiр iс-әрекеттер жүргiзiлгеннен кейiн тiркеу құжаттарына өзгерiстер енгiзудi тiркеу.

Қайта тiркеудiң қайта ұйымдастырудан басты айырмашылығы жүргiзiлетiн өзгерiстердiң сипаты болып табылады. Мысалы, атауын өзгерткен соң кәсіпорынды қайта ұйымдастырудың қажеті жоқ, бірақ қайта тіркеу міндетті болады. Сондай-ақ егер қатысушылардың/құрылтайшылардың құрамы өзгерсе, қайта тiркеу қажет, ал қосылған/біріккен/бөлiнген/бөлiнiп шыққан/қайта құрылған кәсiпорынды басқа заңды нысандарға қайта құрған жағдайда қайта ұйымдастыру қажет.

Егер қайта ұйымдастыру кезінде жаңа заңды тұлғалар бөлінсе, оларды тіркеу қажет екенін ескеру қажет. Көбінесе, қайта ұйымдастыру нәтижесінде қайта тіркеу талап етілуі мүмкін.

Қандай жағдайларда қайта тіркеу қажет

Заңды тұлғаны қайта тіркеу тәсілдері

«Азаматтарға арналған үкімет» мемлекеттік корпорациясы» КЕАҚ-да қайта тіркеу үшін құжаттардың тізбесі

Тіркеу жарнасының мөлшері

Қайта тіркеуден кейін қандай құжаттар болуы тиіс

Жауапкершілік

Қандай жағдайларда қайта тіркеу қажет

Азаматтық Кодекстің 42-бабына сәйкес заңды тұлға мынадай жағдайларда:

• жарғылық капиталдың мөлшері азайтылған;
• атауы өзгергенде;
• шаруашылық серiктестiктерiндегi қатысушылардың құрамы өзгергенде (шаруашылық серiктестiгi қатысушыларының тiзiлiмiн жүргiзудi бағалы қағаздарды ұстаушылар тiзiлiмдерiнiң жүйесiн жүргiзу жөнiндегі қызметтi жүзеге асыратын бағалы қағаздар рыногының кәсiби қатысушысы жүзеге асыратын шаруашылық серiктестiктерiн қоспағанда) қайта тiркелуге тиiс.

Филиалдар мен өкiлдiктер атаулары өзгерген жағдайда қайта тiркелуге жатады.

Заңды тұлғаны қайта тiркеусiз көрсетiлген негiздер бойынша құрылтай құжаттарына енгiзiлген өзгерiстер жарамсыз болып табылады.

Заңды тұлғаны қайта тіркеу тәсілдері

Заңды тұлғаларды қайта тіркеу рәсімін тіркеуші орган жүзеге асырады.

Заңды тұлғаны қайта тіркеу үшін сіз тіркелген жері бойынша «Азаматтарға арналған үкімет» мемлекеттік корпорациясы» КЕАҚ-на жүгіне аласыз. Қайта тіркеу туралы шешім қабылдау кезінде білікті заңгерге жүгіну керек. Кәсіпқой заңгер барлық қажетті операцияларды бірге жүргізеді. Мысалы, жаңа қатысушыларды қабылдай отырып және олардың үлестерінің мөлшерімен мәмілелер жасасуды сүйемелдеу кезінде немесе құрылтайшылардың басқа да өзгерістері кезінде көмектеседі, тиісті шешімдерді, хаттамаларды және басқаларды жасай отырып, құрылтай құжаттары мен жарғыға сауатты өзгерістер енгізуге көмектеседі.

«Азаматтарға арналған үкімет» мемлекеттік корпорациясы» КЕАҚ-да қайта тіркеу үшін құжаттардың тізбесі:

• Нысан бойынша өтініш.
• Заңды тұлғаның мөрімен бекітілген заңды тұлғаның құрылтай құжаттарына, филиал немесе өкілдік туралы ережеге өзгерістер мен толықтырулар енгізуді көздейтін мемлекеттік қайта тіркеу туралы шешім не шешімнен үзінді көшірме.
• жеке кәсіпкерлік субъектісіне жатпайтын заңды тұлға, сондай-ақ акционерлік қоғам, олардың филиалдары/өкілдіктері үшін енгізілген өзгерістерімен және толықтыруларымен құрылтай құжаттарының/ережелерінің 3 данасы.
• Жеке кәсіпкерлік субъектісіне жатпайтын заңды тұлғаның, сондай-ақ акционерлік қоғамның бұрынғы құрылтай құжаттарының, олардың филиалдары/өкілдіктері туралы ережелердің түпнұсқалары.
• Заңды тұлғаны мемлекеттік қайта тіркегені немесе филиалды/өкілдікті есептік қайта тіркегені үшін бюджетке тіркеу алымының төленгенін растайтын түбіртек немесе өзге де құжат.

Тіркеу жарнасының мөлшері

• заңды тұлғаларды мемлекеттік тіркегені (қайта тіркегені), қызметінің тоқтатылғанын мемлекеттік тіркегені (оның ішінде қайта ұйымдастыру кезінде), есептік тіркегені (қайта тіркегені), олардың филиалдары мен өкілдіктерін, олардың филиалдары мен өкілдіктерін есептік тіркеуден шығарғаны үшін - 6,5 АЕК.
• бюджет қаражатынан қаржыландырылатын мекемелерді, қазыналық кәсіпорындарды және үй-жайлардың (пәтерлердің) меншік иелері кооперативтерін мемлекеттік қайта тіркегені, есептік тіркегені, олардың филиалдары мен өкілдіктерін есептік тіркеуден шығарғаны үшін - 1 АЕК, қайта тіркегені үшін - 0,5 АЕК.
• балалар мен жастардың қоғамдық бірлестіктерін, сондай-ақ мүгедектердің қоғамдық бірлестіктерін мемлекеттік тіркегені (оның ішінде қайта ұйымдастыру кезінде), есептік тіркегені, олардың филиалдары мен өкілдіктерін, республикалық және өңірлік ұлттық-мәдени қоғамдық бірлестіктердің филиалдарын есептік тіркеуден шығарғаны үшін - 2 АЕК.
• балалар мен жастардың қоғамдық бірлестіктерін, сондай-ақ мүгедектердің қоғамдық бірлестіктерін мемлекеттік қайта тіркегені, олардың филиалдары мен өкілдіктерін, республикалық және өңірлік ұлттық-мәдени қоғамдық бірлестіктердің филиалдарын есептік тіркегені (қайта тіркегені), есептік тіркеуден шығарғаны үшін - 1 АЕК.
• шағын кәсіпкерлік субъектілері болып табылатын заңды тұлғаларға, олардың филиалдары мен өкілдіктеріне - 0 АЕК.
• саяси партиялар, олардың филиалдары мен өкілдіктері - 14 АЕК.

Кететін құрылтайшының өзгеге беру шартындағы қолы серіктестіктің мүлкіндегі (жарғылық капиталындағы) үлеске өзгеге беру шартының өзінде нотариат куәландыруы қажет.

Шаруашылық серiктестiгiн қайта тiркеу кезiнде оның қатысушысының салымын ақшалай бағалау серiктестiктiң бухгалтерлiк құжаттарымен не аудиторлық есеппен расталуы мүмкiн.

Сіз мемлекеттік қызметтер мен рәсімдер туралы ақпаратты 1414 нөмірі бойынша (ұялы және қалалық телефондардан тегін) әрдайым ала аласыз, ал заңды ақпаратты алу қажет болған жағдайда 119 нөмірі бойынша хабарласуға болады.

Қайта тіркеуден кейін қандай құжаттар болуы тиіс

Қайта тіркеуден өткеннен кейін сізде мынадай құжаттар болуы тиіс:

• мемлекеттік қайта тіркеу туралы анықтама;
• жарғыға және құрылтай шартына өзгерістер (жаңа редакция немесе қосымша);
• құрылтай құжаттарына өзгерістер енгізу туралы шешім;
• қатысу үлесімен жасалатын мәмілені растайтын құжат (сатып алу-сату немесе сыйға тарту шарты);
• салық комитетін және қызмет көрсететін банкті тіркеу деректерінің өзгергені туралы хабардар ету;
• жаңа мөр (атауы немесе орналасқан жері өзгерген жағдайда);

Жауапкершілік

«Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» ҚР Заңының 18-бабына сәйкес заңды тұлғаның мемлекеттік қайта тіркеуге әкеп соғатын деректерінің өзгерістері туралы мәліметтерді бір ай мерзімде ұсынбау әкімшілік жауаптылыққа әкеп соғады.

Құрылтай құжаттары өзгерген барлық қалған жағдайларда заңды тұлға бұл туралы бір ай мерзімде әділет органына хабарлайды.