Салық жеңiлдiктерi - салық төлеушiлердiң белгiлi бiр санатына берiлетiн салық жүктемесiн жеңiлдету, салық төлеуден толық немесе iшiнара босату.

Ағымдағы уақытта Мемлекет салық төлеушiлердiң жекелеген санаттарына салық жеңiлдiктерiнiң белгiлi бiр пакетiн бередi.

Мәселен, Салық кодексінің 698-бабына сәйкес - Арнаулы салық режимі төлем көзінен ұстап қалатын салықты, әлеуметтік салықты, мүлік салығын, көлік құралы салығын қоспағанда, КТС немесе ЖТС есептеудің ерекше тәртібін көздейді.

2. Арнаулы салық режимі:

1) ауыл шаруашылығы өнімін өндірушілердің ауыл шаруашылығы өнімін (акцизделетін өнімді қоспағанда) өндіру, өз өндірісінің көрсетілген өнімін қайта өңдеу және өткізу жөніндегі қызметіне;

2) ауыл шаруашылығы кооперативтерінің:

• акцизделетін өнімді қоспағанда, ауыл шаруашылығы өнімін өндіру және оны өткізу;
• осындай кооператив мүшелері өндірген ауыл шаруашылығы өнімін дайындау, сақтау және өткізу;
• өзі өндірген және (немесе) осындай кооперативтің мүшелері өндірген ауыл шаруашылығы өнімін (акцизделетін өнімді қоспағанда) қайта өңдеу, сондай-ақ осындай қайта өңдеу нәтижесінде алынған өнімді өткізу жөніндегі қызметіне қолданылады;

Салық кодексінің 697-бабына сәйкес мынадай ауыл шаруашылығы өнімін:

1) өсімдік шаруашылығы өнімін;

2) мал шаруашылығы өнімін;

3) құс шаруашылығы өнімін;

4) балара шаруашылығы өнімін өндіру және өткізу бойынша қызметті жүзеге асыратын заңды тұлға, шаруа немесе фермер қожалықтары ауыл шаруашылығы өнімін өндірушілер деп танылады.

Осы тараудың мақсаттары үшін ауыл шаруашылығы өнімін өндірушілерге акваөсіру (балық өсіру шаруашылығы) өнімдері де жатады.

Осы Кодексте:

1) ауыл шаруашылығы өнімін өндірушілер және ауыл шаруашылығы кооперативтері үшін;

2) фермер және шаруа қожалықтары үшін ауыл шаруашылығы өнімін өндірушілерге арналған арнаулы салық режимдері көзделген.

Салық кодексінің 700-бабының 1-тармағына сәйкес - Арнаулы салық режимін қолданатын ауыл шаруашылығы өнімін өндірушілер мен ауыл шаруашылығы кооперативтері бюджетке төлеуге жататын мынадай салықтардың сомасын:

1) осы Кодекстің 698-бабының 2-тармағында көрсетілген қызметті жүзеге асырудан түскен кіріс бойынша – КТС пен ЖТС (төлем көзінен ұстап қалатын салықтардан басқа) сомасын;

2) осы Кодекстің 698-бабының 2-тармағында көрсетілген қызметті жүзеге асырумен байланысты салық салу объектілері бойынша – әлеуметтік салық сомасын;

3) осы Кодекстің 698-бабының 2-тармағында көрсетілген қызметті жүзеге асыру кезінде пайдаланылатын салық салу объектілері бойынша – мүлік салығы, көлік құралы салығы сомасын 70 пайызға азайтуға құқылы.

Салық кодексінің 411-бабының негізінде Мынадай тұлғалар қосылған құн салығының қосымша сомасын есепке жатқызуға құқылы -

1) ауыл шаруашылығы өнімін, акваөсіру (балық өсіру шаруашылығының) өнімін өндіру, өз өндірісінің көрсетілген өнімін қайта өңдеу жөніндегі қызметті жүзеге асыру нәтижесі болып табылатын тауарларды өткізу жөніндегі айналымдар бойынша – шаруа немесе фермер қожалықтарын қоса алғанда, ауыл шаруашылығы өнімін, акваөсіру (балық өсіру шаруашылығының) өнімін өндірушілер;

2) ауыл шаруашылығы өнімін, балық өсіру шаруашылығының немесе кәсіпшілік балық өсіру шаруашылығының өнімін қайта өңдеуді жүзеге асырудың нәтижесі болып табылатын тауарларды өткізу жөніндегі айналымдар бойынша – заңды тұлғалар.

Қоғамдық тамақтану саласындағы қызметті қоспағанда, ауыл шаруашылығы өнімін, балық өсіру шаруашылығының өнімін қайта өңдеуге мынадай қызмет түрлері жатады:

• ет және ет өнімдерін өндіру;
• жемістер мен көкөністерді қайта өңдеу және консервілеу;
• өсімдіктер мен жануарлардың майларын және тоңмайларды өндіру;
• сүтті қайта өңдеу және ірімшік өндіру;
• ұн-жарма өнеркәсібінің өнімдерін өндіру;
• жануарлар үшін дайын жемшөп өндіру;
• нан өндіру;
• балалар тағамын және диеталық тамақ өнімдерін өндіру;
• крахмал-cірне өнеркәсібінің өнімдерін өндіру;
• ауыл шаруашылығы малдарының терілерін және жүндерін қайта өңдеу;
• тірі балықты қайта өңдеу;
• ашытқы өндіру;
• салық төлеуші агроөнеркәсіптік кешенді дамыту саласындағы уәкілетті орган айқындаған тәртіппен келісім жасасқан жағдайда, ұзақ сақталатын шоколад, қантты кондитерлік өнімдер, печенье және ұннан жасалған кондитерлік өнімдер өндіру;
• қант өндіру;

Салық кодексінің 411-бабына сәйкес, егер тұлға:

• шетелдік,
• қызметін Қазақстан Республикасында тұрақты мекеме арқылы жүзеге асыратын резидент емес заңды тұлға болса, ҚҚС сомасын есепке жатқызуға құқығы жоқ.

«Астана Хаб» халықаралық технологиялық паркі қатысушысының салықтық жеңілдіктері

26.12.18 жылғы № 203-VI ҚР Заңына сәйкес СК 293-бабы 4-3-тармақпен толықтырылды (2019 жылғы 1 қаңтардан бастап қолданысқа енгізілді, 2029 жылғы 1 қаңтарға дейін қолданылады).

4-3. "Астана Хаб" халықаралық технологиялық паркіне қатысушылар корпоративтік табыс салығының бюджетке төленуге тиісті сомасын айқындау кезінде осы Кодекстің 302-бабына сәйкес есептелген корпоративтік табыс салығының сомасын 100 пайызға азайтады.

Осы Кодекстің мақсаттары үшін "Астана Хаб" халықаралық технологиялық паркіне қатысушыларға бір мезгілде мынадай шарттарға сай келетін:

1) Қазақстан Республикасының ақпараттандыру туралы заңнамасына сәйкес "Астана Хаб" халықаралық технологиялық паркіне қатысушылар ретінде тіркелген;

2) кірістерді ақпараттық-коммуникациялық технологиялар саласындағы басым қызмет түрлерін жүзеге асырудан ғана алатын заңды тұлғалар жатады.

Бейрезиденттердің кірістері бойынша КТС-нан босату

СК 644-бабының 2-тармағы бойынша:
3-1) уәкілетті орган бекіткен тізбеге енгізілген жеңілдікті салық салынатын мемлекетте тіркелген тұлғаның кірісін қоспағанда, осы Кодекстің 293-бабы 1-тармағының 6) тармақшасында аталған заңды тұлға төлейтін консультациялық, маркетингтік, инжинирингтік қызметтерді, ақпараттық қауіпсіздік саласындағы қызметтерді көрсетуден, деректерді өңдеу орталықтарын құру жөніндегі жұмыстарды орындаудан түсетін кіріс.

Бейрезидент емес үшін ҚҚС бойынша жеңілдік

СК 373-бабының 2-тармағы бойынша осы баптың 1-тармағында көрсетілген жұмыстар, көрсетілетін қызметтер, егер:

3) мыналарға:

ақпараттандыру саласындағы уәкілетті орган мемлекеттік жоспарлау жөніндегі орталық уәкілетті органмен, техникалық реттеу саласындағы мемлекеттік реттеуді жүзеге асыратын уәкілетті мемлекеттік органмен және уәкілетті органмен келісу бойынша бекітетін, ақпараттық-коммуникациялық технологиялар саласындағы басым қызмет түрлерінің тізбесіне енгізілген қызмет түрлерін жүзеге асыру үшін осындай жұмыстарды, көрсетілетін қызметтерді сатып алу шартымен осы Кодекстің 293-бабы 1-тармағының 6) тармақшасында аталған заңды тұлғаларға жұмыстар орындалса және қызметтер көрсетілсе, бейрезиденттен тауарларды, көрсетілетін қызметтерді сатып алу бойынша айналым болып табылмайды.

ҚҚС-нан босату

СК 394-бабының 45)-46) тармақшаларына сәйкес өткізу орны Қазақстан Республикасы болып табылатын мынадай тауарларды, жұмыстарды, көрсетілетін қызметтерді:

45) осы Кодекстің 293-бабы 4-3-тармағының шарттарына сай келетін "Астана Хаб" халықаралық технологиялық паркіне қатысушылар өндіретін және өткізетін тауарларды;
46) осы Кодекстің 293-бабы 4-3-тармағының шарттарына сай келетін "Астана Хаб" халықаралық технологиялық паркіне қатысушылар өткізетін жұмыстарды, көрсетілетін қызметтерді өткізу бойынша айналымдар қосылған құн салығынан босатылады.

ЖТС және ӘС бойынша жеңілдіктер

СК 341-бабы 1-тармағының 53) тармақшасына сәйкес жеке тұлғаның салық салуға жататын кірістерінен мынадай кіріс түрлерi алып тасталады (бұдан әрі – кірісті түзету): 53) осы Кодекстің 293-бабы 1-тармағының 6) тармақшасында көрсетілген заңды тұлғалар жұмыскерлерінің кірістері.

СК 484-бабының 3-тармағы бойынша мыналар әлеуметтік салық салу объектісінен алып тасталады:

3) осы Кодекстің 341-бабы 1-тармағының 10) тармақшасында белгіленген кірістерді, сондай-ақ Қазақстан Республикасының азаматтары болып табылатын жұмыскерлердiң кірістері бөлігінде осы Кодекстiң 341-бабы 1-тармағының 50) тармақшасында белгіленген кірістерді қоспағанда, осы Кодекстің 341-бабының 1-тармағында белгіленген кірістер.