ҚҚС (қосылған құн салығы) - бұл тауарларды (жұмыстарды, қызмет көрсетулерді) өндіру және айналымы процесінде қосылған өткізу бойынша салық салынатын айналым құнының бір бөлігінің бюджетке аударымдары, сондай-ақ ҚР аумағына тауарлар импорты кезінде аударымдар.

Бюджетке төленуге тиіс ҚҚС тауарларды, жұмыстарды немесе қызметтерді өткізу бойынша есептелген ҚҚС мен сатып алынған тауарлар, жұмыстар немесе қызметтер бойынша төленген салық арасындағы айырма ретінде есептеледі.

2026 жылғы 1 қаңтардан бастап ҚҚС

2026 жылғы 1 қаңтарға дейінгі ҚҚС

2026 жылғы 1 қаңтардан бастап ҚҚС

Жаңа Салық кодексі (2025 жылғы 18 шілдедегі № 214-VIII ҚР Кодексі) 2026 жылғы 1 қаңтардан бастап күшіне енді.

Салық реформасы шеңберінде 2026 жылғы 1 қаңтардан бастап күшіне енетін өзгерістер ҚҚС-на қатысты болды.

2026 жылғы 1 қаңтардан бастап одан асып кеткен кезде ҚҚС бойынша тіркеу есебіне тұру қажет айналымның шекті шегі - тиісті қаржы жылының 1 қаңтарында қолданыста болған 10 000 АЕК-ке тең айналым. (ҚР СК 99-бабы)

ҚҚС бойынша міндетті тіркеу есебіне қою мерзімі айналым шегінен асқан сәттен бастап 5 жұмыс күніне дейін қысқартылды. Егер айналымы ҚҚС бойынша шекті шектен асатын мәміле жоспарланып отырса, онда салық төлеуші айналым жасалғанға дейін ҚҚС бойынша міндетті тіркеу есебіне қою туралы салықтық өтініш беруі тиіс. (ҚР СК 101-бабы)

Қосылған құн салығының негiзгi мөлшерлемесі 16%-ды құрайды және салық салынатын айналым мен салық салынатын импорт мөлшерiне қолданылады. (ҚР СК 503-бабы).

ҚҚС бойынша декларация (СЕН 300.00) есепті салық кезеңінен кейінгі айдың 15-інен ерте емес және есепті салық кезеңінен кейінгі екінші айдың 15-інен кешіктірілмей ұсынылады.

Негіздеме - ҚР Салық кодексінің 505-бабы.

МАҢЫЗДЫ! Салық кодексінің 480-бабының 8-тармағында ҚҚС төлеуші ҚҚС бойынша декларацияны (300.00-нысан) ЭШФ АЖ-ға тапсырғанға дейін есепке жатқызылатын ҚҚС сомалары бойынша белгі жасайды деп белгіленген.

ҚҚС төлеуші ҚҚС төлеушінің тіркеу есебінен:

• жалпыға бірдей белгіленген салық салу тәртібінен арнаулы салық режиміне (АСР) көшкен кезде;
• салық төлеушінің қызметі тоқтатылған немесе ол таратылған кезде шығарылады. (ҚР СК 103-бабы)

ҚҚС төлеушілер

ҚҚС бойынша міндетті есепке қою

ҚҚС бойынша ерікті есепке қою

ҚҚС бойынша шартты есепке қою

ҚҚС мөлшерлемесі

Салықтық кезең және салық декларациясы

ҚҚС төлеу мерзімі

ҚҚС төлеушіні тіркеу есебінен шығару

ҚҚС төлеушілер

ҚР СК 447-бабында белгіленгендей мыналар қосылған құн салығын төлеушiлер болып табылады:

1) салық төлеушілер базасында Қазақстан Республикасында қосылған құн салығы бойынша тіркеу есебіне қою жүргізілген тұлғалар;

2) ЕАЭО-ның кеден заңнамасына және (немесе) Қазақстан Республикасының кеден заңнамасына сәйкес Қазақстан Республикасының аумағына тауарларды импорттайтын тұлғалар.

ҚҚС бойынша міндетті есепке қою

2026 жылғы 1 қаңтардан бастап ҚҚС төлеушіні тіркеу есебіне қоюдың 3 түрі көзделген:

1. ерікті түрде қою;
2. міндетті түрде қою;
3. шартты түрде қою.

Асып кеткен кезде ҚҚС бойынша тіркеу есебіне тұру қажет айналымның шекті шегі - тиісті қаржы жылының 1 қаңтарында қолданыста болған 10 000 АЕК-ке тең айналым (ҚР СК  99-бабы)

ҚҚС төлеушіні тіркеу есебіне қою осындай өтініш ұсынылған күннен бастап салық төлеушінің тұрған жеріндегі салық органына ұсынылған салықтық өтініш негізінде жүзеге асырылады.

Салық төлеушіні тіркеу есебіне қойғаннан кейін басшы және (немесе) бюджетпен есеп айырысуға жауапты адам салық органдарында электрондық шот-фактуралардың ақпараттық жүйесімен және электрондық шот-фактураларды жазып беру тәртібімен танысуға міндетті.

Заңды тұлғаны тіркеу есебіне қою және (немесе) тіркеу деректерін өзгерту, сондай-ақ басшыны ауыстыру кезінде электрондық шот-фактуралардың ақпараттық жүйесінде басшыны биометриялық сәйкестендіру жүргізіледі.

ҚҚС бойынша міндетті есепке қою

Айналымы тиісті қаржы жылының 1 қаңтарында қолданыста болған 10 000 АЕК айналымының шекті шегінен асатын салық төлеушілер ҚҚС бойынша міндетті есепке қоюға жатады. (ҚР СК 101-бабы)

ҚҚС төлеушіні есепке қою айналымның шекті шегінен асқан күннен бастап 5 жұмыс күнінен кешіктірмей - мерзімде берілетін салықтық өтініш негізінде жүзеге асырылады. 

Айналымның шекті шегінен асатын мәміле жасалған жағдайда, салық төлеуші осындай мәміле бойынша айналым жасалғанға дейін салықтық өтініш береді.

ҚҚС бойынша міндетті есепке қою үшін айналым:

1) бейрезидент Қазақстан Республикасында қызметін жүзеге асыратын жаңадан құрылған резидент-заңды тұлға, құрылымдық бөлімше – тіркеуші органда мемлекеттік (есептік) тіркелген күннен бастап;

2) салық органдарында дара кәсіпкерді тіркеу есебіне қайта тұрған жеке тұлға – ДК тіркеу есебіне қойылған күннен бастап;

3) арнаулы салық режимін қолданған салық төлеуші – жалпыға бірдей белгіленген салық салу тәртібіне көшкен күннен бастап;

4) өзге салық төлеуші – ағымдағы күнтізбелік жылдың 1 қаңтарынан бастап айқындалады.

Мыналар міндетті түрде тіркеу есебіне қоюға жатпайды:

1. мемлекеттік мекеме;
2. резидент заңды тұлғаның құрылымдық бөлімшесі;
3. жеке практикамен айналысатын адам;
4. арнаулы салық режимін қолданатын салық төлеуші (оңайлатылған декларация негізінде өзін-өзі жұмыспен қамтығандар үшін, ШҚ үшін АСР);
5. жеке тұлға.

ҚҚС бойынша ерікті есепке қою

ҚҚС бойынша тіркеу есебіне міндетті және шартты түрде қоюға жатпайтын тұлғалардың айналымның шекті шегіне жеткенге дейін салық төлеушіні тіркеу есебіне ерікті түрде қоюға құқығы бар (ҚР СК 100-бабы)

ҚҚС бойынша тіркеу есебіне ерікті түрде қоюға жатпайды:

1) мемлекеттік мекеме;

2) резидент заңды тұлғаның құрылымдық бөлімшесі;

3) жеке практикамен айналысатын адам;

4) арнаулы салық режимін қолданатын салық төлеуші;

5) жеке тұлға.

ҚҚС бойынша шартты есепке қою

Салық төлеушіні тіркеу есебіне шартты түрде қою уәкілетті орган айқындаған тәртіппен шетелдік салық төлеуші компаниялардың тізілімін қалыптастыру арқылы жүзеге асырылады.

Салық органы шетелдік салық төлеуші компаниялардың тізіліміне шартты түрде қоюды жүзеге асыру тәртібімен белгіленген тізбеге сәйкес шетелдік компания туралы деректерді енгізеді.

Салық төлеуші шетелдік компаниялардың тізіліміне енгізілген салық төлеуші шетелдік компаниялар туралы мәліметтер шартты түрде қоюды жүзеге асыру тәртібіне сәйкес уәкілетті органның интернет-ресурсында орналастырылады.

Шетелдік компания салық төлеушіні тіркеу есебіне шартты түрде қою үшін салық органына салық төлеушіні тіркеу есебіне қою туралы растау хатын шетелдік салық төлеуші компаниялардың тізіліміне енгізілуге жататын деректерді көрсете отырып ұсынады.

Растау хатын шетелдік компания салық органына тауарды және (немесе) көрсетілетін қызметтерді сатып алушы бірінші төлемді жүзеге асырған күннен бастап бір айдан кешіктірмей ұсынады.

Шетелдік компания салық төлеуші шетелдік компаниялардың тізіліміне енгізілуге жататын деректердің өзгергені және (немесе) толықтырылғаны туралы салық органын деректердің өзгерістері және (немесе) толықтырулары енгізілген күннен кейінгі он жұмыс күнінен кешіктірмей хабардар етуге міндетті. (ҚР СК 102-бабы)

Шетелдік компания тауарды және (немесе) көрсетілетін қызметтерді сатып алушы бірінші төлемді жүзеге асырған күннен бастап салық төлеуші болып танылады.

ҚҚС мөлшерлемесі

Қосылған құн салығының негiзгi мөлшерлемесі 16%-ды құрайды және салық салынатын айналым мен салық салынатын импорт мөлшерiне қолданылады. (ҚР СК 503-бабы.).

ҚҚС 5% - 2026 жылғы 1 қаңтардан бастап,

ҚҚС 10% - 2027 жылғы 1 қаңтардан бастап өткізу және импорт бойынша салық салынатын айналым мөлшерінен:

• ТМККК және МӘМС шеңберінде, сондай-ақ орфандық ауруларды емдеу үшін өткізілген тауарларды қоспағанда, дәрілік заттар;

• медициналық бұйымдар, медициналық бұйымдарды жинақтаушы, сондай-ақ техникалық көмекші (компенсаторлық) құралдар.

• ТМККК және МӘМС шеңберінде іске асырылғандарды қоспағанда, медициналық қызметтерді, оның ішінде кешенде көрсетілетін қызметтерді өткізу бойынша, сондай-ақ орфандық ауруларды емдеу үшін салық салынатын айналым мөлшерінен.

ҚҚС 10% - отандық мерзімді баспасөз басылымдарын сату бойынша айналым мөлшерінен.

Есепке жатқызылатын қосымша ҚҚС сомасы - 80% - Салық кодексінің 490-бабында айқындалған шаруа немесе фермер қожалықтарын қоса алғанда, ауыл шаруашылығы өнімдерін, аквашаруашылық (балық өсіру шаруашылығы) өнімдерін өндіруді, қайта өңдеуді жүзеге асыратын тұлғалар үшін.

Салықтық кезең және салық декларациясы

Күнтізбелік тоқсан қосылған құн салығы бойынша салықтық кезең болып табылады.

ҚҚС төлеуші ҚҚС бойынша декларацияны (СЕН 300.00) әрбір салықтық кезең үшін тұрған жеріндегі салық органына есепті салықтық кезеңнен кейінгі айдың 15-інен кейін және есепті салықтық кезеңнен кейінгі екінші айдың 15-інен кешіктірмей ұсынуға міндетті (ҚР СК 505-бабы)

МАҢЫЗДЫ! Салық кодексінің 480-бабының 8-тармағында ҚҚС төлеуші ҚҚС бойынша декларацияны (300.00-нысан) ЭШФ АЖ-ға тапсырғанға дейін есепке жатқызылатын ҚҚС сомалары бойынша белгі жасайды деп белгіленген.

Қосылған құн салығын төлеуші қосылған құн салығы бойынша тарату декларациясын:

• ҚР СК 103-бабында көзделген тәртіппен қосылған құн салығы бойынша тіркеу есебінен шығару кезінде.
• ҚР СК 7-тарауында көзделген тәртіппен тарату кезінде ұсынуға міндетті.

ҚҚС төлеу мерзімі

ҚР СК 506-бабына сәйкес ҚҚС салық төлеушінің тұрған жерінде мынадай мерзімдерде:

1) есепті салықтық кезеңнен кейінгі екінші айдың 25-інен кешіктірілмей – әрбір салықтық кезең үшін бюджетке төленуге тиіс қосылған құн салығының, сондай-ақ бейрезидент үшін есептелген ҚҚС сомасы.

 2) Қазақстан Республикасының кеден заңнамасында айқындалған мерзімдерде – импортталатын тауарлар бойынша қосылған құн салығының сомасы;

3) ҚҚС бойынша тарату декларациясы салық органына ұсынылған күннен бастап күнтізбелік он күннен кешіктірілмей – қосылған құн салығын төлеуші ҚҚС бойынша тіркеу есебінен шығарылған жағдайда, осындай декларацияда көрсетілген ҚҚС сомасы төленуге жатады.

Импортталған тауарлар бойынша ҚҚС салық төлеушілердің орналасқан (тұрғылықты) жері бойынша салық кезеңінен кейінгі айдың 20-сынан кешіктірілмей төленеді.

Импортталған тауарлардың бағасы ҚР СК 518-бабының 8-тармағына сәйкес ұлғайту жағына өзгертілген жағдайда, тауарларды әкелу және жанама салықтарды төлеу туралы өтініш шартқа (келісімшартқа) қатысушылар импортталған тауарлардың бағасын өзгерткен айдан кейінгі айдың 20-сынан кешіктірілмей электрондық нысанда ұсынылады. (ҚР СК 530-бабы)

ҚҚС төлеушіні тіркеу есебінен шығару

ҚР СК 103-бабының негізінде ҚҚС төлеуші ҚҚС төлеушінің тіркеу есебінен:

1. жалпыға бірдей белгіленген салық салу тәртібінен арнаулы салық режиміне (АСР) көшкен кезде;
2. қызметі тоқтатылған немесе ол таратылған кезде шығарылады.

Салық төлеуші жалпыға бірдей белгіленген салық салу тәртібінен АСР-ге ауысқан кезде салық салудың қолданылатын режимі туралы хабарламамен бір мезгілде салық органына салық бойынша таратудың салықтық есептілігін ұсынады.

Салық төлеушіні тіркеу есебінен алу мынадай жағдайларда:

1) банкроттық себебі бойынша қызметін тоқтатқанды немесе таратылғанды қоспағанда, салық төлеушінің қызметін тоқтатқан немесе ол таратылған жағдайда – тиісті тіркеуші органға қызметті тоқтату туралы өтініш (салықтық өтініш) ұсынылған күннен бастап;

2) банкроттық себебі бойынша салық төлеушінің қызметі тоқтатылған немесе ол таратылған жағдайда – ДК тіркеу есебінен шығарылған немесе заңды тұлға нөмірлер тізілімінен алынған күннен бастап;

3) заңды күшіне енген сот актісімен ДК немесе заңды тұлғаны тіркеуді жарамсыз деп тану себебі бойынша салық төлеушінің қызметі тоқтатылған немесе ол таратылған жағдайда – салық төлеуші тіркеу есебіне қойылған күннен бастап;

4) заңды тұлғалар бірігу, қосылу жолымен қайта ұйымдастырылған жағдайда – таратудың салықтық есептілігі мен беру актісі ұсынылған күннен бастап;

5) заңды тұлға бөліну жолымен қайта ұйымдастырылған жағдайда – таратудың салықтық есептілігі мен бөлу актісі ұсынылған күннен бастап;

6) дара кәсіпкердің тіркеу есебінде тұрған жеке тұлға қайтыс болған жағдайда – салық төлеушілер базасынан алынған күннен бастап;

7) жалпыға бірдей белгіленген салық салу тәртібінен АСР-ге көшкен жағдайда – арнаулы салық режимін қолдануды бастаған күннен бастап жүргізіледі.

2026 жылғы 1 қаңтарға дейінгі ҚҚС

ҚҚС - бұл тауарларды, жұмыстарды немесе көрсетілетін қызметтерді өндіру және айналысы процесінде қосылған құн өсімінің бір бөлігін бюджетке аударуды, сондай-ақ тауарларды Қазақстан Республикасының аумағына импорттау кезінде аударымдарды білдіретін қосылған құн салығы. 

Бюджетке төленуге жататын ҚҚС сатылған тауарлар, жұмыстар немесе қызметтер үшін есептелген ҚҚС сомалары мен сатып алынған тауарлар, орындалған жұмыстар немесе көрсетілген қызметтер үшін төлеуге жататын салық сомалары арасындағы айырма ретінде айқындалады.

ҚҚС төлеушілер

ҚҚС бойынша міндетті есепке қоюға кім жатады

ҚҚС бойынша тіркеу есебіне ерікті түрде қою

ҚҚС мөлшерлемесі

Салық кезеңі

ҚҚС төлеу мерзімі

Импорт кезіндегі ҚҚС

Жауапкершілік

ҚҚС төлеушілер

ҚР СК 367-бабының 1-тармағына сәйкес мыналар Қазақстанда ҚҚС төлеушілер болып табылады:
1) Қазақстан Республикасында қосылған құн салығы бойынша тіркеу есебіне қою жүргізілген мынадай тұлғалар:
дара кәсіпкерлер, жеке практикамен айналысатын тұлғалар;
мемлекеттiк мекемелердi және орта білім беретін мемлекеттік оқу орындарын қоспағанда, резидент-заңды тұлғалар;
Қазақстан Республикасында қызметiн құрылымдық бөлімше арқылы жүзеге асыратын бейрезиденттер;
2) Еуразиялық экономикалық одақтың кеден заңнамасына және (немесе) Қазақстан Республикасының кеден заңнамасына сәйкес Қазақстан Республикасының аумағына тауарларды импорттайтын тұлғалар.

ҚҚС бойынша міндетті есепке қоюға кім жатады

Мыналарды:

мемлекеттік мекемелерді; резидент заңды тұлғалардың құрылымдық бөлімшелерін; шаруа немесе фермер қожалықтары үшін АСР осындай арнаулы салық режимі қолданылатын қызметі бойынша қолданатын салық төлеушілерді қоспағанда, резидент-заңды тұлғалар, Қазақстан Республикасында қызметін филиал, өкілдік арқылы жүзеге асыратын бейрезиденттер, дара кәсіпкерлер, жеке практикамен айналысатын адамдар осы бапта айқындалған тәртіппен ҚҚС бойынша тіркеу есебіне міндетті түрде қоюға жатады.
Егер ҚҚС бойынша тiркеу есебiне қою мақсаттары үшiн айналымның мөлшері күнтізбелік жыл ішінде ең төмен айналымнан асып кеткен жағдайда, ҚҚС бойынша тiркеу есебiне қоюға жататын тұлғалар орналасқан жеріндегі салық органына ҚҚС бойынша тіркеу есебі туралы салықтық өтінішті беруге міндетті.

ҚР Салық кодексінің 82-бабының 4-тармағына сәйкес - Ең төмен айналым республикалық бюджет туралы заңда белгіленген және тиісті қаржы жылының 1 қаңтарына қолданыста болатын АЕК-тің 20 000 мың еселенген мөлшерін құрайды.

Осы тармақтың бірінші бөлігінде белгіленген ең төмен айналымға оңайлатылған декларация негізінде АСР қолданатын дара кәсіпкердің республикалық бюджет туралы заңда белгіленген және тиісті қаржы жылының 1 қаңтарына қолданыста болатын АЕК-тің 124 184 еселенген мөлшері шегіндегі, үш құрамдасты интеграцияланған жүйе міндетті түрде қолданыла отырып, қолма-қол ақшасыз есеп айырысу нысанында жасалған айналымдары қосылмайды.

Сондай-ақ ең төмен айналымға бөлшек салықтың арнаулы салық режимін қолданатын салық төлеушінің айналымдары енгізілмейді.

ҚҚС бойынша тіркеу есебіне ерікті түрде қою.

ҚҚС бойынша тіркеу есебіне міндетті түрде қоюға жатпайтын тұлғалар мынадай тәсілдердің бірімен: өзі келу тәртібімен, қағаз жеткізгіште; электрондық нысанда; Бизнес-сәйкестендіру нөмірлерінің ұлттық тізілімінде резидент-заңды тұлғаны мемлекеттік тіркеу кезінде қосылған құн салығы бойынша тіркеу есебіне алу туралы салықтық өтінішті беру жолымен қосылған құн салығы бойынша тіркеу есебіне тұруға құқылы. ҚР СК 83-бабы.

 ҚҚС мөлшерлемесі

ҚҚС мөлшерлемесі 12 пайызды (12%) құрайды және салық салынатын айналым мен салық салынатын импорт мөлшеріне қолданылады. Тауарларды экспортқа өткізу (түсті және қара металл сынықтарынан басқа) және халықаралық тасымалдарға байланысты жұмыстарды, көрсетілетін қызметтерді орындау бойынша айналымдарға нөлдік мөлшерлеме (0%) бойынша ҚҚС салынады ҚР СК 422-бабының 1, 2-тармақтары.

Салық кезеңі

ҚҚС бойынша салық кезеңі күнтізбелік тоқсан болып табылады.

ҚҚС төлеушілер есепті салық кезеңінен кейінгі екінші айдың 15-інен кешіктірмей орналасқан жері бойынша салық органына әрбір салық кезеңі үшін қосылған құн салығы бойынша декларацияны (тоқсанына бір рет СЕН 300.00) тапсыруға. Декларациямен бір мезгілде декларацияға қосымша болып табылатын, салық кезеңі ішінде сатып алынған және өткізілген тауарлар, жұмыстар, қызметтер бойынша шот-фактуралардың тізілімдері тапсырылады. Сатып алынған және өткізілген тауарлар, жұмыстар, көрсетілетін қызметтер бойынша шот-фактуралар тізілімдерінің нысандарын уәкілетті орган белгілейді. ҚР СК 424-бабының 1, 2-тармақтары.

ҚҚС төлеу мерзімі

ҚҚС бюджетке салық төлеушінің орналасқан жері бойынша мынадай мерзімдерде: есепті салықтық кезеңнен кейінгі екінші айдың 25-і күнінен кешіктірмей – әрбір салықтық кезең үшін бюджетке төленуге тиіс ҚҚС-ның, сондай-ақ бейрезидент үшін есептелген ҚҚС-ның сомасы сомасы төленуге жатады. ҚР СК 425-бабының 1-тармағы.

Импорт кезіндегі ҚҚС

Салық кодексіне сәйкес, ЕАЭО аумағынан тауар импорты 12% мөлшерлеме бойынша ҚҚС салынуға жатады. Тауар импорты кезінде ҚҚС төлеушілер мен төлемеушілер ҚҚС төлейді.

ҚҚС төлеу - есепті айдан кейінгі айдың 20 күніне дейін, бірақ импорт бойынша салық есептілігін тапсырғанға дейін.

2020 жылғы 10 желтоқсандағы № 382-VI Заңымен ҚР СК-не енгізілген өзгерістерге сәйкес, 2021 жылғы 1 қаңтардан бастап ЕАЭО мүше мемлекеттерден ҚР аумағына тауарларды импорттау кезінде СЕН 320.00 Импортталған тауарлар бойынша жанама салықтар жөніндегі декларация ұсыну бойынша талап тоқтатылды. Салық төлеуші тауарларды әкелу және жанама салықтарды төлеу бойынша өтінішті ғана - СЕН 328.00, тапсыратын болады, бұл ретте осы өтініш салық декларациясы болып табылады.

Осылайша, ЕАЭО-ға мүше мемлекеттерден ҚР аумағына тауарларды импорттау кезінде 2021 жылғы қаңтарда ҚҚС есепке жатқызу қағаз тасығышта және электронды нысанда не тек электронды нысанда 328.00-нысаны бойынша тауарларды әкелу және жанама салықтарды төлеу туралы өтініш негізінде салық кезеңінен кейінгі айдың 20-күнінен кешіктірмей жүргізіледі (осы өтініш салық декларациясы болып табылады). ҚР СК 456-бабының 2-тармағы.

456-батың 5-тармағы сәйкес импортталған тауарлар бойынша ҚҚС салық төлеушілердің орналасқан (тұрғылықты) жері бойынша салық кезеңінен кейінгі айдың 20-сынан кешіктірілмей төленеді.

ҚР СК 442-бабының нормаларына сәйкес салық төлеушінің импортталған тауарларды есепке қабылдаған күні ҚҚС бойынша салық салынатын импортты жасау күні болып табылады. Егер осы тармақта өзгеше белгiленбесе:
1) осындай тауарларды бухгалтерлік есепте тану (көрсету) күндерінің неғұрлым ертерегі,
2) мұндай тауарларды Қазақстан Республикасының аумағына әкелу күні импортталған тауарларды есепке қабылдаған күн болып табылады.

Салық төлеушіде екі күн де болған кезде көрсетілген күндердің неғұрлым соңғысы импортталған тауарларды есепке алу күні болып танылады.

Жауапкершілік

ӘҚБтК-нің 269-бабына сәйкес салық төлеушінің Қазақстан Республикасының заңнамалық актілерінде белгіленген ҚҚС бойынша тіркеу есебіне қою туралы мемлекеттік кірістер органына салықтық өтініш беру мерзімін бұзуы - 50 АЕК мөлшерінде айыппұл салуға әкеп соғады. ӘҚБтК-нің 275-бабы 5-тармағының негізінде ҚҚС төлеуші ретінде есепке тұрмаған кезең үшін айналым жасау - есепке тұрмаған кезең үшін айналым сомасының 15% мөлшерінде айыппұл салуға әкеп соғады.

Калькулятор  ҚҚС (Қосылған құн салығы) есебі