Корпоративтік кеш - бұл компания қызметкерлері үшін өткізілетін және корпоративтік мәдениетті дамытуға, компанияның миссиясы мен құндылықтарын таратуға, қызметкерлер арасында коммуникация құруға бағытталған іс-шара. Жұмысты қорытындылау, қол жеткізген жетістіктері үшін алғыс айту тәсілі, сондай-ақ бұл қызметкерлерді ынталандырудың материалдық емес тәсілі.

Корпоратив - бұл қызметкерлер үшін ұйым өткізетін, бірақ қызметкерлердің жұмыс міндеттеріне және олардың қызмет саласына тікелей қатысы жоқ ұжымдық іс-шара.

Шын мәнінде, корпоратив - қызметкерлер үшін мерекенің бір түрі. Әріптестерімен бейресми жағдайда өткізген уақыты.

Корпоративтік іс-шараның мақсаты

Корпоративтік іс-шараны ұйымдастыру және өткізу бойынша шығыстарды есепке алуда көрсету

Банкетке және мереке күндерін ұйымдастыруға арналған шығыстарды есепке алу

Қызметкерлердің есептелген кірістерінен банкет үшін ақы ұстап қалу

Шоттар корреспонденциясы

Корпоративтік іс-шараның мақсаты:

• персоналдың өнімділігін арттыру;
• ұжымның тұтастығы.

Корпоратив жұмыс қатынастарының бір бөлігі болып табылады.

Корпоративтік іс-шараны ұйымдастыру және өткізу бойынша шығыстарды есепте көрсету.

Мерекелік іс-шараны өткізу және оны дайындау үшін:

1, Іс-шараны өткізу және оған дайындық туралы басшының бұйрығын шығару;

2. Іс-шараны өткізуге смета жасау;

3. шығыстарды растайтын барлық құжаттарды жинау;

4. Қорларды есептен шығаруды ресімдеу, сыйлықтар алатын адамдардың ведомостарын жасау қажет;

5. Жауапты тұлға іс-шараны өткізу туралы есеп жасайды.

Банкетке және мерекелік кеш ұйымдастыруға арналған шығыстарды есепке алу

Мерекелік іс-шараны кафеде немесе мейрамханада өткізу үшін таңдалған мекемемен шарт жасалады, банкет үшін алдын ала төлем жүргізіледі, қоғамдық тамақтандыру ұйымынан бастапқы есепке алу құжаттарын (орындалған жұмыстардың актілерін және (немесе) қорларды сыртқа босатуға арналған жүкқұжаттарды) және шот-фактураны алу қажет.

Мерекені өткізу үшін жүргізуші, әртістер шақырылған жағдайда, онда не мерекелерді ұйымдастыру жөніндегі компаниямен (немесе жеке кәсіпкермен), не мерекені ұйымдастыру жөніндегі қызметтерді ұсынатын жеке тұлғалармен дербес шарт жасалады (бұл жағдайда компания салық агенті ретінде әрекет етеді және жеке тұлғаларға табыстарды төлеу кезінде ҚР Салық кодексінің 321-бабына сәйкес төлем көзінен ЖТС ұстауға міндетті).

Егер компания ҚҚС-ты есепке жатқызудың бөлек әдісін қолданса, онда салық салынбайтын айналым мақсатында пайдаланылатын тауарларды, жұмыстар мен көрсетілетін қызметтерді сатып алу бойынша айналым ҚР Салық кодексінің 402-бабы 1-тармағының 1) тармақшасына және Салық есептілігін жасау ережелеріне сәйкес 300.00.015 А жолында көрсетіледі. Бұл жағдайда ешқандай түзетулер жүргізілмейді.

Бірақ егер компания ҚҚС-ты есепке жатқызудың барабар әдісін қолданса, онда ҚҚС-мен барлық сатып алулар, оның ішінде салық салынатын айналым мақсатында сатып алынбағандар, ол ҚҚС бойынша декларацияның 300.00.013 жолында көрсетіледі, ал есепке барабар әдісті қолдануға сәйкес айқындалатын ҚҚС сомасы жатқызылатын болады, яғни үлес салмағы бойынша.

Бұл жағдайда тағы да түзету жүргізілмейді, себебі ҚР Салық кодексінің 404-бабы 1-тармағының 1) тармақшасының ережелері қолданылмайды.

Егер банкеттің құны банкеттің әрбір нақты қатысушысына бөлінбесе, онда банкеттің құны ҚР Салық кодексінің 264-бабына сәйкес шегерімге жатқызылмайды.

Бұл ретте, егер басшының бұйрығымен банкетті ұйымдастыру мен өткізу құны қызметкердің кірісіне енгізілуі тиіс деп айқындалса, онда мерекені ұйымдастыру мен өткізуге жұмсалатын шығыстардың сметасын әрбір қызметкерге жұмсалатын шығыстар есептелетіндей етіп жасау қажет. Бұл жағдайда компания ҚР Салық кодексінің 257-бабына сәйкес қызметкерлердің кірістері құрамында жүргізілген банкеттің құнын шегерімге жатқызуға құқылы.

Қызметкерлердің есептелген кірістерінен банкет үшін ақы ұстап қалу

Бұл жағдайда басшының қызметкерлердің есептелген кірістерінен банкет құнын ҚР Еңбек кодексінің 115-бабына сәйкес ішінара немесе толық ұстап қалу туралы бұйрығынан (өкімінен) басқа, осы ұстап қалуға қызметкердің жазбаша келісімі болуы қажет.

Банкет құнының қалған бөлiгi компанияның таза пайдасы есебiнен есептен шығарылуы немесе одан әрi ұстамай қызметкерлердiң кiрiсiне енгiзiлуi мүмкiн.

Шоттар корреспонденциясы

Есепте банкет өткізу бойынша операциялар былайша көрсетіледі:

Кейде жұмыс беруші қызметкерлердің есептелген кірістерінен банкет үшін ішінара ақы ұстап қалады.