Кірістер туралы анықтама бейрезидентке Қазақстан Республикасында қосарланған салық салуды болдырмау үшін және өзінің резиденттік елінде қайтадан қажет.

Бейрезиденттің Қазақстан Республикасындағы көздерден алынған табыстардың сомалары туралы анықтаманы алу тәртібі

Салық кодексінің 676-бабына сәйкес бейрезидент Қазақстан Республикасындағы көздерден алынған және ұсталған кірістердің сомалары туралы анықтаманы (бұдан әрі – Анықтама) салық органынан алуға құқылы. Бұл ретте, Анықтама алуға салықтық өтініш берілетін салық Салық кодексінің және халықаралық шарттардың, сондай-ақ осы Кодекстің 672, 673 және 674-баптарына сәйкес қайтаруға жатпайтын шарттардың негізінде Қазақстан Республикасының бюджетіне төленуге жататынын ескеру қажет.

Салық агенті салық органынан осындай салық агенті бейрезидентке есептеген және (немесе) төлеген кірістердің және осындай кірістен ұсталған (төленген) салықтардың сомасы бойынша да анықтама алуға құқылы. Осылайша, анықтама алу үшін бейрезидент (салық агенті) салықтық өтінішті мынадай салық органына:

1) Қазақстан Республикасында қызметін тұрақты мекеме құрмай жүзеге асыратын бейрезидент заңды тұлғаның кірістері бойынша - салық агентінің орналасқан жері бойынша; 2) бейрезиденттің тұрақты мекемесі - осындай тұрақты мекеменің орналасқан жері бойынша;
3) Қазақстан Республикасындағы көздерден алынатын кірістерден салықтарды дербес төлейтін шетелдік немесе азаматтығы жоқ адам - Қазақстан Республикасында болатын (тұратын) жері бойынша;
4) шетелдіктің немесе азаматтығы жоқ адамның осы тармақтың 3) тармақшасында көрсетілмеген табыстары бойынша - салық агентінің орналасқан жері бойынша ұсынуға міндетті.

Салық органы бейрезиденттің (салық агентінің) салықтық өтініші деректерінің салық төлеушінің және (немесе) салық агентінің салық есептілігі нысандарында көрсетілген деректерге сәйкестігіне, сондай-ақ салықтық өтініш беру күніне салық төлеушіде және (немесе) бейрезиденттің кірістерінен алынатын салықтар бойынша салық берешегінің болу фактісіне талдауды жүзеге асырады

Анықтама мынадай күндердің неғұрлым кеш күнінен бастап күнтізбелік он күннен кешіктірілмей беріледі:

• салықтық өтініш берілген;
• бейрезидент салық төлеушінің және (немесе) салық агентінің бейрезиденттің есептелген кірістерінің және төленуге жататын салықтардың сомалары көрсетілген салық есептілігінің тиісті нысанын табыс етуі.

Салық органы мынадай жағдайларда:

• бейрезиденттің (салық агентінің) салықтық өтініші деректерінің салық төлеушінің және (немесе) салық агентінің салық есептілігі нысандарында көрсетілген деректермен сәйкессіздігі анықталған кезде;
• салықтық өтініш берілген күні бейрезиденттің табыстарынан салық төленбеген жағдайда;
• салық төлеушіде және (немесе) салық агентінде салықтық өтініш берілген күні бейрезиденттің табыстарынан салықты аудару бойынша салық берешегі болған жағдайда;
• бейрезидент (салық агенті) салықтық өтінішті табыс етпеген жағдайда анықтама беруден жазбаша бас тартуды жібереді.

Кірістер туралы анықтаманы мемлекеттік органнан (өзі келу тәртібімен немесе пошта арқылы) немесе «Азаматтарға арналған үкімет» мемлекеттік корпорациясы» КЕАҚ-нан алуға болады

Сондай-ақ, кірістер туралы анықтаманы eGov.kz порталы арқылы онлайн режимінде алуға болады.

Онлайн қызметті қалай алуға болады

• eGov.kz порталында тіркеліп, «Қызметке онлайн тапсырыс беру» батырмасын басыңыз.
• Өтінімді толтыру және оған ЭЦҚ (электрондық цифрлық қолтаңбамен) қол қою.
• Жеке кабинетте («Қызметтерді алу тарихы» бөлімінде) қалыптастырылған электрондық құжатпен және сұрау салу нәтижесі туралы хабарламамен танысыңыз.

Мемлекеттік қызметті көрсету нәтижесі Қазақстан Республикасындағы көздерден алынған кірістердің және ұсталған (төленген) салықтардың сомалары туралы анықтама беру не көрсетілетін қызметті берушінің мемлекеттік қызметті көрсетуден бас тарту туралы дәлелді жауабы болып табылады.